iQOO 16T: ప్రముఖ స్మార్ట్ఫోన్ తయారీ సంస్థ ఐకూ (iQOO) చైనా మార్కెట్లో వరుసగా కొత్త ఫ్లాగ్షిప్ ఫోన్లను లాంచ్ చేయడానికి సిద్ధమవుతోంది. వచ్చే నెలలోనే డైమెన్సిటీ 9500 ప్రాసెసర్తో ‘ఐకూ నియో 11S’ మార్కెట్లోకి వచ్చే ఛాన్స్ ఉంది. ఆ తర్వాత సెప్టెంబర్ లేదా అక్టోబర్ నాటికి ఐకూ 16, ఐకూ నియో 12 మోడల్స్ కూడా సందడి చేయనున్నాయి. అయితే, వీటన్నిటితో పాటు సరికొత్త ‘ఐకూ 16T’ ఫోన్ కూడా లైన్లో ఉందని తాజా లీక్స్ చెబుతున్నాయి.
ప్రముఖ టిప్స్టర్ సమాచారం ప్రకారం.. ఐకూ తమ పాపులర్ T-సిరీస్ను లైనప్ను మరింత ముందుకు తీసుకెళ్లే పనిలో పడింది. దీనిలో భాగంగానే సరికొత్త ఐకూ 16T ఫోన్ తయారీ పనులు (డెవలప్మెంట్ స్టేజ్) ఇప్పటికే మొదలయ్యాయి. ఈ సిరీస్ మునుపటి లాగే పెద్ద డిస్ప్లే డిజైన్తోనే మార్కెట్లోకి అడుగుపెట్టబోతోంది.
గతంలో వచ్చిన ఐకూ 15T మోడల్.. వన్ప్లస్ 15T కి పోటీగా చిన్న సైజ్ (కాంపాక్ట్) డిస్ప్లేతో వస్తుందని అందరూ భావించారు. కానీ, అందరి అంచనాలను తలకిందులు చేస్తూ అది 6.82 ఇంచుల పెద్ద అమోలెడ్ స్క్రీన్తో లాంచ్ అయింది. ఇప్పుడు రాబోయే ఐకూ 16T కూడా అదే ట్రెండ్ను ఫాలో అవుతూ పెద్ద డిస్ప్లేతోనే రానుందని లీక్స్ స్పష్టం చేస్తున్నాయి.
Also Read: ఒప్పో షాకింగ్ నిర్ణయం.. ఆ ప్రీమియం ఫోన్పై ఏకంగా రూ.64,000 తగ్గింపు, ఎక్కడ కొనుగోలు చేయాలంటే?
మరోవైపు ఐకూ 16 మోడల్లో 6.85 ఇంచుల శాంసంగ్ అమోలెడ్ 2K స్క్రీన్, 165Hz రీఫ్రెష్ రేట్ ఉండబోతున్నట్లు టాక్. అలాగే దానితో పాటే వచ్చే నియో 12 ఫోన్ 6.83 ఇంచుల అమోలెడ్ డిస్ప్లేతో రానుంది. పాత మోడల్స్ అయిన ఐకూ 15T, నియో 11 ఫోన్లు ఒకే రకమైన BOE Q10+ స్క్రీన్ను పంచుకున్నాయి.
ఈ హిస్టరీని బట్టి చూస్తే.. రాబోయే ఐకూ 16T ఫోన్ కోసం ఐకూ నియో 12 డిస్ప్లే ప్యానల్నే వాడే అవకాశం ఎక్కువగా కనిపిస్తోంది. ప్రస్తుతానికి ఈ ఫోన్ స్క్రీన్ సైజ్ మినహా మిగిలిన ఫీచర్లు, స్పెసిఫికేషన్ల గురించి ఎలాంటి సమాచారం బయటకు రాలేదు. రాబోయే రోజుల్లో దీనికి సంబంధించిన మరిన్ని వివరాలు తెలిసే అవకాశం ఉంది.
Also Read: సామాన్యుల కోసం చౌకైన ధరకే OnePlus N6.. భారత మార్కెట్లోకి వచ్చేది ఎప్పుడంటే!
Share
జెట్ స్పీడ్లో ఛార్జ్ చేసే Xiaomi 20,000mAh కాంపాక్ట్ డీల్!
కాకినాడ జిల్లాలో ఫుడ్ పాయిజన్.. బజ్జీలు తిని 50 మందికి అస్వస్థత!
