Power Bank Lifespan: నేటి ఆధునిక యుగంలో స్మార్ట్‌ఫోన్ వాడకం విపరీతంగా పెరిగిపోయింది. ఈ క్రమంలో ఆఫీస్ పని, ట్రావెలింగ్ లేదా బయటకు వెళ్లినప్పుడు ఫోన్ ఛార్జింగ్ అయిపోతే పవర్ బ్యాంకే మనకు పెద్ద దిక్కు. మార్కెట్‌లో వైర్‌లెస్ ఛార్జింగ్, ఇన్‌బిల్ట్ కేబుల్స్, రకరకాల డిజైన్లతో ఎన్నో రకాల పవర్ బ్యాంకులు అందుబాటులో ఉన్నాయి. అయితే ఒక పవర్ బ్యాంక్ అసలు ఎంతకాలం మన్నుతుంది? దాని జీవితకాలం దేనిపై ఆధారపడి ఉంటుంది.. అనే విషయాలు ఇప్పుడు చూద్దాం.
ఏ పవర్ బ్యాంక్ అయినా ఎంతకాలం పనిచేస్తుందనేది దాని ఛార్జింగ్ సైకిల్స్‌పై ఆధారపడి ఉంటుంది. బ్యాటరీ పూర్తిగా ఖాళీ అయి మళ్లీ వంద శాతం వరకు ఛార్జ్ అవ్వడాన్ని ఒక సైకిల్ అంటారు. సాధారణంగా ప్రముఖ బ్రాండ్ల పవర్ బ్యాంకులు 300 నుండి 500 ఛార్జింగ్ సైకిల్స్ వరకు పనిచేస్తాయి. అంటే మనం వాడే విధానాన్ని బట్టి రెండేళ్ల నుండి ఆరేళ్ల వరకు ఇవి బాగా పనిచేస్తాయి. బెల్కిన్ వంటి కొన్ని ప్రత్యేక బ్రాండ్లు 1000 సైకిల్స్ వరకు కూడా వస్తాయని చెబుతుంటాయి.
Also Read: అబ్బా ఏం ఐడియా భయ్యా.. నెట్‌వర్క్ లేకపోయినా వాకీటాకీలా వాడుకునే వన్‌ప్లస్ సీక్రెట్ ఫీచర్!
వైర్డ్ పవర్ బ్యాంకులతో పోలిస్తే.. వైర్‌లెస్ పవర్ బ్యాంకులు కాస్త త్వరగానే పాడయ్యే అవకాశం ఉంది. వైర్‌లెస్ ఛార్జింగ్ జరిగేటప్పుడు అయస్కాంత కాయిల్స్ మధ్య శక్తి మారడం వల్ల ఎక్కువ వేడి పుడుతుంది. బ్యాటరీలకు వేడి అనేది పెద్ద శత్రువు. అధిక వేడి వల్ల పవర్ బ్యాంక్ బ్యాటరీ మాత్రమే కాకుండా.. ఛార్జ్ అవుతున్న మీ ఫోన్ బ్యాటరీ కూడా త్వరగా పాడయ్యే ప్రమాదం ఉంది. వైర్డ్ ఛార్జర్లు చాలా తక్కువ వేడిని విడుదల చేస్తాయి కాబట్టి ఎక్కువ కాలం మన్నుతాయి.
ఛార్జింగ్ సైకిల్స్ పూర్తయినంత మాత్రాన పవర్ బ్యాంక్ వెంటనే పనిచేయడం ఆగిపోదు. కాకపోతే దాని ఛార్జింగ్ నిలిపి ఉంచే సామర్థ్యం మందగిస్తుంది. మొదట్లో ఉన్న కెపాసిటీలో కేవలం 60 నుండి 80 శాతం మాత్రమే పనిచేస్తుంది. అంటే ఇదివరకు మీ ఫోన్‌ను మూడుసార్లు ఛార్జ్ చేసే పవర్ బ్యాంక్, రానురాను రెండుసార్లు మాత్రమే ఛార్జ్ చేయగలుగుతుంది.
పవర్ బ్యాంక్ పాతబడే కొద్దీ దాని పనితీరును గమనిస్తుండాలి. ఛార్జింగ్ పెట్టినప్పుడు పరిమితికి మించి వేడెక్కడం లేదా పవర్ బ్యాంక్ బాడీ ఉబ్బినట్లు అనిపిస్తే దాన్ని వాడటం వెంటనే ఆపేయాలి. ఉబ్బిన బ్యాటరీలు వాడటం వల్ల పేలిపోయే ప్రమాదం ఉంది. కాబట్టి.. మంచి క్వాలిటీ ఉన్న బ్రాండెడ్ పవర్ బ్యాంకులు మాత్రమే వాడటం, అతిగా వేడెక్కకుండా చూసుకోవడం చాలా ముఖ్యం.
Also Read: పాటలు వినొచ్చు, ఫోన్ కాల్స్ మాట్లాడొచ్చు.. హ్యాండ్స్‌ఫ్రీ ఎక్స్‌పీరియన్స్‌తో శాంసంగ్ ఏఐ గ్లాసెస్!
Share
అబద్ధాలు నేర్చుకోవాలంటే కేటీఆర్ దగ్గర చేరాల్సిందే! గజ్జెల కాంతం
ఇదే నినాదంతో ఎన్నికలకు పోయే దమ్ముందా? కేటీఆర్ను లేపాలని చూస్తే.. పార్టీకి మరింత నష్టమే..! వివాదస్పదమవుతున్న రసమయి కామెంట్స్..!
