Basit Ali On Abhishek Sharma: టీమిండియా వర్సెస్ వెస్టిండీస్ మధ్య జరుగుతున్న టి20 సిరీస్ నేపథ్యంలో అభిషేక్ శర్మ సరికొత్త రికార్డు సృష్టించాడు. టి20 క్రికెట్లో అత్యంత వేగంగా 200 పరుగులు చేసిన బ్యాటర్ గా అభిషేక్ శర్మ చరిత్ర సృష్టించాడు. ఇండోర్ వేదికగా అర్థ సెంచరీ నమోదు చేసుకొని ఈ చరిత్ర క్రియేట్ చేశాడు. అయితే అభిషేక్ శర్మ ఈ రికార్డు సృష్టించిన నేపథ్యంలో పాకిస్తాన్ మాజీ ఆటగాడు బాసిత్ అలీ కీలక వ్యాఖ్యలు చేశారు. కళ్ళు మూసుకొని బ్యాటింగ్ చేస్తాడని అభిషేక్ శర్మ పై అనవసరంగా కొంత మంది విమర్శలు చేశారని మండిపడ్డారు. నిజంగానే అభిషేక్ శర్మ స్లాగర్ అయితే 200 పరుగులు చేస్తాడు.. కానీ 2000 పరుగులు ఎలా ? సాధ్యమంటూ మహమ్మద్ అమీర్ కు కౌంటర్ ఇచ్చారు. అలాంటి విమర్శలు చేసే వాళ్ళకు చెప్పుతో కొట్టినట్టు సమాధానం ఇచ్చాడని సంచలన వ్యాఖ్యలు చేశారు. దీంతో అభిషేక్ శర్మ పై బాసిత్ అలీ చేసిన వ్యాఖ్యలు దుమారం రేపుతున్నాయి.
టీమిండియా యంగ్ బ్యాటర్ అభిషేక్ శర్మ పై అప్పట్లో మహమ్మద్ అమీర్ వివాదాస్పద వ్యాఖ్యలు చేశారు. అభిషేక్ శర్మ పెద్ద స్లాగర్ అంటూ పరువు తీశాడు. కళ్ళు మూసుకుని బ్యాటింగ్ చేస్తాడని, బ్యాట్ పైకి బంతులు వస్తేనే కొడతాడని బాంబు పేల్చాడు. అంతే తప్ప వాడికి ఆట చేత కాదని హేళన చేశారు. ఫ్లాట్ మైదానాల పైన మాత్రమే ఆడతాడని సెటైర్లు వేశారు. అయితే అభిషేక్ శర్మ పై మహమ్మద్ అమీర్ గతంలో చేసిన వ్యాఖ్యలకు తాజాగా బాసిత్ అలీ స్ట్రాంగ్ కౌంటర్ ఇచ్చారు. కళ్ళు మూసుకుని ఆడడం కాదు మహమ్మద్ అమీర్ బట్టలు ఊడదీసి కొట్టాడని అభిషేక్ శర్మ పై ప్రశంసల వర్షం కురిపించారు.
ఒక్కసారి భూతద్దాలు పెట్టుకొని అభిషేక్ శర్మ బ్యాటింగ్ చూడాలని కౌంటర్ ఇచ్చారు. అప్పుడే అతడి ప్రతాపం ఏంటో తెలుస్తుందని వ్యాఖ్యానించారు. కళ్ళు మూసుకుని ఆడేవాడు అయితే 200 లేదా 300 పరుగులు చేసేవాడని వివరించారు. అభిషేక్ శర్మ అత్యంత ప్రమాదకరమైన ఆటగాడు కాబట్టే 2000 పరుగులు పూర్తి చేశాడని ప్రశంసించారు. ఎవరు సాధించలేని రికార్డు అతడు క్రియేట్ చేసుకున్నాడని తెలిపారు. కచ్చితంగా 200 స్ట్రైక్ రేట్ మైంటైన్ చేస్తూ స్థిరంగా పరుగులు చేయడం కారణంగానే ఈ రికార్డు సాధ్యమైంది అన్నారు. అలాంటోడిని కళ్ళు మూసుకుని ఆడుతున్నాడని అనడం చాలా తప్పు అంటూ మండిపడ్డారు. మహమ్మద్ అమీర్ కు బ్యాటింగ్ పైన ఎలాంటి అవగాహన లేదని.. అందుకే ఇలాంటి చిల్లర మాటలు మాట్లాడుతున్నాడని ఫైర్ అయ్యారు.
Share
దేశంలో మరో స్వతంత్ర పోరాటం తప్పదు.. సీఎం రేవంత్ రెడ్డి సంచలన వ్యాఖ్యలు!
సౌదీ అరేబియాకు వెళ్లొద్దు.. హౌతీ దాడులతో పలు దేశాల హెచ్చరికలు!
