Redmi Clip Neo: చైనాకు చెందిన ప్రముఖ టెక్ కంపెనీ షావోమీ.. నుంచి సరికొత్త Redmi Clip Neo ఓపెన్ ఇయర్ ఇయర్బడ్స్ విడుదల అయ్యాయి. Redmi K100 స్మార్ట్‌ఫోన్‌తో పాటు వీటిని చైనా మార్కెట్‌లో లాంచ్ చేసింది. చెవులకు క్లిప్‌లా అమర్చుకునే డిజైన్‌తో వచ్చిన ఈ ఇయర్‌బడ్స్‌లో మంచి సౌండ్ క్వాలిటీతో పాటు ఎక్కువ బ్యాటరీ బ్యాకప్ అందించే ఫీచర్లు ఉన్నాయి. 12mm డ్రైవర్లు, ఏఐ నాయిస్ రిడక్షన్, ఒకేసారి రెండు డివైజ్‌లకు కనెక్ట్ చేసే సదుపాయం వీటిలో ప్రత్యేకంగా చెప్పుకోవచ్చు. వీటి ధర, ఫీచర్లు ఎలా ఉన్నాయో చూద్దాం.
Redmi Clip Neo ఇయర్బడ్స్ ధర చైనాలో 399 యువాన్లుగా ఉంది. భారత కరెన్సీలో ఇది సుమారు రూ.5,300. బ్లాక్, వైట్ కలర్ ఆప్షన్లలో ఇవి అందుబాటులో ఉన్నాయి. CryingCenter బ్రాండ్‌తో కలిసి రూపొందించిన లిమిటెడ్ ఎడిషన్ గిఫ్ట్ బాక్స్ ధర 449 యువాన్లు. అంటే.. సుమారు రూ.6,000. ఇందులో బ్లాక్ ఇయర్‌బడ్స్‌తో పాటు ప్రత్యేక క్యారీ పౌచ్, స్టిక్కర్లు, ప్రత్యేక ప్యాకేజింగ్ ఇస్తారు. భారత్‌లో వీటి విడుదల వివరాలు ఇంకా వెల్లడించలేదు.
Also Read: షాకింగ్.. నవంబర్ 15 నుంచి ఆ ఫోన్ల ధరలు భారీగా పెంపు.. కొత్త ధరలు ఇవే!
ఈ ఇయర్‌బడ్స్‌లో 12mm డ్యూయల్ మాగ్నెటిక్ డ్రైవర్లను ఉపయోగించారు. సాధారణ సింగిల్ మాగ్నెటిక్ డ్రైవర్లతో పోలిస్తే.. 40 శాతం ఎక్కువ సౌండ్ అందిస్తాయని కంపెనీ చెబుతోంది. సౌండ్‌లో డిస్టార్షన్ తగ్గించేందుకు డైమండ్ లాంటి కార్బన్ కోటింగ్ ఇచ్చారు. బాస్ మెరుగ్గా ఉండేందుకు ప్రత్యేక ఫీచర్‌తో పాటు 4 ఈక్యూలైజర్ మోడ్‌లు ఉన్నాయి. నచ్చినట్లు సౌండ్ మార్చుకునేందుకు 10-బ్యాండ్ ఈక్యూలైజర్ కూడా అందించారు. రెండు మైక్రోఫోన్ల సాయంతో ఏఐ నాయిస్ రిడక్షన్ పనిచేస్తుంది. దీంతో కాల్స్ మాట్లాడేటప్పుడు వాయిస్ స్పష్టంగా వినిపించే అవకాశం ఉంటుంది.
ఒక్కసారి ఛార్జ్ చేస్తే ఈ ఇయర్బడ్స్ ఏడు గంటల వరకు పనిచేస్తాయి. ఛార్జింగ్ కేసుతో కలిపి మొత్తం 32 గంటల బ్యాటరీ బ్యాకప్ లభిస్తుందని కంపెనీ తెలిపింది. బ్లూటూత్ 5.4, SBC, AAC సపోర్ట్ ఉన్నాయి. 10 మీటర్ల పరిధిలో కనెక్టివిటీ పనిచేస్తుంది. రెండు డివైజ్‌లకు ఒకేసారి కనెక్ట్ చేయవచ్చు. కేసులో USB టైప్-C ఛార్జింగ్ సదుపాయం ఉంది.
ప్రతి ఇయర్‌బడ్ బరువు 5.3 గ్రాములు మాత్రమే. ఫ్లెక్సిబుల్ టైటానియం వైర్‌పై సాఫ్ట్ సిలికాన్ కవర్ ఇచ్చారు. 25,000 సార్లు వంచి పరీక్షించినట్లు కంపెనీ చెబుతోంది. ఇయర్‌బడ్ తీసేస్తే మ్యూజిక్ ఆటోమేటిక్‌గా ఆగిపోతుంది. కస్టమ్ బటన్ కంట్రోల్స్, వాయిస్ అసిస్టెంట్ సపోర్ట్ కూడా ఉన్నాయి. షావోమీ హైపర్‌ఓఎస్‌తో స్మార్ట్ హోమ్ పరికరాలను నియంత్రించవచ్చు. అలాగే ఇయర్బడ్స్ ఎక్కడ ఉన్నాయో మ్యాప్, సౌండ్ అలర్ట్‌లతో గుర్తించే ఫీచర్ కూడా అందించారు.
Also Read: రూ.30,000 లోపు బెస్ట్ ఫాస్ట్ ఛార్జింగ్ ఫోన్లు.. 2026లో టాప్-5 మోడల్స్ ఇవే!
Share
బ్యాంక్ అకౌంట్ సేఫ్గా ఉండాలా?ఈ 5 పనులు ఈరోజే చేయండి!
కేంద్ర కరువు సాయం ప్యాకేజీపై పెదవి విరుపేనా? నాడు కేసీఆర్కు చేదు అనుభవం..! ఇప్పుడు 20వేల కరువు ప్యాకేజీలో ఎంతిస్తారో?
