Oppo Find X10 Ultra, Pro Max: చైనాకు చెందిన ప్రముఖ మొబైల్ తయారీ సంస్థ ఒప్పో నుంచి త్వరలోనే మార్కెట్లోకి రాబోతున్న సరికొత్త ఫ్లాగ్షిప్ సిరీస్ Oppo Find X10పై టెక్ ప్రపంచంలో భారీ అంచనాలు ఉన్నాయి. అధికారికంగా ఎలాంటి ప్రకటన రాకపోయినప్పటికీ.. ఈ సిరీస్కు సంబంధించిన లీకులు సోషల్ మీడియాలో వైరల్ అవుతున్నాయి. తాజా సమాచారం ప్రకారం.. ఈ సిరీస్లో రాబోతున్న Find X10 Ultra, Find X10 Pro Max మోడళ్ల డిస్ప్లే వివరాలు బయటపడ్డాయి. ఈ రెండు ఫోన్లు ప్రీమియం స్క్రీన్ ఎక్స్పీరియన్స్తో రానున్నట్లు తెలుస్తోంది.
ప్రముఖ చైనీస్ టిప్స్టర్ డిజిటల్ చాట్ స్టేషన్ సోషల్ మీడియా వేదికగా ఈ ఫోన్ల డిస్ప్లే గురించిన ఆసక్తికర విషయాలను పంచుకున్నారు. ఈ కొత్త లీక్ ప్రకారం.. Oppo Find X10 Ultra, Find X10 Pro Max ఫోన్లు భారీ 6.89 అంగుళాల LTPO OLED డిస్ప్లేతో రానున్నాయి. ఇవి 2K రిజల్యూషన్ను సపోర్ట్ చేస్తాయి. గతంలో వచ్చిన Find X9 Ultraతో పోలిస్తే ఈసారి స్క్రీన్ సైజును కొద్దిగా పెంచడం విశేషం. చాలా సన్నని బెజెల్స్తో, సరికొత్త ల్యుమినెసెంట్ మెటీరియల్తో ఈ స్క్రీన్లను తయారు చేస్తున్నట్లు సమాచారం.
Also Read: రూ.10వేల లోపే ఇలాంటి ఫోనా? లావా దెబ్బకు చైనా బ్రాండ్లు విలవిల!
ఈ రెండు మోడళ్లు కేవలం డిస్ప్లే పరంగానే కాకుండా పెర్ఫార్మెన్స్ పరంగానూ అగ్రస్థానంలో నిలవనున్నాయి. Find X10 Ultra మోడల్లో అత్యంత శక్తివంతమైన స్నాప్డ్రాగన్ 8 ఎలైట్ జెన్ 6 ప్రో ప్రాసెసర్ను ఉపయోగించవచ్చని టాక్. అదేవిధంగా, Find X10 Pro Max మోడల్ను మీడియాటెక్ డైమెన్సిటీ 9600-సిరీస్ చిప్సెట్తో మార్కెట్లోకి తీసుకురావడానికి ఒప్పో ప్లాన్ చేస్తోంది. ఈ ప్రాసెసర్ల వల్ల ఫోన్ వేగం, గేమింగ్ ఎక్స్పీరియన్స్ అద్భుతంగా ఉంటాయి.
ఇక కెమెరాల విషయానికొస్తే.. ముఖ్యంగా Oppo Find X10 Pro Max మోడల్లో ట్రిపుల్ రేర్ కెమెరా సెటప్ ఉండబోతున్నట్లు సమాచారం. దీనిలో 200MP శాంసంగ్ ప్రైమరీ సెన్సార్, 50MP అల్ట్రావైడ్ కెమెరాతో పాటు, మరో 200MP పెరిస్కోప్ టెలిఫోటో లెన్స్ను కూడా అందించనున్నట్లు లీకుల ద్వారా తెలుస్తోంది. ఫొటోగ్రఫీ ప్రియులకు ఈ కెమెరా సెటప్ ఒక విజువల్ ఫీస్ట్లా మారనుంది.
సాధారణంగా ఒప్పో కంపెనీ ఫ్లాగ్షిప్ ఫోన్లను లాంచ్ చేసే టైమ్లైన్ను బట్టి చూస్తే, ఈ సరికొత్త Oppo Find X10 సిరీస్ ఈ ఏడాది అక్టోబర్ నెలలో చైనాలో విడుదలయ్యే అవకాశం ఉంది. ఈ సిరీస్ కింద Find X10, Find X10 Pro మోడళ్లతో పాటు ఈ Ultra, Pro Max వేరియంట్లను కూడా ఒకేసారి మార్కెట్లోకి తీసుకురావాలని కంపెనీ భావిస్తోంది.
Also Read: భారత్లో వన్ప్లస్ నార్డ్ బడ్స్ 4 లాంచ్.. 54 గంటల బ్యాటరీ లైఫ్, బడ్జెట్ ధరలోనే!
Share
ఫీజుల వివాదం.. ప్రైవేట్ కాలేజీలకు హైకోర్టులో భారీ ఊరట
కోదండరామ్ను టార్గెట్ చేసిన కవిత! పదవులు పోతాయని స్థానికత మీద సైలెంట్..!
