Flipkart Freedom Sale 2026: ఫ్లిప్కార్ట్ ఫ్రీడమ్ సేల్లో మోటరోలా స్మార్ట్ఫోన్లపై అదిరిపోయే డిస్కౌంట్లు లభిస్తున్నాయి. ఏఐ ఫీచర్లు, మిలిటరీ గ్రేడ్ బాడీ, భారీ బ్యాటరీ, అద్భుతమైన కెమెరాలు, 5G నెట్వర్క్ సపోర్ట్ ఉన్న మోటో ఫోన్లపై కంపెనీ భారీగా ధరలు తగ్గించింది. వేర్వేరు మోడళ్లను బట్టి వినియోగదారులు దాదాపు రూ.10,000 వరకు ఆదా చేసుకునే అవకాశం ఉంది.
ఈ సేల్లోనే అత్యంత ఖరీదైన ఫోల్డబుల్ స్మార్ట్ఫోన్ అయిన మోటరోలా రేజర్ ఫోల్డ్పై కంపెనీ అతిపెద్ద డిస్కౌంట్ను ఇస్తోంది. సాధారణంగా రూ.1,49,999 ఉండే ఈ ఫోన్, సేల్లో రూ.1,39,999కే అందుబాటులోకి వచ్చింది. అంటే.. నేరుగా రూ.10వేలు ఆదా అవుతాయి. ఈ ఫోన్లో 6.9 ఇంచుల మెయిన్ డిస్ప్లే, రెండు 50 ఎంపీ కెమెరాలు, 68 వాట్ల ఫాస్ట్ ఛార్జింగ్ సపోర్ట్ ఉన్నాయి.
Also Read: ఇవి బడ్స్ కాదండోయ్.. శాంసంగ్ నుంచి మునుపెన్నడూ చూడని సరికొత్త డివైజ్!
మోటరోలా ఎడ్జ్ 70 ఫోన్ అసలు ధర రూ.34,999 ఉండగా.. ఇప్పుడు రూ.6,000 తగ్గింపుతో రూ.27,999కే లభిస్తోంది. ఇది ఐపీ68/69 రేటింగ్స్, మిలిటరీ గ్రేడ్ ధృవీకరణతో చాలా దృఢంగా ఉంటుంది. అలాగే మోటరోలా ఎడ్జ్ 60 ప్రో రూ.5,000 డిస్కౌంట్తో రూ.28,999కి అందుబాటులో ఉంది. దీనిలో ఉన్న 6,000mah బ్యాటరీ, 90 వాట్ల ఫాస్ట్ ఛార్జింగ్ సపోర్ట్ గేమింగ్ ప్రియులకు బాగా నచ్చుతాయి. ఇక టాప్ ఎండ్ డిజైన్, ఏఐ కెమెరా ఫీచర్లు ఉన్న మోటోరోలా సిగ్నేచర్ ఫోన్ రూ.52,499 కి లభిస్తోంది.
తక్కువ బడ్జెట్లో ఎక్కువ ఫీచర్లు కోరుకునే వారి కోసం మోటో జీ37 పవర్ అందుబాటులో ఉంది. రూ.6,000 తగ్గింపు తర్వాత దీని ధర రూ.13,999కి చేరింది. వీగన్ లెదర్ ఫినిషింగ్, 50MP క్వాడ్ పిక్సెల్ కెమెరాతో ఇది మంచి లుక్ను ఇస్తుంది. ఇదే వేరియంట్లో ఉండే సాధారణ మోటో జీ37 ఫోన్ కూడా రెండు వేల డిస్కౌంట్తో రూ.13,999కే లభిస్తోంది. దీనిలో 120హెచ్జెడ్ డిస్ప్లే, 5జీ సపోర్ట్, 5,000mah బ్యాటరీ ఉన్నాయి.
Also Read: కనిపించకుండా పోయిన వస్తువుల్ని చిటికెలో పట్టేస్తుంది.. గూగుల్ కొత్త డివైజ్ వచ్చేసింది!
Share
తాళాల స్థానంలో స్మార్ట్ కార్డ్స్.. హోటళ్లలో ఈ మార్పు ఎందుకు? దీని వెనుక మాస్టర్ ప్లాన్ ఏంటి?
ఇండిపెండెన్స్ డే వేడుకల్లో త్రిష హాట్ టాపిక్.. విజయ్ ప్రభుత్వం టాప్ ప్రయార్టీ
