Galaxy Buds 4 Pro| తాజాగా జరిగిన గెలాక్సీ అన్ప్యాకెడ్ ఈవెంట్లో శాంసంగ్ గెలాక్సీ S26 సిరీస్తో పాటు కొత్త గెలాక్సీ బడ్స్ 4 ప్రో ఇయర్బడ్స్ను లాంచ్ చేసింది. ఇవి గెలాక్సీ బడ్స్ 3 ప్రోకు బదులుగా వచ్చాయి. కంఫర్ట్, సౌండ్ క్వాలిటీ, స్మార్ట్ ఫీచర్లలో చాలా మెరుగుదలలు ఉన్నాయి.
హెడ్ జెస్చర్ కంట్రోల్స్ ఈ మోడల్లో ప్రత్యేక హైలైట్. హెడ్ జెస్చర్ కంట్రోల్స్లో భాగంగా తల ఊపితే కాల్స్ అటెండ్ అవుతాయి, తల అడ్డంగా ఊపితే రిజెక్ట్ అవుతాయి. అలారమ్ డిస్మిస్ చేయడం, నోటిఫికేషన్స్ మేనేజ్ చేయడం కూడా హ్యాండ్స్-ఫ్రీగా సాధ్యమవుతుంది. ఇయర్బడ్స్ తాకకుండానే కంట్రోల్ చేయవచ్చు.
శాంసంగ్ గెలాక్సీ బడ్స్ 4 ధర రూ.16,999. బ్లాక్, వైట్ కలర్లలో లభిస్తాయి. గెలాక్సీ బడ్స్ 4 ప్రో ధర రూ.22,999. బ్లాక్, పింక్ గోల్డ్, వైట్ కలర్లలో ఉన్నాయి. శాంసంగ్ అధికారిక వెబ్సైట్, అమెజాన్లో కొనుగోలు చేయవచ్చు. మార్చి 11 నుంచి సేల్స్ మొదలవుతాయి.
గెలాక్సీ బడ్స్ 4 ప్రో డిజైన్ను శాంసంగ్ మరింత మెరుగుపరిచింది. ఫ్లాటర్, ఎర్గోనామిక్ షేప్ ఇచ్చారు. రోజువారీ ఉపయోగంలో స్థిరంగా ఉంటాయి. చార్జింగ్ కేస్కు ట్రాన్స్పరెంట్ లిడ్ డిజైన్ ఇచ్చారు. మోడరన్, స్టైలిష్ లుక్ వస్తుంది. ఎక్కువ సమయం ధరించినా కంఫర్ట్గా ఉంటాయి.
బడ్స్ 4 ప్రోలో టూ-వే స్పీకర్ సిస్టమ్ ఉంది. 24-బిట్, 96 kHz హై-ఫై ఆడియో సపోర్ట్ చేస్తాయి. 40kHz వరకు హై-ఫై ఆడియో అవుట్పుట్ ఇస్తాయి. బ్లూటూత్ 6.1 కనెక్టివిటీ ఉంది. AAC, SBC, SSC UHQ కోడెక్స్ సపోర్ట్ చేస్తాయి. క్లియర్, రిచ్ సౌండ్ లభిస్తుంది. బ్యాస్, వోకల్స్ బ్యాలెన్స్డ్గా ఉంటాయి.
యాక్టివ్ నాయిస్ క్యాన్సిలేషన్ను సామ్సంగ్ అప్గ్రేడ్ చేసింది. అడాప్టివ్ ANC 2.0 సపోర్ట్ చేస్తాయి. చుట్టుపక్కల పరిస్థితుల ఆధారంగా ఆటోమేటిక్గా నాయిస్ క్యాన్సిలేషన్ సర్దుబాటు అవుతుంది. మెరుగైన సిలికాన్ ఇయర్ టిప్స్ బెటర్ ఐసోలేషన్ ఇస్తాయి. జనం ఎక్కువగా, రద్దీగా ఉండే ప్రదేశాల్లో ఇమ్మర్సివ్ లిజనింగ్ ఎక్స్పీరియన్స్ లభిస్తుంది.
గెలాక్సీ ఎకోసిస్టమ్తో బడ్స్ 4 ప్రో డీప్గా కనెక్ట్ అవుతాయి. బిక్స్బీ, గూగుల్ జెమినీ వాయిస్ అసిస్టెంట్స్ సపోర్ట్ చేస్తాయి. పర్ప్లెక్సిటీ AIతో కూడా పనిచేస్తాయి. స్మార్ట్ఫోన్ ఉపయోగించకుండానే AI ఫీచర్లు యాక్సెస్ చేయవచ్చు. వాయిస్ కమాండ్స్తో స్మార్ట్ ఇంటరాక్షన్స్ సాధ్యమవుతాయి.
Also Read: గుడ్డిగా ఏఐని నమ్మితే ప్రమాదకరం.. 200పైగా ఈమెయిల్స్ ఆటోమెటిక్ డెలీట్.. షాకైన ఇంజినీర్
ప్రతి ఇయర్బడ్లో 61mAh బ్యాటరీ ఉంది. చార్జింగ్ కేస్లో 530mAh బ్యాటరీ ఉంది. ANC ఆన్తో 7 గంటల ప్లేబ్యాక్, కేస్తో కలిపి 30 గంటల వరకు వస్తుంది. USB Type-C ఛార్జింగ్ సపోర్ట్ ఉంది. IP57 రేటింగ్ ఉంది. ఒక మీటర్ లోతు నీటిలో 30 నిమిషాల వరకు డ్యామేజ్ కావు. వర్కౌట్స్, ట్రావెల్కు సరిపోతాయి.
శాంసంగ్ గెలాక్సీ బడ్స్ 4 ప్రో స్మార్ట్ హెడ్ జెస్చర్ కంట్రోల్స్, బలమైన ANC పనితీరు ఇస్తాయి. ప్రీమియం సౌండ్ క్వాలిటీ, డీప్ AI ఇంటిగ్రేషన్ ఉన్నాయి. ఎక్కువ బ్యాటరీ లైఫ్ రోజువారీ ఉపయోగానికి రిలయబుల్గా ఉంటుంది. అడ్వాన్స్డ్ ఫీచర్లు, కంఫర్ట్ కావాలనుకునే వారికి ఈ ఇయర్బడ్స్ గొప్ప ఆప్షన్.
Share
Sports Drama OTT: ఫ్యూజులు అవుటయ్యే ట్విస్ట్ ఇచ్చే శిష్యుడు... గురువు అంతకు మించి... టాప్ లేపుతున్న స్పోర్ట్స్ డ్రామా
Brahmamudi Serial Today February 26th: ‘బ్రహ్మముడి’ సీరియల్: రుద్రాణిని చంపేసిన కావ్య 
