Virender Sehwag On Ajit Agarkar: టీమిండియా చీఫ్ సెలక్టర్ అజిత్ అగార్కర్ పదవి కాలం ముగిసిన తరుణంలో వీరేంద్ర సెహ్వాగ్ ( Virender Sehwag) వివాదస్పద వ్యాఖ్యలు చేశారు. ఆ దరిద్రుడు వెళ్లిపోయాడు.. ఇక టీమిండియాకు మంచి రోజులు రాబోతున్నట్టు చెప్పుకొచ్చారు. ఇందులో భాగంగా భువనేశ్వర్ కుమార్ రీ ఎంట్రీ ఇవ్వబోతున్నట్టు గుర్తు చేశారు. అటు టీమిండియాలోకి వచ్చేందుకు ఎదురుచూస్తోన్న మహ్మద్ షమీ కూడా ఊపిరి పీల్చుకోవాలని, త్వరలోనే అతడికి కూడా పిలుపు వస్తుందని వీరేంద్ర సెహ్వాగ్ అంచనా వేశారు.
టీమిండియా చీఫ్ సెలక్టర్ గా అజిత్ అగార్కర్ ఉన్నన్ని రోజులు భువనేశ్వర్, మహ్మద్ షమీలకు ఛాన్సులు రాలేదని ఫైర్ అయ్యారు. అతడు వెళ్లిపోగానే భువనేశ్వర్ కుమార్ కు లైన్ క్రియర్ అయినట్టు వెల్లడించారు. అటు షమీ కూడా రిలాక్స్ కావాల్సిందేనని కుండ బద్దలు కొట్టి చెప్పారు. 2027 వన్డే వరల్డ్ కప్ నేపథ్యంలో షమీ, బుమ్రా, భువీ సిద్ధం కావాలని పిలుపునిచ్చారు.
టీమిండియా చీఫ్ సెలక్టర్ గా కొనసాగిన అజిత్ అగార్కర్ పదవి కాలం అక్టోబర్ 4వ తేదీన ముగిసింది. అయితే, 2027 వన్డే వరల్డ్ కప్ వరకు అతన్నే టీమిండియా చీఫ్ సెలక్టర్ గా కొనసాగిస్తారని ప్రచారం జోరుగా సాగింది. కానీ, అతని వల్ల టీమిండియా డిస్టర్బ్ అవుతోందని భావించి, పక్కకు పెట్టేసింది టీమిండియా. అజిత్ అగార్కర్ పోగానే భువనేశ్వర్ కుమార్ కు పిలుపు వచ్చింది.
టీమిండియా వర్సెస్ న్యూజిలాండ్ తో జరిగే టీ20 సిరీస్ నేపథ్యంలో భువనేశ్వర్ కుమార్ ను సెలక్ట్ చేశారు. అజిత్ అగార్కర్ దిగిపోగానే అతని స్థానంలో తాత్కాలిక చీఫ్ సెలక్టర్ గా ప్రగ్యాన్ ఓజా బాధ్యతలు తీసుకున్నారు. వచ్చిరాగానే భువీకి ఛాన్స్ ఇచ్చారు. ఇక త్వరలోనే మహ్మద్ షమీకి కూడా టీమిండియా నుంచి పిలుపు రావడం గ్యారెంటీ అనే ప్రచారం జరుగుతోంది.
భువనేశ్వర్ కుమార్, మహ్మద్ షమీ, సిరాజ్ లాంటి బౌలర్లకు టీమిండియాలో అవకాశాలు రాకుండా అజిత్ అగార్కర్ చేశాడని వీరేంద్ర సెహ్వాగ్ ఆరోపణలు చేశారు. ఎంత కష్టపడినా వీళ్లను సెలక్ట్ చేయకుండా చాలా దుర్మార్గంగా వ్యవహరించాడని సీరియస్ అయ్యారు. సిరాజ్ అప్పుడప్పుడు ఛాన్సులు వచ్చినా, భువనేశ్వర్ కుమార్, మహ్మద్ షమీలను పట్టించుకోలేదని మండిపడ్డారు. అయితే, అజిత్ అగర్కార్ పోయిన తరుణంలో టీమిండియాకు మంచి రోజులు వచ్చినట్టేనని స్పష్టం చేశారు. ఈ తరుణంలోనే అజిత్ అగార్కర్ పై వీరేంద్ర సెహ్వాగ్ ( Virender Sehwag) చేసిన విమర్శలు హాట్ టాపిక్ అయ్యాయి.
Share
రామాయంపేట బడుల్లో ఎమ్మెల్సీ మల్క హల్చల్.. కేజీబీవీ విద్యార్థులకు కీలక హామీ!
రూ.999కే 70 గంటల బ్యాటరీ బ్యాకప్! ఇలాంటి మోడల్ చూసుండరు!
