Mark Wood Private Jet story: అంతర్జాతీయ క్రికెట్ కు రిటైర్మెంట్ ప్రకటించిన ఇంగ్లాండ్ క్రికెటర్ మార్క్ వుడ్ ఐపీఎల్ గురించి షాకింగ్ కామెంట్స్ చేశారు. ఇండియన్ ప్రీమియర్ లీగ్ టోర్నమెంట్ చాలా గొప్పదని వెల్లడించిన ఆయన… ఎంతో మందికి జీవితాన్ని అందిస్తోందని ప్రశంసించారు. తనకు కూడా ఐపీఎల్ ఫ్రాంచైజీ ఓనర్.. ఏకంగా ప్రైవేట్ జెట్ పంపిస్తానని ఆఫర్ చేసినట్లు గుర్తు చేశారు. తాను తీవ్రమైన జ్వరంతో హోటల్ లోనే రెస్ట్ తీసుకుంటున్న సమయంలో …ఐపీఎల్ ఫ్రాంచైజీ ఓనర్ ఒకరు తనకు బంపర్ ఆఫర్ ఇచ్చినట్లు వివరించారు. నువ్వు ఆరోగ్యంగా ఉంటే… వెంటనే జట్టులో చేరిపో… నీ కోసం ప్రైవేట్ జెట్ విమానం పంపిస్తానని ఆఫర్ చేసినట్లు స్పష్టం చేశారు మార్క్ వుడ్. దీనికి సంబంధించిన న్యూస్ ఇప్పుడు హాట్ టాపిక్ అయింది.
ఇండియన్ ప్రీమియర్ లీగ్ టోర్నమెంట్ లో భాగంగా ఓ సీజన్ మధ్యలో మార్క్ వుడ్ తీవ్రమైన జ్వరం బారిన పడ్డారు. ఈ క్రమంలో మంచం దిగి నిలబడలేని పరిస్థితి అతనికి వచ్చింది. అప్పటికే 5 మ్యాచ్ లు ఆడి… సదరు జట్టుకు సంబంధించిన హోటల్ కు వెళ్లిపోయాడు మార్క్ వుడ్. మరో మూడు రోజుల్లో మ్యాచ్ ఉంది. నిత్యం ఆ జట్టుకు సంబంధించిన డాక్టర్… మార్క్ వుడ్ పరిస్థితిని చెక్ చేస్తూనే ఉన్నారు. అయితే మ్యాచ్… లోకల్ లో కాకుండా, మరో జట్టుకు సంబంధించిన హోమ్ గ్రౌండ్ లో జరగనుంది. ఇలాంటి క్రమంలో మార్క్ వుడ్ కు సదరు జట్టు ఓనర్ ఫోన్ కాల్ చేశాడు. మిస్టర్ మార్క్ వుడ్… మ్యాచ్ కు సిద్ధం అయ్యావా ? ఆరోగ్యం ఎలా ఉంది ? నీ కోసం ప్రత్యేకంగా జెట్ విమానం పంపిస్తానని బంపర్ ఆఫర్ ఇచ్చాడు. మ్యాచ్ ముగిసిన తర్వాత మళ్లీ.. నీ రూమ్ లో అదే విమానం దించుతుందని క్లియర్ కట్ గా ఆ జట్టు ఓనర్ వెల్లడించారు.
ఐపీఎల్ ఓనర్ ఇచ్చిన ప్రైవేట్ జెట్ ఆఫర్ విన్న మార్క్ వుడ్, తన తండ్రి కి ఫోన్ చేశాడు. ఇలా జెట్ విమానం పంపిస్తానన్నారు.. నాకు ఆరోగ్యం బాగాలేదు… ఏం చేయమంటారు నాన్నగారు అని తన తండ్రిని అడిగారు మార్క్ వుడ్. నీ వల్ల కాకపోతే వదిలేయ్ అని ఆయన తండ్రి సలహా ఇచ్చారు. దీంతో ఐపీఎల్ ఓనర్ ఇచ్చిన ప్రైవేటు జెట్ ఆఫర్ ను సున్నితంగా మార్క్ వుడ్ తిరస్కరించారు.
Share
అల్లు అర్జున్ ఫ్యాన్స్ కు బిగ్ షాక్.. ఇది అస్సలు ఊహించలేదు మావా..
డోపమైన్ కోసం డేటింగ్.. ప్రేమలో కొత్తదనం కోరుకుంటున్న జెన్ జీ యువత
