ఏఐ యుగంలో విప్లవాత్మక మార్పు.. షావోమి కొత్త ఫోన్ వెనుక ఆ ప్రత్యేకత ఏంటంటే?

Xiaomi 18 Pro Max: షావోమి నుంచి రాబోతున్న కొత్త ఫ్లాగ్‌షిప్ ఫోన్ షావోమి 18 ప్రో మాక్స్ ఇప్పుడు టెక్ మార్కెట్లో హాట్ టాపిక్‌గా మారింది. ఈ హ్యాండ్ సెట్ లాంచ్‌కు ఇంకా సమయం ఉన్నప్పటికీ.. ఇప్పటికే కొన్ని కీలక వివరాలు ఆన్‌లైన్‌లో లీక్ అయ్యాయి. తాజాగా గీక్‌బెంచ్‌లో కనిపించడంతో ఫోన్ పనితీరుకు సంబంధించిన ఆసక్తికరమైన విషయాలు బయటకు వచ్చాయి.

తాజాగా లీకైన సమాచారం ప్రకారం.. షావోమి 18 ప్రో మాక్స్‌లో స్నాప్‌డ్రాగన్ 8 ఎలైట్ Gen 6 ప్రో చిప్‌సెట్ ఉండే అవకాశం ఉంది. గీక్‌బెంచ్ టెస్టులో ఈ ఫోన్ సింగిల్ కోర్‌లో 3,381 పాయింట్లు, మల్టీ కోర్‌లో 10,920 పాయింట్లు సాధించినట్లు తెలుస్తోంది. ఈ స్కోర్లు నిజమైతే ఫోన్ పనితీరు చాలా పవర్‌ఫుల్‌గా ఉండొచ్చని చెప్పొచ్చు. ఇక సాఫ్ట్‌వేర్ పరంగా ఆండ్రాయిడ్ 17 ఆధారిత HyperOS 4తో వచ్చే అవకాశం ఉంది.

Also Read: స్మార్ట్‌ఫోన్ మీ చేతిలోనే ఉంది.. కానీ ఈ అమేజింగ్ సెట్టింగ్స్ ఇప్పటివరకు ఎందుకు ట్రై చేయలేదు?

ఈ ఫోన్‌లో అందరి దృష్టిని ఆకర్షిస్తున్న మరో ఫీచర్ వెనుకవైపు ఉండే సెకండరీ డిస్‌ప్లే. గతంలో ఇలాంటి బ్యాక్ స్క్రీన్‌లు ప్రధానంగా టైమ్, నోటిఫికేషన్లు వంటి వాటిని చూసేందుకు మాత్రమే ఉపయోగపడేవి. కానీ షావోమి 18 ప్రో మాక్స్‌లో ఈ స్క్రీన్‌ను మరింత ఉపయోగకరంగా మార్చే ప్రయత్నం చేస్తున్నట్లు సమాచారం. వాటర్ రిమైండర్లు పెట్టుకోవడం, ఇంగ్లీష్ పదాలు ప్రాక్టీస్ చేయడం వంటి చిన్న పనులకు కూడా దీన్ని ఉపయోగించుకోవచ్చట.

ఇక స్టాండర్డ్ షావోమి 18 కూడా 6.4 అంగుళాల డిస్‌ప్లేతో కాంపాక్ట్ డిజైన్‌లో రానుందని రూమర్స్ వినిపిస్తున్నాయి. వైట్, పింక్, బ్లూ, రెడ్, బ్లాక్ రంగుల్లో ఈ ఫోన్ అందుబాటులోకి వచ్చే అవకాశం ఉందని సమాచారం. షావోమి 18 సిరీస్ ఈ నెలలోనే చైనాలో లాంచ్ కావచ్చని తెలుస్తోంది. అయితే భారత్‌లో లాంచ్ తేదీ, ధరపై మాత్రం ఇంకా అధికారిక సమాచారం లేదు. మరిన్ని వివరాలు లాంచ్‌కు దగ్గర్లో వెల్లడయ్యే అవకాశం ఉంది.

Also Read: Nothing Phone 3 ప్రియులు ఎప్పుడెప్పుడా అని ఎదురుచూస్తున్న క్షణం.. ఏకంగా రూ.27,000 తగ్గింపు!