HiTech City Mall: హైదరాబాద్ ఐటీ రంగానికి గుండెకాయ లాంటి హైటెక్ సిటీలో భారీ మాల్ రాబోతోంది. అంతర్జాతీయ స్థాయిలో మౌలిక సదుపాయాలకు నిలయంగా మారిన ఈ ప్రాంతంలో బ్రూక్ఫీల్డ్ – కె.రహేజా గ్రూప్ సంయుక్తంగా ఒక భారీ షాపింగ్ మాల్ను నిర్మిస్తున్నాయి. నగర వాసులకు అంతర్జాతీయ స్థాయి షాపింగ్, వినోదం, విందు వంటి అనుభూతులను ఒకే చోట అందించడమే లక్ష్యంగా ఈ ప్రతిష్టాత్మక ప్రాజెక్ట్ వేగంగా రూపుదిద్దుకుంటోంది.
ఈ సరికొత్త మాల్ కేవలం షాపింగ్కే పరిమితం కాకుండా.. అన్ని రకాల గ్లోబల్ బ్రాండ్లు, రకరకాల వంటకాలను అందించే లగ్జరీ రెస్టారెంట్లు, సరికొత్త గేమింగ్ జోన్లు, అత్యాధునిక మల్టీప్లెక్స్ థియేటర్లు ఇందులో భాగం కానున్నాయి. ఐటీ ఉద్యోగులకు, స్థానికులకు వారాంతాల్లో సరదాగా గడిపేందుకు ఇది ఒక పర్ఫెక్ట్ వీకెండ్ డెస్టినేషన్గా మారబోతోంది.
ఈ భారీ మాల్ అందుబాటులోకి వస్తే.. దీని ద్వారా ప్రత్యక్షంగా, పరోక్షంగా వేలాది మందికి ఉపాధి అవకాశాలు లభించనున్నాయి. అంతేకాకుండా ఈ ప్రాజెక్టు కారణంగా చుట్టుపక్కల ప్రాంతాల్లో ప్రాపర్టీ విలువలు మరింత పెరిగే అవకాశం ఉంది. ఇప్పటికే నగరంలో మంచి డిమాండ్లో ఉన్న రియల్ ఎస్టేట్ రంగానికి ఈ ప్రాజెక్ట్ మరిన్ని రెక్కలు తొడుగుతుందని అంచనాలు ఉన్నాయి. నిత్యం లక్షలాది మంది ఉద్యోగులు, ప్రజలు తిరిగే హైటెక్ సిటీలో.. ఈ కొత్త ల్యాండ్ మార్క్ ఈ ప్రాంత రూపురేఖలను మరింతగా మార్చేస్తుందని పలువురు అభిప్రాయపడుతున్నారు.
Also Read: జియో బిగ్ ఆఫర్.. రూ.2000తో ఏడాదంతా 15 ఓటీటీలు ఫ్రీ.. 1000 పైగా ఛానెళ్లు !
అయితే హైదరాబాద్ నగరంలో ఇప్పటికే చాలా మాల్స్ ఉన్నాయి. వీకెండ్స్ వస్తే పెద్ద ఎత్తున ప్రజలు అక్కడికి వెళ్తూ వినోదాన్ని ఆస్వాదిస్తున్నారు. కాగా, నగరంలోని శరత్ సిటీ క్యాపిటల్ మాల్ (AMB Mall) ఆసియాలోనే అతిపెద్ద మాల్స్లో ఒకటిగా నిలిచింది. అలాగే నెక్సస్ మాల్, ఇనార్బిట్ మాల్, జీవీకే వన్, సిటీ సెంటర్ వంటి మాల్స్ హైదరాబాద్ లో సెంటర్ ఆఫ్ అట్రాక్షన్స్ గా నిలుస్తున్నాయి. త్వరలో హైటెక్ సిటీలోని మాల్ కూడా అందుబాటులోకి వస్తే.. నగరవాసులకు వీకెండ్స్ కోసం మరో డెస్టినేషన్ స్పాట్ దొరికినట్లేనని చెప్పవచ్చు.
Also Read: రూ.25 వేలలో బెస్ట్ ఫోన్ కావాలా? చౌకగా వన్ ప్లస్, ఐకూ, శాంసంగ్ మెుబైల్స్.. అమెజాన్లో బంపరాఫర్లు!
Share
హిందీలో స్ట్రీమింగ్ కి సిద్ధమవుతున్న మా ఇంటి బంగారం.. ఎప్పుడంటే?
ఎంజీ హెక్టర్ హాక్ వచ్చేస్తోంది.. PHEV, ఎలక్ట్రిక్ వెర్షన్లతో అదిరిపోయే ఎంట్రీ!
