Jio Canva Offer: టెలికాం దిగ్గజం రిలయన్స్ జియో, ప్రపంచప్రసిద్ధ డిజైనింగ్ ప్లాట్ఫామ్ ‘కాన్వా’ (Canva) చేతులు కలిపాయి. ఈ భాగస్వామ్యంలో భాగంగా జియో తన వినియోగదారులకు మైండ్ బ్లోయింగ్ ఆఫర్ను ప్రకటించింది. రూపాయి కూడా అదనపు ఖర్చు లేకుండా 12 నెలల పాటు ‘కాన్వా’ ప్రీమియం టూల్స్, ఏఐ ఫీచర్లను ఉచితంగా అందిస్తున్నట్లు వెల్లడించింది. దేశంలోని విద్యార్థులు, కంటెంట్ క్రియేటర్లు, చిన్న తరహా వ్యాపారవేత్తలకు గ్రాఫిక్ డిజైనింగ్ను మరింత సులభతరం చేయడమే లక్ష్యంగా ఈ ఆఫర్ను తీసుకొచ్చినట్లు జియో వర్గాలు పేర్కొన్నాయి.
జియో అందిస్తున్న నిర్దేశిత రీఛార్జ్ ప్లాన్లకు మాత్రమే కాన్వా ప్రో సేవలను ఉచితంగా అందించనున్నారు. జియో అధికారిక ప్రకటన ప్రకారం రూ. 399 ప్లాన్ రీఛార్జ్ చేసుకునే సబ్స్క్రైబర్లకు పూర్తిస్థాయి ‘కాన్వా ప్రో’ (Canva Pro) 12 నెలల పాటు ఉచితంగా లభించనుంది. అలాగే రోజుకు 2GB డేటా ఇచ్చే రూ. 349 కంటే ఎక్కువ విలువైన రీఛార్జ్ ప్లాన్లు వాడుతున్న వారికి 12 నెలల పాటు ‘కాన్వా ప్రో లైట్’ (Canva Pro Lite) సేవలు లభించనున్నాయి. ఈ ఆఫర్ను పొందడానికి యూజర్లు.. MyJio యాప్ను ఓపెన్ చేసి అందులోని ‘Canva benefit’ విభాగానికి వెళ్లి సులభంగా యాక్టివేట్ చేసుకోవచ్చు. దీనికి ఎలాంటి అదనపు చెల్లింపులు చేయాల్సిన అవసరం లేదని జియో స్పష్టం చేసింది.
కాన్వా ప్రో ఉచిత సబ్స్క్రిప్షన్ ద్వారా స్మార్ట్ఫోన్ నుంచే ప్రొఫెషనల్ తరహా డిజైన్లను క్షణాల్లో తయారు చేసుకోవచ్చు. సోషల్ మీడియా పోస్ట్లు, రీల్స్, బ్యానర్లు, స్కూల్, కాలేజీ అసైన్మెంట్లు, ప్రెజెంటేషన్లు, వ్యాపార ప్రకటనలు, మార్కెటింగ్ మెటీరియల్స్, పండుగ శుభాకాంక్షల కార్డులు, ఇన్విటేషన్లు వంటివి సొంతంగా రూపొందించవచ్చు. ఇందుకోసం ఎటువంటి డిజైనింగ్ కోర్సులు, అనుభవం అక్కర్లేదు. కాన్వాలో ఉండే వేలాది రెడీమేడ్ టెంప్లేట్లు, ఆర్టిఫిషియల్ ఇంటెలిజెన్స్ (AI) సాయంతో ఎవరైనా సులభంగా కొత్త డిజైన్లను, ఎడిటింగ్ పనులను పూర్తి చేసుకోవచ్చు.
కాన్వా ప్రో విషయానికి వస్తే ఇందులో బ్యాక్గ్రౌండ్ రిమూవర్, మ్యాజిక్ ఎరేజర్, మ్యాజిక్ రీసైజ్, కంటెంట్ ప్లానర్ వంటి అన్ని అధునాతన AI ఫీచర్లు ఉంటాయి. అలాగే లక్షలాది ప్రీమియం ఫొటోలు, వీడియోలు, ఫాంట్లు అపరిమితంగా లభిస్తాయి. అదే విధంగా కాన్వా ప్రో లైట్ లో కూడా అనేక ప్రిమియం టూల్స్, ఎడిటింగ్ సదుపాయాలు ఉన్నప్పటికీ బ్రాండ్ కిట్ (Brand Kit) పరిమితంగా ఉంటుంది. అలాగే ఏఐ టూల్స్ వాడకంపై కొన్ని పరిమితులు ఉంటాయి.
Also Read: ఫ్రిజ్ లేకుండానే బ్రెడ్ ఎక్కువ కాలం ఫ్రెష్గా ఉంటుంది.. ఈ చిట్కాలు పాటిస్తే
అంతర్జాతీయంగా ఎంతో పాపులారిటీ సంపాదించిన కాన్వా సంస్థ.. భారత్ లోనూ విస్తరించేందుకు కసరత్తు చేస్తోంది. ఇందులో భాగంగా దేశంలోని ప్రాంతీయ భాషల ప్రాముఖ్యతను గుర్తించి తమ ప్లాట్ఫామ్లో హిందీతో పాటు అనేక భారతీయ భాషల సపోర్ట్ (Language Support) అందుబాటులోకి తెచ్చింది. దీనివల్ల ఆంగ్లం సరిగ్గా రాని వారు కూడా తమ సొంత భాషలోనే పోస్టర్లు, కంటెంట్ను సులభంగా రూపొందించుకోవచ్చు. సెప్టెంబర్ 16 నుంచి ఈ ఆఫర్ అర్హత కలిగిన జియో రీఛార్జ్ ఛానెళ్ల ద్వారా అందుబాటులోకి రానుంది. జియో అందించే ఈ 12 నెలల ఉచిత ఆఫర్.. కోట్లాది మంది భారతీయ డిజిటల్ క్రియేటర్లకు ఎంతో ప్రయోజనకరంగా మారుతుందని నిపుణులు అభిప్రాయపడుతున్నారు.
Also Read: సింగిల్ కమాండ్ తో టికెట్ బుక్ చేసిన ఏఐ.. ఇక IRCTCలో లాగిన్ అవసరం లేదా?
Share
నడిరోడ్డుపై కుప్పగా నోట్ల కట్టలు.. అసలు ఏం జరిగింది? విశాఖ సిటీలో ఘటన
10 ఏళ్ల తర్వాత పెళ్లి పీటలెక్కిన నటి అహానా కృష్ణ.. వరుడు ఎవరంటే?
