Ms Dhoni Play IPL 2025: ధోనీకి ఐపీఎల్ లో చోటు ఉందా? లేదా?

కెప్టెన్ గా రాజీనామా చేసి రుతురాజ్ గైక్వాడ్ కి బాధ్యతలు అప్పగించాడు. ఈ పరిస్థితుల్లో ఐపీఎల్ మెగా వేలం జరగనుంది. ఈ సమయంలో ప్రతీ జట్టు కూడా నలుగురు ఆటగాళ్లను మాత్రమే తమ దగ్గర ఉంచుకుని, మిగిలిన వాళ్లని వదిలేయాలి. అప్పుడందరూ మళ్లీ ఓపెన్ ఆక్షన్ లోకి వస్తారు.

ఇప్పుడు చెన్నయ్ సూపర్ కింగ్స్ కి సంకట స్థితి ఎదురైంది. అదేమిటంటే ధోనీ చేసేది వికెట్ కీపింగ్ మాత్రమే. తనెంత కాలం ఆడతాడో తెలీదు. మహా అయితే మరో ఏడాది మాత్రమే ఆడే అవకాశాలున్నాయి. ఇలాంటి పరిస్థితుల్లో తనని అట్టే పెట్టుకుని రూ.12 కోట్లు చెల్లించే పరిస్థితి లేదు. అందుకు ధోనీ కూడా అంగీకరించడం లేదు.

ఇదిలా ఉండగా మెగా వేలానికి ముందు ఫ్రాంచైజీలతో  ఐపీఎల్ గవర్నింగ్ కౌన్సిల్ మీటింగు జరిగింది. ఇందులో చెన్నై ఒక ప్రతిపాదన చేసింది. అదేమిటంటే అన్ క్యాప్డ్ రూల్ మళ్లీ తీసుకురావాలని కోరింది. దీనివల్ల ధోనిని అన్ క్యాప్డ్ ప్లేయర్ గా ఆడించే అవకాశాలున్నాయి. అప్పుడు తనకి రూ.4 కోట్లు మాత్రమే ఇవ్వవచ్చు. అలా జట్టుకి భారం ఉండదు.

Also Read:  అసలైన వారి నుంచి మద్దతే లేదు: వినేశ్ భర్త

ఇంతకీ అన్ క్యాప్డ్ పాలసీ అంటే ఏమిటంటే.. 2008 ఐపీఎల్ ప్రారంభమైనప్పుడు ఈ పాలసీ పెట్టారు. ఈ పద్ధతి ప్రకారం గత ఐదేళ్లలో అంతర్జాతీయ క్రికెట్ ఆడని ఏ క్రికెటర్ నైనా అన్ క్యాప్డ్ ప్లేయర్ గా పరిగణిస్తారు. అంటే పాత క్రికెటర్లకి ఆదాయం పరంగా ఒక అవకాశం కల్పించినట్లవుతుందని బీసీసీఐ భావించింది. కాకపోతే ఫ్రాంచైజీలు ఎవరూ దీనిపై ఆసక్తి చూపించలేదు. దీంతో 2021లో ఈ పాలసీ రద్దు చేశారు.

ప్రస్తుతం చెన్నయ్ సూపర్ కింగ్స్ యాజమాన్యం తమ హీరో ధోనీ కోసం ఈ రూల్ తీసుకురమ్మని కోరింది. దీనిపై బీసీసీఐ సుముఖంగా ఉన్నట్టు తెలిసింది. ఎందుకంటే ధోనీకి మంచి ఫ్యాన్ ఫాలోయింగ్ ఉంది. తను మ్యాచ్ లు ఆడుతుంటే చూసేందుకు జనం క్యూలు కడతారు. యాడ్స్ పెరుగుతాయి. ఐపీఎల్ కి ఒక కలరింగ్ ఉంటుంది. ఇన్నిలాభాలున్నాయి కాబట్టి  ధోనీ కోసం రూల్స్ ను సవరించక తప్పదని బీసీసీఐ భావిస్తోంది.