Mike Hesson on Pak Team: 2027 వన్డే వరల్డ్ కప్ దగ్గర పడుతున్న నేపథ్యంలో అన్ని జట్లు సర్వం సిద్ధం చేసుకుంటున్నాయి. ఇటు పాకిస్తాన్ క్రికెట్ జట్టు కూడా అదే బాటలో కొనసాగుతోంది. ఏమాత్రం చాన్స్ తీసుకోకుండా… ప్రతి సెక్షన్ సరిదిద్దుకుంటోంది. ముఖ్యంగా టీమ్ ఇండియాను ఓడించేలా ప్రణాళికలు సిద్ధం చేస్తోంది. దానికి తగ్గట్టుగానే పాకిస్తాన్ క్రికెటర్లకు స్పోకెన్ ఇంగ్లీష్ క్లాసులు, హిట్టింగ్ బాగా చేసేలా ట్రైనింగ్ ఇస్తున్నారు. ప్రతి ఒక్క ప్లేయర్ పాడెల్ ఆడేలా దిశా నిర్దేశం చేసింది పాకిస్తాన్ క్రికెట్ బోర్డు. ఇలాంటి నేపథ్యంలో పాకిస్తాన్ వైట్ బాల్ హెడ్ బాల్ మైక్ హెస్సన్ కీలక వ్యాఖ్యలు చేశారు. తమ పాకిస్తాన్ జట్టును అందరూ తక్కువగా అంచనా వేస్తున్నారని… కానీ తాము 2027 వన్డే వరల్డ్ కప్ లో పంజా విసురుతామని హెచ్చరించారు. ఈ వన్డే వరల్డ్ కప్ లో టీమిండియాను ఓడించడమే కాకుండా… టైటిల్ కూడా గెలుచుకుంటామని హెచ్చరికలు జారీ చేశారు. అలా జరగకపోతే తన పదవికి రాజీనామా చేస్తానని సవాల్ కూడా విసిరారు మైక్ హెస్సన్ (Mike Hesson).
Also Read: Trolls On Virat Kohli: లండన్ లో విరాట్ కోహ్లీకి ఘోర అవమానం…బాడీ షేమింగ్ కామెంట్స్ చేస్తూ రెచ్చిపోయిన ఫ్యాన్స్ !
2027 వన్డే వరల్డ్ కప్ దగ్గర పడుతున్న నేపథ్యంలో టీమిండియా కు స్ట్రాంగ్ వార్నింగ్ ఇచ్చాడు పాకిస్తాన్ కోచ్ మైక్ హెస్సన్. పాకిస్తాన్ క్రికెట్ జట్టును అందరూ హేళన చేస్తూ చూస్తున్నారని… కానీ అంత దరిద్రంగా తమ జట్టు లేదని వెల్లడించారు. పాకిస్తాన్ ను తక్కువగా అంచనా వేస్తే, ప్రత్యర్ధుల కొంప మునిగినట్లేనని బాంబు పేల్చారు. కచ్చితంగా 2027 వన్డే వరల్డ్ కప్ టైటిల్ కొట్టి తీరుద్దామని డేంజర్ బెల్స్ పంపించారు. ముఖ్యంగా టీమిండియా పై ఎప్పుడు ఎక్కడ మ్యాచ్ జరిగినా, పాకిస్తాన్ జట్టును గెలిపించే బాధ్యత తీసుకుంటానని హెచ్చరించారు.
ప్రస్తుతం టీమిండియా జట్టు చాలా వీక్ గా ఉందని వ్యాఖ్యానించిన మైక్ హెస్సన్, వాళ్లను ఓడించే శక్తి ఇప్పుడు పాకిస్తాన్ కు (Pakistan Team) వచ్చిందని తెలిపారు. కొత్త ఫార్మాట్ ప్రకారం టీమిండియాతో పాకిస్తాన్ మూడు మ్యాచ్ లు ఆడే అవకాశాలు కనిపిస్తున్నట్లు గుర్తు చేశారు. ఈ క్రమంలో ప్రతి మ్యాచ్ లోను టీమిండియాను ఓడించి.. ప్రతీకారం తీర్చుకుంటామని శపథం చేశారు. ఒకవేళ టీం ఇండియాను ఓడించకపోతే తాను కోచ్ పదవికి రాజీనామా చేస్తానని సంచలన ప్రకటన కూడా చేశారు. కోచ్ పదవికి రాజీనామా చేసి పాకిస్తాన్ నుంచి వెళ్ళిపోతానని బాంబు పేల్చారు. దీంతో మైక్ హెస్సన్ (Mike Hesson) చేసిన వ్యాఖ్యలు హాట్ టాపిక్ అయ్యాయి.
Share
పోలీసుల షాక్.. జగన్కు నో ఎంట్రీ!
అమెరికాను కుదిపేసిన రియల్ సైకో స్టోరీ... తెలుగులోనే ఈ ట్రూ క్రైమ్ డాక్యుమెంటరీ స్ట్రీమింగ్
