Mini PC: ఫోన్ కంటే చిన్న కంప్యూటర్.. బుల్లి సైజు పిసిలో పవర్‌ఫుల్ ఫీచర్స్

Mini PC Minix Neo Z95| టెక్నాలజీ రోజు రోజుకూ మరింత అడ్వాన్స్ అయిపోతోంది.ఊహించని రీతిలో కొత్త కొత్త డివైజ్‌లు మార్కెట్లో వస్తున్నాయి. ఇప్పుడు చేతిలో సులభంగా సరిపోయే ఒక పవర్‌ఫుల్ కంప్యూటర్ లాంచ్ అయింది. Minix అనే టెక్ బ్రాండ్ Neo Z95 మినీ PC తాజాగా విడుదల చేసింది. ఈ చిన్న డివైస్ పెద్ద డెస్క్‌టాప్ కంప్యూటర్ లాంటి పనులు చేస్తుంది. పాకెట్‌లో పెట్టుకుని ఎక్కడికైనా తీసుకెళ్లవచ్చు. ఎక్కడైనా ఉపయోగించవచ్చు.

అతి చిన్న డిజైన్ ఎక్కడైనా సరిపోతుంది

Minix Neo Z95 సైజు కేవలం 88 x 88 x 43 mm మాత్రమే. చేతిలో సులభంగా సరిపోతుంది. చిన్న బ్యాగ్‌లో కూడా ఫిట్ అవుతుంది. చిన్నగా ఉన్నా రోజువారీ పనులకు బలమైన పర్‌ఫామెన్స్ ఇస్తుంది. డెస్క్ మీద పెట్టవచ్చు. మానిటర్ వెనక VESA మౌంటింగ్‌తో అమర్చవచ్చు. టీవీ లేదా డిస్‌ప్లే వెనక దాచవచ్చు. ఇలా చేస్తే వర్క్‌స్పేస్ క్లీన్‌గా, గజిబిజి లేకుండా ఉంటుంది.

రోజువారీ పనులకు బలమైన ప్రాసెసర్

ఈ మినీ PCలో Intel N95 ప్రాసెసర్ ఉంది. ఇది Alder Lake-N సిరీస్‌కు చెందింది. నాలుగు కోర్లు ఉన్నాయి. స్పీడు గరిష్టంగా 3.4GHz వరకు చేరుతుంది. సాధారణ పనులు లాగ్ లేకుండా స్మూత్‌గా జరుగుతాయి. వెబ్ బ్రౌజింగ్ సులభంగా చేయవచ్చు. ఆన్‌లైన్ క్లాసులు అటెండ్ చేయవచ్చు. వీడియోలు స్ట్రీమ్ చేయవచ్చు. ఆఫీస్ సాఫ్ట్‌వేర్ సౌకర్యంగా ఉపయోగించవచ్చు. స్టూడెంట్స్, ప్రొఫెషనల్స్, హోమ్ యూజర్లకు బాగుంటుంది.

పవర్‌ఫుల్ మెమరీ, స్టోరేజ్

Neo Z95లో 16GB LPDDR5X RAM ఉంది. దీనివల్ల ఫాస్ట్ మల్టీటాస్కింగ్, స్మూత్ పర్‌ఫామెన్స్ లభిస్తుంది. 512GB PCIe 3.0 SSD ఉంది. ఇది ఫాస్ట్ బూట్, త్వరగా ఫైల్స్ ఓపెన్ అవుతాయి. స్టోరేజ్‌ను తర్వాత అప్‌గ్రేడ్ చేయవచ్చు. ఫైల్స్ ఎక్కువగా స్టోర్ చేయాలనుకునే వారికి ఫ్లెక్సిబిలిటీ ఇస్తుంది.

ఎన్నో పోర్ట్‌లతో మంచి కనెక్టివిటీ

ఈ చిన్న PCలో చాలా పోర్ట్‌లు ఉన్నాయి. మూడు USB 3.2 Type-A పోర్ట్‌లు ఉన్నాయి. కీబోర్డ్, మౌస్, ఎక్స్‌టర్నల్ డ్రైవ్స్ సులభంగా కనెక్ట్ చేయవచ్చు. రెండు HDMI పోర్ట్‌లు, ఒక DisplayPort ఉన్నాయి. ఒకేసారి మూడు డిస్‌ప్లేలు కనెక్ట్ చేయవచ్చు. మల్టీటాస్కింగ్ సులభమవుతుంది. రెండు Gigabit LAN పోర్ట్‌లు ఉన్నాయి. స్టేబుల్ వైర్డ్ ఇంటర్నెట్ లభిస్తుంది. 3.5mm ఆడియో జాక్ కూడా ఉంది. హెడ్‌ఫోన్స్ లేదా స్పీకర్లు కనెక్ట్ చేయవచ్చు.

Also Read: మనుషులపై జోకులు వేసే ఏఐలు.. మానవులకు నో ఎంట్రీ ప్లాట్‌ఫామ్.. చాలా ప్రమాదకరం

విండోస్ సపోర్ట్, కూలింగ్ సిస్టమ్

ఈ మినీ PC విండోస్ ఆపరేటింగ్ సిస్టమ్‌తో వస్తుంది. అన్‌బాక్స్ చేసిన వెంటనే డెస్క్‌టాప్ యాప్స్ ఉపయోగించవచ్చు. ఎక్స్‌ట్రా ఇన్‌స్టాలేషన్ అవసరం లేదు. యాక్టివ్ కూలింగ్ సిస్టమ్ ఉంది. ఎక్కువ సమయం ఉపయోగించినా టెంపరేచర్ కంట్రోల్‌లో ఉంటుంది. స్టేబుల్‌గా పనిచేస్తుంది. ఓవర్‌హీటింగ్ సమస్య రాదు.

ఆధునిక యూజర్లకు పర్ఫెక్ట్ డివైస్

Minix Neo Z95 అనేక రకాలుగా ఉపయోగించవచ్చు. ఆఫీస్ పనులకు బాగుంటుంది. ఆన్‌లైన్ లెర్నింగ్, వీడియో స్ట్రీమింగ్‌కు అనువుగా ఉంటుంది. చిన్న గదులు, మినిమల్ సెటప్‌లకు బాగుంటుంది. చిన్న బాడీలో పెద్ద పనితీరు ఇస్తుంది. చిన్న కంప్యూటర్లు కూడా పవర్‌ఫుల్‌గా ఉండగలవని ఈ డివైస్ నిరూపిస్తోంది.