డైమెన్సిటీ 7500 ప్రాసెసర్‌తో తొలి ఫోన్.. iQOO నుంచి అదిరిపోయే కాంబో ఆఫర్!

iQOO Buds TWS and iQOO Z11: గేమింగ్ ప్రియులకు, బడ్జెట్ ప్రియులకు ఆకర్షణీయమైన స్మార్ట్‌ఫోన్లను అందించే iQOO సంస్థ.. భారత్‌లో తమ కొత్త ఉత్పత్తులను లాంచ్ చేసేందుకు సిద్ధమైంది. ఈ నెల 20న iQOO Z11 స్మార్ట్‌ఫోన్‌తో పాటు iQOO బడ్స్ TWS వెర్షన్‌ను అధికారికంగా మార్కెట్‌లోకి తీసుకొస్తున్నట్లు సంస్థ ప్రకటించింది. ఇప్పటికే మార్కెట్లో ఉన్న iQOO TWS 1e కంటే ఇవి మరింత ప్రీమియం ఫీచర్లతో రాబోతున్నాయి.

ఆకట్టుకునే స్టైలిష్ లుక్..

కంపెనీ విడుదల చేసిన అధికారిక ఫొటోల ప్రకారం.. ఈ కొత్త ఇయర్ బడ్స్ డిజైన్ చాలా స్టైలిష్‌గా ఉంది. ఛార్జింగ్ కేస్ బయట మేట్ బ్లాక్ ఫినిషింగ్‌తో, లోపలి భాగంలో బ్రైట్ ఎల్లో కలర్ యాక్సెంట్స్‌తో డిజైన్ చేశారు. పాత మోడల్ ఛార్జింగ్ కేసును పోలి ఉన్నప్పటికీ.. ఈ సారి లుక్, సౌండ్ క్వాలిటీ విషయంలో ప్రత్యేక శ్రద్ధ తీసుకున్నట్లు కనిపిస్తోంది. కేస్ ముందు భాగంలో గ్రైండింగ్ మోడ్‌తో ఒక గ్రీన్ ఎల్‌ఈడీ లైట్ మరియు బ్రాండ్ లోగో మాత్రమే ఉన్నాయి.

Also Read: టెక్ లవర్స్ గెట్ రెడీ.. శాంసంగ్, నథింగ్ ఫోన్లపై క్రేజీ డిస్కౌంట్స్.. ఏ గాడ్జెట్ ధర ఎంత తగ్గిందంటే?

ఫీచర్లు, అంచనా ధర..

ఈ బడ్స్ బ్యాటరీ లైఫ్, నాయిస్ క్యాన్సిలేషన్ (ANC), ఇతర ఆడియో ఫీచర్లకు సంబంధించిన పూర్తి వివరాలను కంపెనీ ఇంకా బయటపెట్టలేదు. అయితే, భారత మార్కెట్లో పోటీని తట్టుకునేలా వీటి ధరను రూ.2,999 నుండి రూ.3,999 మధ్యలో నిర్ణయించే అవకాశం ఉందని మార్కెట్ నిపుణులు భావిస్తున్నారు. వన్‌ప్లస్ నార్డ్ బడ్స్ 4 వంటి పాపులర్ ఇయర్ బడ్స్‌కు ఇవి గట్టి పోటీ ఇవ్వనున్నాయి.

సరికొత్త iQOO Z11 రాక..

ఇదే ఈవెంట్‌లో ఇయర్ బడ్స్‌తో పాటు iQOO Z11 స్మార్ట్‌ఫోన్ కూడా ప్రధాన ఆకర్షణగా నిలవనుంది. MediaTek Dimensity 7500 ప్రాసెసర్‌తో భారత మార్కెట్లోకి వస్తున్న మొదటి స్మార్ట్‌ఫోన్‌గా ఇది రికార్డు సృష్టించబోతోంది. బడ్జెట్ ధరలోనే ఫ్లాగ్‌షిప్ స్థాయి గేమింగ్ ఫీచర్లను కోరుకునే వారికి ఈ ఫోన్ ఒక మంచి ఎంపిక కానుంది. పూర్తి వివరాలు, ధరల సమాచారం ఆగస్టు 20న తెలియనుంది.

Also Read: లక్షన్నర iPhone 17 Pro Max రూ.98 వేలకే? కానీ ఆ ట్విస్ట్ తెలిస్తే షాక్ అవుతారు!