Team India Win Gold Medal: ఏషియన్స్ గేమ్స్ 2026 టోర్నమెంట్ నేపథ్యంలో టీమిండియా సరికొత్త చరిత్ర సృష్టించింది. ఫైనల్స్ మ్యాచ్ లో శ్రీలంక మహిళల జట్టును చిత్తుగా ఓడించిన టీమిండియా మహిళల టీమ్, గోల్డ్ మెడల్ దక్కించుకుంది. బ్యాటింగ్, బౌలింగ్, ఫీల్డింగ్ ఇలా అన్ని విభాగాల్లో ఇరగదీసిన హర్మన్ ప్రీత్ కౌర్ టీమ్… పసిడి పతకం అందుకుంది.
మహిళల ఏషియన్ గేమ్స్ 2026 టోర్నమెంట్ లో (Asian Games 2026) భాగంగా, ఇవాళ టీమిండియా, శ్రీలంక జట్ల ( India Women vs Sri Lanka Women) మధ్య ఫైనల్స్ జరిగింది. గోల్డ్ మెడల్ కోసం జరిగిన ఈ మ్యాచ్ లో టీమిండియా ఉమెన్స్ టీమ్ ఫస్ట్ బ్యాటింగ్ చేసింది. ఇందులో మొదట బ్యాటింగ్ చేసిన టీమిండియా, నిర్ణీత 20 ఓవర్లు ఆడింది. ఈ క్రమంలో 3 వికెట్ల నష్టానికి 213 పరుగులు సాధించింది టీమిండియా. షెఫాలీ వర్మ 48 పరుగులు చేయగా, స్మృతి మందాన 79 పరుగులు సాధించింది. కెప్టెన్ హర్మన్ ప్రీత్ సింగ్ 19 పరుగులే చేయగా, రిచా ఘోష్ మాత్రం అదరగొట్టింది. 22 బంతుల్లో 49 పరుగులు చేసి మెరుపులు మెరిపించింది. ఇక ఈ టార్గెట్ ను ఛేదించే క్రమంలో శ్రీలంక జట్టు అట్టర్ ఫ్లాఫ్ అయింది.
214 పరుగుల టార్గెట్ ను ఛేదించే క్రమంలో టాప్ ఆర్డర్ తో పాటు మిడిల్ ఆర్డర్ కుప్పకూలింది. 15.4 ఓవర్లు ఆడిన శ్రీలంక ఉమెన్స్ టీమ్… 69 పరుగులకే కుప్పకూలింది. ఈ క్రమంలో 147 పరుగుల తేడాతో సూపర్ విక్టరీ అందుకున్న టీమిండియా, గోల్డ్ సంపాదించింది. ఛేజింగ్ లో మహిళల శ్రీలంక జట్టు కెప్టెన్ చమరి ఆటపట్టు ఒక్కరే 29 పరుగులతో రాణించే ప్రయత్నం చేశారు. మిగతా ఆటగాళ్లు అందరూ అట్టర్ ఫ్లాఫ్ అయ్యారు. దీప్తి శర్మ ఈ మ్యాచ్ లో 4 ఓవర్లు సంధించింది. ఈ క్రమంలో 6 పరుగులు ఇచ్చి, 3 వికెట్లు పడగొట్టింది. అటు షఫాలీ వర్మ, శ్రేయాంక పాటిల్, శ్రీ చరణీ తలో రెండు వికెట్లు పడగొట్టారు.
ఏషియన్స్ గేమ్స్ 2026 టోర్నమెంట్ నేపథ్యంలో తొలి మ్యాచ్ ఓడిపోయినా, పాకిస్తాన్ ఉమెన్స్ జట్టుకు కాంస్య పతకం వచ్చింది. కాంస్య పతకం కోసం ఇవాళ బంగ్లాదేశ్, పాకిస్తాన్ జట్లు తలపడ్డాయి. ఇందులో బంగ్లాదేశ్ జట్టును చిత్తుగా ఓడించింది పాకిస్తాన్. బంగ్లాపై ఏకంగా 31 పరుగుల తేడాతో విజయం సాధించింది పాకిస్తాన్. ఈ క్రమంలోనే కాంస్య పతకం దక్కించుకుంది. ఈ మ్యాచ్ లో పాకిస్తాన్ ఉమెన్స్ టీమ్..20 ఓవర్లు ఆడి, 8 వికెట్ల నష్టానికి 145 పరుగులు సాధించింది. ఈ టార్గెట్ ఛేదించే క్రమంలో 7 వికెట్లు నష్టపోయి, కేవలం 114 పరుగులే చేసి..ఓడిపోయింది బంగ్లాదేశ్ ఉమెన్స్ టీమ్.
Share
హోండా నుంచి పవర్ ఫుల్ బైక్.. CB500లో ఇన్ని స్పెషల్స్ ఉన్నాయా?
విజయవాడలో విషాదం.. వేడి సాంబార్ గిన్నెలో పడి మహిళ దుర్మరణం!
