Vi Prepaid Plans: టెలికాం దిగ్గజం వోడాఫోన్ ఐడియా (Vi) తమ వినియోగదారుల కోసం సరికొత్త ప్లాన్లను తీసుకొచ్చింది. బడ్జెట్ విభాగంలో రూ. 249, రూ. 250 ప్రీపెయిడ్ ప్లాన్లను లాంచ్ చేసింది. తక్కువ ఖర్చుతో మంచి బెనిఫిట్స్ పొందాలనుకునేవారికి ఈ ప్లాన్స్ పర్ఫెక్ట్ గా సెట్ అవుతాయని వీఐ చెబుతోంది. ఈ నేపథ్యంలో ఈ ప్లాన్లకు సంబంధించి వివరాలు, బెనిఫిట్స్ పై ఓ లుక్కేయండి.
వీఐ రూ. 249 ప్లాన్ ను 28 రోజుల వ్యాలిడిటీతో తీసుకొచ్చింది. ఇందులో వినియోగదారులు రోజూ 0.5GB డేటా లేదా 14GB లంప్సమ్ డేటాను వినియోగించుకోవచ్చు. సాధారణంగా ఈ ప్లాన్ కింద రోజుకు 0.5GB డేటా అటోమేటిక్ గా అందుబాటులోకి వస్తుంది. ఒకవేళ మీకు ఏక మెుత్తంలో ఒకేసారి 14GB కావాలనుకుంటే రిజిస్టర్డ్ Vi నంబర్ నుండి 188# కి డయల్ చేయాల్సి ఉంటుంది. ఈ డేటా ఛేంజ్ ఆప్షన్.. కేవలం రీఛార్జ్ చేసుకున్న రోజు మాత్రమే అందుబాటులో ఉంటుందని కంపెనీ తెలిపింది.
రూ. 250 ధరతో వస్తున్న ఈ ప్రీపెయిడ్ ప్లాన్ కూడా 28 రోజుల వ్యాలిడిటీని అందిస్తుంది. ఈ ప్లాన్ ప్రత్యేకత ఏమిటంటే దీని ద్వారా వినియోగదారులకు 28 రోజుల పాటు ‘స్పాటిఫై ప్రీమియం’ (Spotify Premium) ఫ్రీ సబ్స్క్రిప్షన్ లభిస్తుంది. అంతేకాకుండా ఈ ప్లాన్లో మొత్తం కాలానికి 2GB డేటాతో పాటు 300 ఫ్రీ ఎస్ఎంఎస్లు లభిస్తాయి.
Also Read: ఫ్లిప్కార్ట్ ఫ్రీడమ్ సేల్.. స్మార్ట్ఫోన్లపై కళ్లు చెదిరే ఆఫర్లు.. రేట్లు ఇలా తగ్గించేశారేంటీ!
ఈ రెండు ప్లాన్ల ధరలు, వ్యాలిడిటీ దాదాపు ఒకేలా ఉన్నప్పటికీ.. వాటి బెనిఫిట్స్ విషయంలో మాత్రం స్పష్టమైన తేడా ఉంది. మ్యూజిక్ ఎక్కువగా వినేవారికి రూ. 250 ప్లాన్.. స్పాటిఫై ప్రీమియంతో బెటర్ ఛాయిస్గా నిలుస్తుంది. మరోవైపు ఎక్కువ డేటా అవసరం ఉండే వారికి రూ. 249 ప్లాన్ బెస్ట్ ఆప్షన్ గా కనిపిస్తోంది. ప్రస్తుతం ఈ రెండు ప్లాన్లు.. వీఐ యూజర్లకు అందుబాటులో ఉన్నాయి. మీ అసరానికి తగ్గట్లుగా ఉన్న ప్లాన్ ను మీరే డిసైడ్ చేసుకోండి.
Also Read: ఇరాన్ ఇష్యూలో ట్రంప్ వెనక్కి.. అణు డీల్ లేకుండానే పుల్స్టాప్కు యత్నాలు, దీని వెనుక ఏం జరిగింది?
Share
ఫ్లిప్కార్ట్ ఫ్రీడమ్ సేల్.. స్మార్ట్ఫోన్లపై కళ్లు చెదిరే ఆఫర్లు.. రేట్లు ఇలా తగ్గించేశారేంటీ!
ఏఆర్ రెహమాన్ కొడుకు అమీన్కు యాక్సిడెంట్.. అసలు ఏం జరిగిందంటే?
