WhatsApp Tips: వాట్సాప్ ఉపయోగించే చాలా మంది మెసేజ్ లు పంపడం, కాల్స్ చేయడం వంటి అంశాలకే పరిమితం అవుతారు. కానీ ఈ పనిని సులభతరం చేసే, ప్రైవసీని పెంచే ఎన్నో అద్భుతమైన ఫీచర్లను అస్సలు పట్టించుకోరు. అయితే ఆ ఫీచర్లను ఉపయోగిస్తే సమయాన్ని ఆదా చేయడమే కాకుండా, వాట్సప్ వినియోగాన్ని మరింత ఈజీగా, సెక్యూర్ గా మార్చుకోవచ్చు. కాబట్టి ప్రతీ ఒక్కరూ తప్పక తెలుసుకోవాల్సిన 3 కీలక వాట్సాప్ ఫీచర్లు ఏవో ఇప్పుడు చూద్దాం.
సాధారణంగా డెస్క్‌టాప్ లేదా ల్యాప్‌టాప్‌లో వాట్సాప్ వెబ్ వాడాలంటే మొబైల్‌లో ఇంటర్నెట్ కనెక్షన్ తప్పనిసరి. కానీ ‘లింక్డ్ డివైసెస్’ (Linked Devices) ఫీచర్‌తో ఈ సమస్యకు చెక్ పెట్టొచ్చు. మీ ఫోన్ ఆఫ్ అయినా, బ్యాటరీ అయిపోయినా సరే.. కంప్యూటర్ లేదా ట్యాబ్‌లో వాట్సాప్ సేవలను అంతరాయం లేకుండా ఉపయోగించవచ్చు. రోజులో అధిక భాగం సిస్టమ్ ముందు కూర్చుని పనిచేసే ఉద్యోగులకు ఈ ఆప్షన్ ఎంతో ఉపయయోగపడనుంది. ఈ ఫీచర్ కోసం ఫోన్‌లోని సెట్టింగ్స్‌లోకి వెళ్లి ‘లింక్డ్ డివైసెస్’ ను క్లిక్ చేయాలి. అనంతరం వెబ్ లోని క్యూఆర్‌ కోడ్ స్కాన్ చేసి ఈ ఫీచర్ ను ఉపయోగించుకోవచ్చు.
వ్యక్తిగత ఫోటోలు, కీలక డాక్యుమెంట్లు పంపేటప్పుడు ప్రైవసీ సమస్య తలెత్తకుండా వాట్సప్ కీలకమైన ఫీచర్ అందుబాటులో ఉంచింది. వాట్సాప్ అందిస్తున్న ‘వ్యూ వన్స్’ (View Once) ఆప్షన్ ద్వారా పంపిన ఫోటోలు లేదా వీడియోలను ఎదుటివారు ఒక్కసారి మాత్రమే చూసేందుకు వీలుకలుగుతుంది. వారు చూసిన వెంటనే అవి ఆటోమేటిక్‌‌గా డిలీట్ అవుతాయి. అలాగే ‘డిసప్పియరింగ్ మెసేజెస్’ (Disappearing Messages) ఫీచర్ ఉపయోగించి.. నిర్దిష్ట సమయం తర్వాత చాట్‌లు తమంతట తామే అదృశ్యమయ్యేలా సెట్ చేసుకోవచ్చు. దీనివల్ల ప్రైవసీతో పాటు ఫోన్ స్టోరేజ్ కూడా వృథా కాకుండా ఉంటుంది.
Also Read: ఇదేందయ్యా ఇది.. కుక్కలు, పిల్లులకు ప్రత్యేక ఆలయాలు.. తరలివెళ్తున్న పెంపుడు జంతువులు!
వాట్సప్ చాటింగ్ లో అనవసరమైన పాత మెసేజ్‌లు ఉంటే.. అలాంటి చాట్‌లను డిలీట్ చేయకుండా దాచడానికి ‘ఆర్కైవ్ చాట్’ (Archive Chat) ఉపయోగపడుతుంది. పనిచేసి పూర్తయిన ప్రాజెక్ట్ గ్రూప్‌‌లు, ఆఫర్ మెసేజ్‌లు వంటి వాటిని ఆర్కైవ్‌లో పెడితే ఇన్ బాక్స్ కాస్త ఫ్రీగా కనిపిస్తుంది. భవిష్యత్తులో అవసరమైనప్పుడు ఆ చాట్ లను మళ్లీ వెనక్కి తెచ్చుకునే వెసులుబాటు కూడా ఈ ఫీచర్ ద్వాలా వాట్సప్ కల్పిస్తోంది. మెుత్తంగా వాట్సాప్‌ను కేవలం సమాచార మార్పిడికే కాకుండా.. రోజువారీ పనిని వేగవంతం చేసే సాధనంగా మార్చుకోవడానికి ఈ ఫీచర్లు ఎంతగానో తోడ్పడతాయి.
Also Read: కొత్త మెుబైల్ నెంబర్ తీసుకుంటున్నారా? ఏ అంకెలు ఉంటే అదృష్టం? ఏ సంఖ్యలతో దురదృష్టం!
Share
రాజకీయాల్లోకి వచ్చి నష్టపోయా! లేకపోతే.. మరో పది హోటళ్లు పెట్టేవాడిని..! ఆల్తుఫాల్తు గాన్ని కాదు.. ఆదాయం ఊరికే రాలేదు...!
బీసీలకు 34% రిజర్వేషన్లు కేటాయిస్తాం.. క్లారిటీ ఇచ్చిన మంత్రి కొల్లు రవీంద్ర!
