అమెజాన్‌లో షాకింగ్ ప్రైస్ డ్రాప్.. రూ.37,000 తగ్గిన Samsung Galaxy S26 Plus ఫోన్ ధర!

Galaxy S26 Plus Price Drop: శాంసంగ్ కంపెనీ నుంచి వచ్చిన ప్రీమియం ఫ్లాగ్‌షిప్ స్మార్ట్‌ఫోన్ ‘గెలాక్సీ S26 ప్లస్’ కొనాలనుకునే వారికి ఇది నిజంగా అద్భుతమైన అవకాశం. అమెజాన్ ఈ ఫోన్‌పై భారీ తగ్గింపును ప్రకటించింది. బ్యాంక్ ఆఫర్లు, ఎక్స్ఛేంజ్ డీల్స్ అన్నీ కలిపితే ఏకంగా రూ.37,000 కంటే ఎక్కువ మొత్తాన్ని ఆదా చేసుకోవచ్చు. పెద్ద డిస్‌ప్లే, అదిరిపోయే కెమెరా, పవర్‌ఫుల్ పర్‌ఫార్మెన్స్ ఉన్న ఫోన్ కోసం చూసేవారికి ఈ డీల్ బెస్ట్ ఛాయిస్ అని చెప్పొచ్చు.

భారీగా తగ్గిన ధర:

ఈ ఫోన్ మార్కెట్లోకి వచ్చినప్పుడు 12GB RAM, 256GB స్టోరేజ్ వేరియంట్ ధర రూ.1,19,999గా ఉండేది. కానీ ఇప్పుడు అమెజాన్‌లో ఇది రూ.84,999కే లిస్ట్ అయింది. దీనికి తోడు అమెజాన్ పే ఐసీఐసీఐ బ్యాంక్ క్రెడిట్ కార్డ్ వాడేవారికి అదనపు డిస్కౌంట్ లభిస్తుంది. దీంతో ఈ ఫోన్ ధర ఇంకా తగ్గుతుంది. పాత ఫోన్ ఎక్స్ఛేంజ్ చేయాలనుకునే వారికి రూ.34,600 వరకు ఎక్స్ఛేంజ్ బెనిఫిట్ కూడా లభిస్తోంది.

Also Read: యాపిల్ హిస్టరీలోనే బిగ్గెస్ట్ కెమెరా అప్‌గ్రేడ్.. iPhone 18 Pro లీకైన వివరాలు చూస్తే మైండ్ బ్లాకే!

అదిరిపోయే డిస్‌ప్లే, ప్రాసెసర్:

ఫీచర్ల విషయానికి వస్తే.. దీనిలో 6.7 అంగుళాల డైనమిక్ అమోలెడ్ 2X డిస్‌ప్లే ఇచ్చారు. ఇది 120Hz రీఫ్రెష్ రేట్‌తో చాలా స్మూత్‌గా పనిచేస్తుంది. స్క్రీన్ రక్షణ కోసం కార్నింగ్ గొరిల్లా ఆర్మర్ 2 ప్రొటెక్షన్ వాడారు. ఇక ఫోన్ పర్‌ఫార్మెన్స్ కోసం శామ్‌సంగ్ సొంత ఎగ్జినోస్ 2600 డెకాకోర్ ప్రాసెసర్‌ను ఉపయోగించారు. ఇది ఆండ్రాయిడ్ 16 ఆధారిత వన్ యూఐ 8.5 సాఫ్ట్‌వేర్‌పై నడుస్తుంది. హెవీ గేమింగ్, మల్టీటాస్కింగ్‌ను ఈ ఫోన్ చాలా ఈజీగా హ్యాండిల్ చేస్తుంది.

3x ఆప్టికల్ జూమ్‌:

ఫొటోగ్రఫీ లవర్స్ కోసం దీనిలో అద్భుతమైన కెమెరా సెటప్ ఉంది. వెనుక వైపు ఆప్టికల్ ఇమేజ్ స్టెబిలైజేషన్ ఉన్న 50MP ప్రైమరీ కెమెరా, 3x ఆప్టికల్ జూమ్‌తో 10MP టెలిఫోటో కెమెరా, 12MP అల్ట్రావైడ్ లెన్స్ ఉన్నాయి. అలాగే సెల్ఫీల కోసం ముందు భాగంలో 12MP కెమెరాను అమర్చారు. దీనివల్ల ఫొటోలు, వీడియోలు చాలా స్పష్టంగా వస్తాయి.

పవర్‌ఫుల్ బ్యాటరీ:

ఈ ఫోన్‌లో 4,900mAh బ్యాటరీ ఉంది. ఇది 45W ఫాస్ట్ ఛార్జింగ్‌కు సపోర్ట్ చేస్తుంది. ఇన్-డిస్‌ప్లే ఫింగర్‌ప్రింట్ సెన్సార్, 5G, వైఫై 7, బ్లూటూత్ 5.4 వంటి ఆధునిక ఫీచర్లు ఉన్నాయి. ఇంత పెద్ద డిస్‌ప్లే ఉన్నప్పటికీ.. ఈ ఫోన్ కేవలం 7.3mm మందం, 190 గ్రాముల బరువుతో చేతిలో పట్టుకోవడానికి చాలా స్లిమ్‌గా, లైట్‌వెయిట్‌గా అనిపిస్తుంది.

Also Read: చూడగానే నచ్చేసే లుక్.. వావ్ అనిపించే ఫీచర్లు.. Oppo Find X10 Pro Max ఫుల్ డీటెయిల్స్ లీక్!