8kg Washing Machine: ప్రస్తుతం ప్రతీ ఇంట్లో వాషింగ్ మిషన్ తప్పనిసరిగా మారింది. అయితే మార్కెట్లో రకరకాల కెపాసిటీలు ఉన్నప్పటికీ మెజారిటీ కుటుంబాలు 8 కేజీల వాషింగ్ మిషన్ లనే ఎక్కువగా ఇష్టపడుతున్నాయి. అసలు ఈ 8 కేజీల వేరియంట్ ఎందుకంత పాపులర్ అయింది? దీనివల్ల రోజూవారీగా కలిగే 5 కీలక ప్రయోజనాలేంటో ఈ కథనంలో తెలుసుకునే ప్రయత్నం చేద్దాం.
దేశంలో చాలావరకు 4 నుండి 6 మంది సభ్యులు ఉన్న చిన్న కుటుంబాలే ఎక్కువ. 8 కేజీల సామర్థ్యం ఉన్న వాషింగ్ మిషన్ ఈ తరహా కుటుంబాల సరిగ్గా సరిపోతుంది. బట్టలు తక్కువైనా, కాస్త ఎక్కువగా ఉన్న కూడా ఈ వాషింగ్ మిషన్.. ఏంతో తెలిగ్గా ఉతికేస్తుంది.
చిన్న సైజు వాషింగ్ మిషన్లలో బెడ్ షీట్లు, దుప్పట్లు (Blankets) వేయడం చాలా కష్టం. ఒకవేళ వేసినా అవి వాషింగ్ మిషన్ డ్రమ్ లో సరిగ్గా క్లీన్ కావు. అదే 8 కేజీల వేరియంట్ లో డ్రమ్ సైజ్ పెద్దగా ఉండటం వల్ల భారీ సైజు దుప్పట్లను కూడా చాలా తేలికగా శుభ్రం చేసుకోవచ్చు.
తక్కువ కెపాసిటీ వాషింగ్ మిషన్ ఉంటే రోజుకు రెండు మూడు సార్లు సైకిల్ రన్ చేయాల్సి వస్తుంది. అదే 8 కేజీల మిషన్ అయితే ఒకేసారి ఎక్కువ బట్టలు ఉతికేయవచ్చు. దీనివల్ల సమయంతో పాటు విద్యుత్, నీటి వినియోగం గణనీయంగా తగ్గుతుంది.
ప్రస్తుతం మార్కెట్లోకి వస్తున్న 8 కేజీల మోడళ్లలో కంపెనీలు ఇన్వర్టర్ మోటార్, ఇన్-బిల్ట్ హీటర్, స్మార్ట్ కనెక్టివిటీ వంటి అత్యాధునిక ఫీచర్లను అందిస్తున్నాయి. ఇవి మిషన్ లైఫ్ టైమ్ ను పెంచడమే కాకుండా బట్టలు మురికి లేకుండా మెరిసిపోయేలా చేస్తాయి.
6 లేదా 7 కేజీల వాషింగ్ మిషన్ల ధరకు.. 8 కేజీల మోడల్ కు మధ్య ధర విషయంలో పెద్దగా తేడా ఏమీ ఉండదు. కాస్త ఎక్కువ డబ్బు డబ్బుతోనే ఎక్కువ సామర్థ్యం, మెరుగైన పెర్ఫార్మెన్స్ లభిస్తుండటంతో వినియోగదారులు 8 కేజీల వైపే అధికంగా మొగ్గు చూపుతున్నారు.
Also Read: ఫ్రిడ్జ్ డోర్‌పై అయస్కాంతాలు.. కరెంట్ బిల్లుపై పడే ప్రభావం ఎంత? నిజానిజాలివే!
Share
డుకాటి లవర్స్ కు గుడ్ న్యూస్.. కొత్త మాన్స్టర్ లాంచ్కు గ్రీన్ సిగ్నల్!
రష్యన్ క్షిపణుల దాడి.. బ్లాక్ సీలో చిక్కుకున్న 13 మంది భారతీయ నావికులు!
