Amelia Baptista Antonio: ఈ అందాల రాణి చరిత్ర పెద్దదే. ఈమె గురించి తెలియని రహస్యాలు ఎన్నో ఉన్నాయి. అసలు ఈమె ప్రస్థానం వేరు, చివరికి మరో ప్రస్థానం అంటే అందాల పోటీల వైపు మళ్లింది ఈ అందాల రాణి. ఇంతకు ఈమె ఎవరు? ఈమె చరిత్ర ఏమిటో తెలుసుకుందాం.
అందాల రాణి అమేలియా బాప్టిస్టా ఆంటోనియో పయనం అడుగడుగునా సవాళ్లతో సాగింది. బ్రెజిల్ నుండి పోర్చుగల్ వరకూ ఒక కలల పయనంను సాగించిన ఈమె ఇప్పుడు హైదరాబాద్ లో జరుగుతున్న మిస్ వరల్డ్ 2025 పోటీలకు హాజరయ్యారు. ఇక్కడికి ఎందరో అందాల తారలు వచ్చినా, అందరి చూపు మాత్రం ఈమె వైపే ఉంది. ఇంతకు ఈమెకు అంత పాపులారిటీ ఎలా వచ్చిందంటే..
మిస్ వరల్డ్ పోర్చుగల్ 2024 టైటిల్‌ను గెలుచుకున్న అమేలియా బాప్టిస్టా ఆంటోనియో ఒక అరుదైన ప్రయాణాన్ని తన జీవితంలో రచించారు. బ్రెజిల్‌లో జన్మించి, పోర్చుగల్‌ను తన రెండవ స్వదేశంగా మార్చుకున్న ఈ సుందరి ఇప్పుడు ప్రపంచ అందాల పోటీలో పోర్చుగల్ తరఫున భారతదేశంలో ప్రాతినిధ్యం వహిస్తున్నారు.
బాల్యం, విద్యా జీవితం..
అమేలియా 1998 మార్చి 16న బ్రెజిల్‌లోని మినాస్ గెరైస్ రాష్ట్రంలోని పోసోస్ డి కాల్డాస్ పట్టణంలో జన్మించారు. చిన్ననాటి నుంచే ఆమె అందం, చురుకుదనంతో గుర్తింపు పొందారు. చదువుపై నిబద్ధతతో న్యాయశాస్త్రంలో పట్టభద్రులుగా డిగ్రీ సంపాదించారు. విద్యతో పాటు, ఆమె వ్యక్తిత్వ వికాసానికి, సమాజ సేవకు ప్రాధాన్యం ఇచ్చారు.
పోర్చుగల్‌లో కొత్త జీవితం
తరువాత ఆమె పోర్చుగల్‌కు వలస వెళ్ళి, పోర్టో నగరంలో స్థిరపడ్డారు. అక్కడ ఆమె రియల్ ఎస్టేట్ రంగంలో తనదైన ముద్ర వేసే వ్యాపారవేత్తగా ఎదిగారు. అందచందాల రంగంలో ఆమె చేసిన మొదటి అడుగు మిస్ మినాస్ గెరైస్ టూరిజం 2015 పోటీలో పాల్గొనడం ద్వారా ప్రారంభమైంది. 2018లో మిస్ పోసోస్ డి కాల్డాస్ యూనివర్సోగా ఎంపికయ్యారు.
సామాజిక సేవా కార్యక్రమాలు
అమేలియా విశ్వ సుందరి పోటీలో బ్యూటీ విత్ ఏ పర్పస్ విభాగంలో ఎంతో ఉత్సాహంగా పాల్గొంటున్నారు. Transcends అనే పేరుతో ఆమె నడుపుతున్న సామాజిక ప్రచారం ద్వారా శరణార్థుల శిబిరాల్లో మహిళలకు ఆరోగ్య కిట్లు, అవసరమైన ఔషధాలు పంపిణీ చేస్తున్నారు. బ్రెస్ట్ క్యాన్సర్ పై యువతుల్లో అవగాహన పెంచడం ఆమె ముఖ్య లక్ష్యాలలో ఒకటి.
భారతదేశంలో అద్భుత ఆతిథ్యం
ప్రపంచ సుందరి 2025 పోటీ తెలంగాణ రాష్ట్రంలో జరుగుతుండటంతో, ఇటీవల హైదరాబాద్ చేరుకున్న అమేలియాకు సంప్రదాయ శైలిలో ఆతిథ్యం ఇవ్వబడింది. ఆమె తెలంగాణ సంస్కృతి, సంప్రదాయాలను ప్రశంసిస్తూ సోషల్ మీడియాలో ప్రత్యేక పోస్ట్ పెట్టారు. తెలంగాణ రాష్ట్రం ఓ అద్భుతమని, ఇక్కడి పర్యాటక ప్రదేశాలు ఎంతో చూడదగినవి అంటూ ఆమె ట్వీట్ చేశారు.
లాయర్ నుండి అందాల రాణిగా..
లాయర్ గా ప్రస్థానం మొదలుపెట్టి, వ్యాపారవేత్తగా సక్సెస్ సాధించిన అమేలియా అనూహ్య రీతిలో అందాల పోటీలలో పాల్గొన్నారు. మిస్ పోసోస్ డి కాల్డాస్ యూనివర్సోగా గుర్తింపు పొంది, నేడు ప్రపంచ అందాల పోటీలలో పాల్గొంటున్నారు. మిగిలిన అందాల తారలకు ఈమె గట్టిపోటీనిస్తుందని ప్రచారం సాగుతోంది. మొత్తం మీద అమేలియా కోరిక నెరవేరుతుందా లేదా అన్నది పోటీల అనంతరం తెలిసే అవకాశం ఉంది.
Share
HBD Vani Vishwanath: వాణి విశ్వనాథ్‌తో పెళ్లి అనుకున్న ఎన్టీఆర్.. మరి ఎందుకు ఆగిపోయిందో తెలుసా..?
India Pakistan War: యుద్ధం తీరు మారిందా.. ఇండియా పాక్ యుద్ధంలో బయటపడ్డ షాకింగ్ నిజాలు
