iPhone 17 Price Cut: ఇటీవలే ఐఫోన్ 18 సిరీస్ గ్రాండ్‌గా లాంచ్ అయిన విషయం తెలిసిందే. దీంతో కొత్త మోడల్ తీసుకోవాలా, లేక ఇప్పుడు ఐఫోన్ 17 కొనడం బెటరా అని చాలామంది ఆలోచిస్తుంటారు. ఇలాంటి సమయంలో ఐఫోన్ 17 కొనాలని చూస్తున్న వారికి ఒక మంచి అవకాశం వచ్చింది. యాపిల్ అధికారిక వెబ్‌సైట్‌లో ఈ ఫోన్ ధర పెరగగా.. ఫ్లిప్‌కార్ట్‌లో మాత్రం 256GB వేరియంట్ ఇప్పటికీ పాత ధర దగ్గరే లభిస్తోంది. అంతేకాదు.. అదనపు డిస్కౌంట్, ఎక్స్ఛేంజ్ ఆఫర్లు కూడా ఉన్నాయి. దీంతో లేటెస్ట్ ఐఫోన్ అవసరం లేని వారికి, మంచి ధరలో ఐఫోన్ కొనాలనుకుంటే ఈ డీల్‌ను ఓసారి చెక్ చేయాల్సిందే.
భారత్‌లో ఐఫోన్ 17ను 256GB స్టోరేజ్‌తో రూ.82,900 ప్రారంభ ధరకు తీసుకొచ్చారు. ఇప్పుడు యాపిల్ అధికారిక వెబ్‌సైట్‌లో ఇదే వేరియంట్ ధర రూ.99,900గా ఉంది. అంటే.. ప్రారంభ ధరతో పోలిస్తే ఏకంగా రూ.17,000 పెరిగింది. అయితే ఈ ధర పెంపుతో ఫోన్‌లో ఎలాంటి కొత్త హార్డ్‌వేర్ మార్పులు రాలేదు. కొత్త ఐఫోన్ 18 ప్రో, 18 ప్రో మ్యాక్స్ వచ్చిన తర్వాత యాపిల్ ధరలను మార్చినట్టుగా కనిపిస్తోంది.
ఇదే సమయంలో ఫ్లిప్‌కార్ట్‌లో 256GB ఐఫోన్ 17 ధర రూ.82,900గా కనిపిస్తోంది. అంటే.. యాపిల్ ధరతో పోలిస్తే రూ.17,000 తక్కువ. అంతేకాదు.. అర్హత ఉన్న వారికి Buy at Rs 78,900 ఆఫర్ కూడా చూపిస్తోంది. అది చెక్‌అవుట్ సమయంలో అందుబాటులో ఉంటే మరో రూ.4,000 వరకు తగ్గే అవకాశం ఉంది. బ్యాంక్ ఆఫర్లు ఉంటే ధర ఇంకా తగ్గొచ్చు.
Also Read: QR స్కాన్ అవసరం లేదు.. ట్యాప్ చేస్తే చాలు, UPIలో కొత్త పేమెంట్ ఫీచర్!
పాత ఫోన్‌ను ఎక్స్ఛేంజ్ చేస్తే ఫ్లిప్‌కార్ట్‌లో గరిష్ఠంగా రూ.46,100 వరకు ప్రయోజనం లభిస్తోంది. అయితే ప్రతి ఒక్కరికీ ఇంత మొత్తం రాదు. పాత ఫోన్ మోడల్, కండిషన్, వేరియంట్, ఇతర నిబంధనలపై అసలు విలువ ఆధారపడి ఉంటుంది. కాబట్టి చెక్‌అవుట్‌లో చూపించే తుది ధరనే పరిగణలోకి తీసుకోవాలి.
ప్రత్యేకంగా ఐఫోన్ కొనాలని చాలాకాలంగా ఎదురు చూస్తున్నవారు ఈ ధరను గమనించొచ్చు. అదే సమయంలో కేవలం తక్కువ ధర చూసి వెంటనే ఆర్డర్ చేయడం కంటే.. యాపిల్ ధరతో పోల్చి, మన పాత ఫోన్‌కు వచ్చే ఎక్స్ఛేంజ్ విలువను చూసిన తర్వాత నిర్ణయం తీసుకుంటే మంచిది. ధరలో తేడా మాత్రం ప్రస్తుతం స్పష్టంగా కనిపిస్తోంది. మంచి డీల్ కోసం చూస్తున్న వారికి ఇది సమయం కావచ్చు. కానీ స్టాక్ ఉన్నప్పుడే నిర్ణయం తీసుకోవడం మంచిది.
ఐఫోన్ 17పై ఈ ధర ఎప్పుడైనా మారవచ్చు. పాత స్టాక్ పూర్తయితే ఫ్లిప్‌కార్ట్ కూడా ధర మార్చే అవకాశం ఉంది. బ్యాంక్ ఆఫర్లు, ఎక్స్ఛేంజ్ ప్రయోజనాలకు ప్రత్యేక నిబంధనలు ఉండొచ్చు. అందుకే ఆర్డర్ చేసే ముందు తుది ధర, విక్రేత వివరాలు, వారంటీ, డెలివరీ సమాచారం తప్పకుండా చెక్ చేయడం మంచిది. కొత్త 18 ప్రో సిరీస్ అవసరం లేని వారికి, తక్కువ ధరలో ఐఫోన్ 17 కావాలంటే ఈ డీల్‌ను ఒకసారి పరిశీలించవచ్చు.
Also Read: స్లిమ్ లుక్‌తో అదరగొడుతున్న Samsung Galaxy S26 FE.. భారత్‌లో దీని ధరెంతంటే?
Share
45 ఏళ్ల క్రితం నాటి దొంగను పట్టించిన ఏఐ ఫోటో.. ఎలానో తెలిస్తే మీరు షాకవ్వడం కాయం!
అధికారులు కాదు.. తప్పు చేసిందే ప్రభుత్వం.. 22A వివాదంపై కేటీఆర్ కీలక వ్యాఖ్యలు
