BSNL Plan: ప్రభుత్వ రంగ టెలికాం సంస్థ బీఎస్ఎన్ఎల్ (BSNL) చౌకైన రీఛార్జ్ ప్లాన్లతో తన కస్టమర్లకు ఎప్పుడూ సర్ ప్రైజ్ ఇస్తూనే ఉంటుంది. ఈ క్రమంలోనే రూ.300 కంటే తక్కువ ధరకే ఒక ప్రత్యేకమైన రీఛార్జ్ ప్లాన్ ను అందుబాటులో ఉంచింది. నెల రోజుల వ్యాలిడిటీతో వచ్చిన ఈ ప్లాన్ పై పెద్ద మెుత్తంలో డేటా, ఫ్రీ కాల్స్, ఎస్ఎంఎస్ లు యూజర్లకు లభించనున్నాయి. ఈ ప్లాన్ కు సంబంధించిన పూర్తి వివరాలేంటో ఈ కథనంలో చూద్దాం.
బీఎస్ఎన్ఎల్ ఈ రూ.299 ప్లాన్ ను 30 రోజుల వ్యాలిడిటీతో తీసుకొచ్చింది. ఇందులో ప్రతీ రోజూ 3 జీబీ హై-స్పీడ్ డేటా లభిస్తుంది. అంటే ప్లాన్ గడువు ముగిసే నాటికి ఏకంగా 90 జీబీ డేటాను యూజర్లు వినియోగించుకోవచ్చు. ఆన్లైన్ గేమింగ్, వీడియో స్ట్రీమింగ్, సోషల్ మీడియాను ఎక్కువగా వాడేవారికి ఈ ప్లాన్ సరిగ్గా సరిపోతుందని బీఎస్ఎన్ఎల్ వర్గాలు చెబుతున్నాయి.
ఒకవేళ రోజువారీ 3GB డేటా లిమిట్ అయిపోయినా ఈ ప్లాన్ లో టెన్షన్ పడాల్సిన అవసరం లేదని బీఎస్ఎన్ఎల్ చెబుతోంది. డేటా లిమిట్ ముగిసిన తర్వాత 40 Kbps వేగంతో అపరిమితంగా డేటా వాడుకోవచ్చని పేర్కొంది. వాట్సప్ మెసేజ్ లు, వెబ్ బ్రౌజింగ్ వంటి పనులకు ఈ వేగం సరిపోతుందని తెలియజేస్తోంది.
ఈ రూ.299 ప్లాన్ లో ఫ్రీకాల్స్ ను సైతం బీఎస్ఎన్ఎల్ ఆఫర్ చేస్తోంది. దేశవ్యాప్తంగా ఏ నెట్వర్క్కైనా అపరిమితంగా వాయిస్ కాల్స్ చేసుకునే వెసులుబాటును కల్పిస్తోంది. దీంతో పాటు ప్రతిరోజూ 100 ఫ్రీ ఎస్ఎంఎస్లు పంపుకునే సదుపాయం కూడా లభిస్తుంది.
Also Read: చాణక్యనీతి.. అమ్మాయిలు ఈ 5 విషయాలు ఇతరులకు చెప్పకూడదు
ప్రతీ రోజూ అధికమెుత్తంలో డేటాను వినియోగించేవారికి ఈ ప్లాన్ పర్ఫెక్ట్ గా సరిపోతుందని నిపుణులు చెబుతున్నారు. తక్కువ ధరలో 90 జీబీ డేటా, అన్లిమిటెడ్ కాల్స్, 30 రోజుల వాలిడిటీ లభిస్తుండటం అడ్వాంటేజీగా పేర్కొంటున్నారు. అయితే యూజర్లు.. ఈ రూ.299 ప్లాన్ రీఛార్జ్ చేసుకునేముందు తమ ఏరియాలో బీఎస్ఎన్ఎల్ నెట్ వర్క్ లభ్యత, ఇంటర్నెట్ వేగాన్ని సరిచూసుకుంటే బెటర్.
Also Read: సింగర్ రాహుల్ సిప్లిగంజ్ పై కేస్ ఫైల్.. యువతికి హత్యా బెదిరింపులు!
Share
రైళ్లలో ఏఐ సర్వేలెన్స్.. ఇక వారికి చుక్కలే!
Airtel బంపరాఫర్.. రోజుకు రూ.12 కే 5G డేటా, రూ.4,000 విలువైన బెనిఫిట్స్.. ప్లాన్ వివరాలు ఇవే!
