ఐపీఎల్ లో నేడు హైదరాబాద్ సన్ రైజర్స్ వర్సెస్ రాయల్ ఛాలెంజర్స్ బెంగళూరు మధ్య మ్యాచ్ హైదరాబాద్ లో జరగనుంది. అయితే రెండు జట్లు ఉదయం మ్యాచ్ ప్రాక్టీస్ చేశాయి. ప్రాక్టీస్ అనంతరం అలసిపోయిన కొహ్లీ ఒక దగ్గర కూలబడ్డాడు.
ఈ సమయంలో రెండు జట్ల కోచ్ లు అక్కడ పిచ్ మీద తిరుగుతున్నారు. ఈ సమయంలో ఆర్సీబీ కోచ్ తో అంతకుముందే కొహ్లీ మాట్లాడిన మాటలను బహుశా కమిన్స్ దూరంగా ఉండి విన్నట్టున్నాడు.
అటువైపుగా వెళుతూ కొహ్లీని చూసి, వికెట్ చాలా ఫ్లాట్ గా కనిపిస్తోంది. అన్న మీ మాటలు, నేను కూడా విన్నాను అని సరదాగా వ్యాక్యానించాడు.
దీంతో కొహ్లీ, మీ అంత మంచోడు లేరు కమిన్స్ అని బదులిచ్చాడు. దీంతో ఇద్దరూ సరదాగా నవ్వుకుని, షేక్ హ్యాండ్ ఇచ్చుకున్నారు. వీరి సంభాషణ చూసిన తోటి ఆటగాళ్లు కూడా వీరితో జతకలిశారు. అందరూ కాసేపు సరదాగా నవ్వుకున్నారు.
Also Read: కలలో కూడా అవే.. ఐపీఎల్ హిస్టరీలో మోహిత్ రికార్డ్
నిజానికి మ్యాచ్ ముందు ఆటగాళ్లు, కెప్టెన్, కోచ్, సహాయకులు అందరూ పిచ్ ని గమనిస్తారు. దాని స్వభావం ఎలా ఉంది? అనేది తెలుసుకుంటారు. వారికి ఉన్న అనుభవాన్ని బట్టి, అది బ్యాటింగ్ కి అనుకూలమా ? బౌలింగుకి అనుకూలమా? లేకపోతే సెకండాఫ్ బ్యాటింగ్ చేసేవాళ్లకి అనుకూలమా? ఇలా ఎన్నో అంశాలపై వాళ్లు మ్యాచ్ కి ముందు అవగాహనకి వస్తారు. అయితే అంతకుముందే పిచ్ రిపోర్ట్ ను క్యూరేటర్ రెండు జట్లకి అందిస్తాడు.
ఇదంతా మ్యాచ్ లో ఒక భాగంగా జరుగుతుంది. పిచ్ ఫ్లాట్ గా ఉందనేది, ప్రతీ క్రికెటర్ కి చూడగానే ఇట్టే తెలిసిపోతుంది. జనరల్ గా అదే మాటను కొహ్లీ క్యాజువల్ గా కోచ్ తో అని ఉంటాడు. ఆ పక్కనే ఉన్న కమిన్స్ అదే మాటను కొహ్లీని ఆటపట్టిస్తూ అన్నాడన్నమాట. పిచ్ ప్లాట్ గా ఉందని మీరన్న మాటలు రహస్యంగా నేను విన్నాను అనే అర్థం వచ్చేలా చెప్పాడు.
దానికి కొహ్లీ నువ్వు చాలా మంచివాడివి, నాకు మాత్రమే చెప్పావు అనే అర్థం వచ్చేలా కొహ్లీ అనడంతో అక్కడ నవ్వులు పువ్వులై విరిశాయి. మొత్తానికి ఆటలో ప్రత్యర్థులుగా ఉన్నా బయటమాత్రం క్రికెటర్లందరూ కలిసి మెలిసి ఉంటారనడానికి ఇదే నిదర్శనమని నెటిజన్లు కామెంట్ చేస్తున్నారు.
Share
Rahul Priyanka Ayodhya Visit: అయోధ్యకు రాహుల్, ప్రియాంక.. ఆ రెండు స్థానాల్లో పోటీ..?
YS Sharmila attack on CM Jagan: బాణం ఎక్కుపెట్టిన షర్మిల, జగన్ పార్టీకి ఓటేస్తే.. మూడు రాజధానులెక్కడ?
