iPhone vs Android Repair Cost: ఎంత జాగ్రత్తగా ఉన్నా ఎప్పుడో ఒకప్పుడు ఫోన్ చేతిలో నుంచి జారి కింద పడుతూనే ఉంటుంది. కొన్నిసార్లు పెద్దగా ఏమీ డ్యామేజ్ కాదు.. మరికొన్నిసార్లు డిస్‌ప్లే పగలడమో లేక బ్యాటరీ పాడవడమో జరుగుతుంటుంది. ఇలాంటి సమయంలో వారంటీ లేకపోతే రిపేర్ ఖర్చులు చుక్కలు చూపిస్తాయి. ముఖ్యంగా లక్ష రూపాయలకు పైగా పెట్టి కొనే ఫ్లాగ్‌షిప్ ఫోన్ల విషయంలో ఇది మరీ ఎక్కువగా ఉంటుంది. మరి ఐఫోన్ వాడేవారికి, ఆండ్రాయిడ్ వాడేవారికి రిపేర్ ఖర్చుల్లో ఎంత తేడా ఉందో ఇప్పుడు చూద్దాం.
ఫోన్ కింద పడగానే ముందుగా పగిలేది స్క్రీనే. ఐఫోన్ 18 ప్రో మ్యాక్స్ స్క్రీన్ మార్చాలంటే దాదాపు రూ.31,800 ఖర్చవుతుంది. దీనికి టాక్సులు, సర్వీస్ ఛార్జీలు అదనం. కానీ శాంసంగ్ ఎస్26 ఆల్ట్రాకి ఈ ఖర్చు రూ.24,200 మాత్రమే. ఇక గూగుల్ పిక్సెల్ 11 ప్రో ఎక్స్‌ఎల్ విషయంలో ఇది మరింత తక్కువ. కేవలం రూ.18,300 లోపే పని పూర్తవుతుంది. అంటే ఐఫోన్‌తో పోలిస్తే ఆండ్రాయిడ్ ఫోన్ల స్క్రీన్ రిపేర్ చాలా చౌక.
Also Read: 15 సెకన్ల క్రితం ఏం మాట్లాడారో మళ్లీ వినొచ్చు.. యాపిల్ వాచ్‌లో సరికొత్త AI ఫీచర్!
ఫోన్ ఎంత కాలం వాడినా బ్యాటరీ లైఫ్ మెల్లగా తగ్గుతుంది. ఐఫోన్ 18 ప్రో మ్యాక్స్ బ్యాటరీ మార్చడానికి యాపిల్ దాదాపు రూ.10,800 వసూలు చేస్తుంది. అదే గూగుల్ పిక్సెల్ ఫోన్‌కి అయితే కేవలం రూ.7,400 మాత్రమే అవుతుంది. శాంసంగ్‌లో కూడా ఇది రూ.8,300 నుండి రూ.10,800 మధ్యలో ఉంటుంది. ఇక్కడ కూడా ఆండ్రాయిడ్ ఫోన్లే కాస్త బెటర్ అనిపిస్తాయి.
ఫోన్ వెనుక వైపు ఉండే గ్లాస్ పగిలితే రెండింటి మధ్య పెద్దగా తేడా ఉండదు. ఐఫోన్ బ్యాక్ గ్లాస్ రిపేర్‌కి దాదాపు రూ.13,300 అవుతుంటే.. గూగుల్ పిక్సెల్ ఫోన్‌కి రూ.12,500 వరకు ఖర్చవుతుంది. ఈ విషయంలో రెండూ దాదాపు ఒకే స్థాయిలో ఉంటాయి.
మనం ఒక ఫోన్ కొంటే కనీసం రెండేళ్లయినా వాడుతుంటాం. ఆ సమయంలో ఫోన్ పాడైతే అయ్యే ఖర్చులను కూడా ముందే ఆలోచించుకోవాలి. స్పేర్ పార్ట్స్ ధరలు తక్కువగా ఉండటం, ఇతర పార్ట్స్ వేయడానికి ఆంక్షలు లేకపోవడంతో ఆండ్రాయిడ్ ఫోన్ల నిర్వహణ చాలా సులభం. అందుకే దీర్ఘకాలంలో ఐఫోన్ కంటే ఆండ్రాయిడ్ ఫ్లాగ్‌షిప్ ఫోన్లే మన జేబుకి తక్కువ భారం.
Also Read: శాంసంగ్ M సిరీస్, ఫోల్డబుల్ ఫోన్లపై ఎప్పుడూ లేనంత భారీ డిస్కౌంట్లు.. ఇంత తక్కువకి మళ్లీ దొరకవు!
Share
విరాట్ కోహ్లీ డకౌట్..."షూ" చూపిస్తూ రెచ్చిపోయిన ఫ్యాన్స్ !
అరాచకం సృష్టిస్తున్న శర్వానంద్.. 'భోగి' టీజర్ ఎలా ఉందంటే?
