Medaram Sammakka Sarakka: తెలంగాణ రాష్ట్రానికి మాత్రమే కాకుండా, ఆసియాలోనే అతిపెద్ద గిరిజన ఆధ్యాత్మిక వేడుకగా గుర్తింపు పొందిన.. మేడారం సమ్మక్క-సారలమ్మ జాతర తేదీలను అధికారికంగా ప్రకటించారు. ములుగు జిల్లాలోని మేడారంలో జరిగే ఈ మహా జాతర.. 2026వ సంవత్సరానికి సంబంధించి.. జనవరి 28వ తేదీ నుండి 31వ తేదీ వరకు జరగనున్నట్లు జాతర పూజారులు, దేవాదాయ శాఖ అధికారులు ప్రకటించారు.
2026 జాతర ప్రధాన తేదీలు:
జనవరి 28 – సారలమ్మ, గోవిందరాజు, పగిడిద్దరాజు గద్దెలకు ఆహ్వానం
ఈ రోజు మేడారం గద్దెల వద్ద పూజారులు.. ప్రత్యేక పూజలు నిర్వహించి దేవతలను ఆహ్వానిస్తారు. గిరిజన సంప్రదాయ ప్రకారం సమ్మక్క సారలమ్మ గద్దెలపై ప్రతిష్ఠితమవుతారు.
జనవరి 29 – సమ్మక్క తల్లి చిలకలగుట్ట నుంచి గద్దెలకు చేరిక
ఈ రోజే సమ్మక్క తల్లి మేడారం చిలకలగుట్ట నుంచి.. గద్దెల వద్దకు వచ్చి భక్తులకు దర్శనమిస్తారు. ఇది జాతరలో అత్యంత పవిత్రమైన రోజు కాగా, లక్షలాది మంది భక్తులు ఈ తరుణానికి ప్రత్యేకంగా తిలకించేందుకు విచ్చేస్తారు.
జనవరి 30 – మొక్కుల తీర్చే రోజు
ఈ రోజున భక్తులు తమ మొక్కులు చెల్లించుకుంటారు. తలనీలాలు సమర్పించడం, జాగరం పాటలతో అమ్మవార్లకు పూజలు చేయడం, బలులు అర్పించడం వంటి విధానాలతో మొక్కులు తీర్చుకుంటారు.
జనవరి 31 – అమ్మవార్ల వనప్రవేశం
సాయంత్రం 6 గంటలకు సమ్మక్క-సారలమ్మ వనప్రవేశం జరుగుతుంది. అంటే, అమ్మవారు మళ్లీ అడవిలోకి వెళ్ళిపోయే ఘట్టం. ఇది ఆధ్యాత్మికంగా ఎంతో భావోద్వేగంగా ఉండే సంధర్భం.
భక్తుల ఉత్సాహానికి కేంద్ర బిందువు
సుమారు కోటిన్నర మందికి పైగా భక్తులు.. ప్రతి రెండేళ్లకు ఒకసారి జరిగే ఈ జాతరకు హాజరవుతుంటారు. గిరిజన సంప్రదాయాలు, నమ్మకాలు, పూర్వీకుల గౌరవానికి ప్రతీకగా ఈ జాతర నిలుస్తోంది. తెలంగాణ రాష్ట్ర ప్రభుత్వం కూడా ఈ మహా ఉత్సవాన్ని రాష్ట్ర అధికారిక జాతరగా గుర్తించి.. భారీ స్థాయిలో ఏర్పాట్లు చేస్తోంది.
ప్రత్యేక ఆకర్షణలు
గిరిజన సంస్కృతి ప్రతిబింబించే సంప్రదాయ వేషధారణలు
జానపద గీతాలు, నృత్యాలు
గిరిజన వంటకాలు, శిల్పకళల ప్రదర్శనలు
ప్రత్యేక బస్సులు, మెడికల్ క్యాంపులు
Also Read: లూలూ మాల్లో భారీ డిస్కౌంట్.. కళ్ళు చెదిరే ఆఫర్లు.. ఎన్ని రోజులో తెలుసా..
2026లో జరగనున్న మేడారం జాతర.. భక్తుల కోసం ఆధ్యాత్మిక శక్తితో నిండి ఉండే మహోత్సవంగా మారనుంది. జనవరి 28 నుండి 31 వరకు జరిగే ఈ పుణ్య ఘట్టానికి ప్రపంచ వ్యాప్తంగా భక్తులు విచ్చేసే అవకాశం ఉంది. సమ్మక్క-సారలమ్మల ఆరాధనతో తెలంగాణ సంస్కృతి మరోసారి ప్రపంచానికి పరిచయమవనుంది.
Share
Sravanthi Chokarapu : పద్ధతికి పైటేసినట్లు.. అబ్బా ఎంత చక్కగా ఉందో స్రవంతి చొక్కారపు!
Gopichand: 'శూల'తో వస్తున్న గోపీచంద్... ఈ సారైనా దింపుతాడా?
