Sohail Tanvir Supports Babar Azam: పొద్దున లేస్తే చాలు.. విరాట్ కోహ్లీ కంటే బాబర్ ఆజం తోపు, తురుము, గ్రేట్ బ్యాటర్ అంటూ పాకిస్తాన్ మాజీలు తెగ పోస్టులు, కామెంట్స్ చేస్తూంటారు. అయితే, భజనకు మరో పాకిస్తాన్ మాజీ ఫాస్ట్ బౌలర్ సోహైల్ తన్వీర్ ( Sohail Tanvir) కూడా జత కట్టాడు. విరాట్ కోహ్లీకి బీసీసీఐ లాంటి పెద్ద ఆర్థిక వ్యవస్థ అండగా ఉందని, కానీ బాబర్ ఆజం వెనుక ఎవరూ లేరన్నారు. అయినప్పటికీ, బాబర్ ఆజం పడి లేచిన కెరటం లాగా ముందుకు సాగుతున్నాడని పేర్కొన్నారు. 2022 నుంచి ఇప్పటి వరకు బాబర్ అనేక ఒడిదొడుకులు ఎదుర్కొన్నాడని, అయినా ఇప్పుడు మళ్లీ టెస్ట్ కెప్టెన్ గా ఎదిగాడని గుర్తు చేశారు.
పాకిస్తాన్ జట్టు కష్టాల్లో పడితే బాబర్ ఆజం ఒక్కడే ఆదుకునేవాడని వివరించారు. కానీ విరాట్ కోహ్లీకి ధోని, గంభీర్, రోహిత్ శర్మ, సచిన్ లాంటి ఎంతో మంది క్రికెటర్లు సపోర్ట్ గా నిలిచినట్టు గుర్తు చేశారు. ఇలా అనేక రకాలుగా విరాట్ కోహ్లీకి సోర్సులు ఉన్నాయని, కానీ బాబర్ ఆజంను పాకిస్తాన్ జట్టులోని ప్లేయర్లే తొక్కేశారని ఆరోపణలు చేశారు. అందుకే కోహ్లీ కంటే, బాబర్ ఆజం బెస్ట్ అన్నారు. కష్టకాలంలో కోహ్లీకి బీసీసీఐ నిలిస్తే, బాబర్‌ను PCB రోడ్డున పడేసిందని కీలక వ్యాఖ్యలు చేశారు. కోహ్లీ రోడ్డున పడేవాడని షాకింగ్ స్టేట్ మెంట్ ఇచ్చారు. దీంతో బాబర్ ఆజంపై పాకిస్తాన్ మాజీ ఫాస్ట్ బౌలర్ సోహైల్ తన్వీర్ ( Sohail Tanvir) చేసిన వ్యాఖ్యలు వైరల్ గా మారాయి.
రోహిత్ శర్మ, విరాట్ కోహ్లీ టీమిండియాకు దొరికిన ఆణిముత్యాలు అంటూ పాకిస్తాన్ మాజీ ఫాస్ట్ బౌలర్ సోహైల్ తన్వీర్ ( Sohail Tanvir) కీలక వ్యాఖ్యలు చేశారు. 2027 వన్డే వరల్డ్ కప్ నేపథ్యంలో విరాట్ కోహ్లీ, రోహిత్ శర్మలను టీమిండియా వాడుకోవాలని సూచనలు చేశారు. టీమిండియాలో ఇకపై ఆడే వన్డేలలో రోకో కాంబోకు ఎక్కువగా అవకాశాలు ఇవ్వాలని వెల్లడించారు.
దీని వల్ల 2027 వన్డే వరల్డ్ కప్ వరకు రోహిత్ శర్మ, విరాట్ కోహ్లీ మరింత కాన్ఫిడెన్స్ తో ఆడతారన్నారు. కానీ అనవసరంగా లేనిపోనీ ప్రయోగాలు చేస్తే, మాత్రం టీమిండియా గ్రూప్ స్టేజ్ లోనే ఎలిమినేట్ కావడం గ్యారెంటీ అని హెచ్చరించారు. వన్డే వరల్డ్ కప్ లో ఈ సారి టీమిండియా ఓడిస్తామని, ఆ దిశగా పాకిస్తాన్ క్రికెటర్లు సిద్ధం అవుతున్నట్టు చెప్పుకొచ్చారు.
Share
తెలంగాణ నర్సింగ్ కౌన్సిల్లో రూ.7 కోట్ల స్కామ్.. షాక్లో ఉన్నతాధికారులు!
లైఫ్ టైమ్ ఫ్రీ ఫ్లైట్ పాస్.. పైలట్ స్మిత్ మచ్చార్కు ఇజ్రాయెల్ సూపర్ గిఫ్ట్!
