My Home Bhooja: స్వేచ్ఛ బ్యూరో: మై హోం భుజా.. ఈ పేరు వినగానే గణేష్ లడ్డూ వేలం గుర్తుకొస్తుంది. ఇక్కడ ఉండేవారు లక్షల రూపాయలకు లడ్డూను వేలంలో కొని ఆ డబ్బును సామాజిక సేవలకు వినియోగిస్తుంటారు. సరిగ్గా దీనినే అవకాశంగా చేసుకున్నారు కొండపల్లి గణేష్, కిరణ్ అనే ఇద్దరు వ్యక్తులు. మై హోం భుజాలో ఉంటున్నావారితో పరిచయాలు పెంచుకోవడానికి వినాయక చవితిని అవకాశంగా మార్చుకున్నారు.
ఆరు శాతం లాభాలు ఇస్తామంటూ ఆఫర్..
వినాయకుడి పూజల తర్వాత వేలం వేసిన లడ్డూను 51 లక్షలకు సొంతం చేసుకున్నారు. అపార్ట్ మెంట్ కమ్యూనిటీలో ప్రత్యేక గుర్తింపు తెచ్చుకున్నారు. లడ్డూ కోసం యాబై లక్షలు పెట్టిన వీళ్లను సంపన్నులని భావించారు అందరూ. ఆ తర్వాత ఇద్దరు తమ అసలు ప్లాన్ ను అమలు చేశారు. తాము చేస్తున్న రియల్ ఎస్టేట్.. ఇతర వ్యాపారాల్లో పెట్టుబడి పెడితే నెలకు ఆరు శాతం లాభాలు ఇస్తామంటూ ఆఫర్ పెట్టారు. వీరి మాటలు నమ్మిన మై హోం భుజాలో ఉంటున్న దంపతులు 31 లక్షలు ఇచ్చారు. డబ్బులు తీసుకున్న తరువాత మొఖం చాటేసిన గణేష్ కిరణ్ లు ఎప్పుడు డబ్బు గురించి అడిగినా దాటవేస్తూ వచ్చారు.
Also Read: సీపీ సజ్జనార్పై ఫిర్యాదు.. ట్రైనీ ఐపీఎస్ కేసులో ఊహించని మలుపు!
నాలుగు కోట్లతో ఉడాయించారు..
అదే సమయంలో మరికొందరి నుంచి కూడా పెద్ద మొత్తాల్లో డబ్బులు వసూలు చేసి అపార్ట్ మెంట్ ఖాళీ చేసి ఉడాయించారు. బాధితులు చెబుతున్న దానినిబట్టి ఇద్దరు కలిసి దాదాపు నాలుగు కోట్లు వసూల్ చేసినట్టుగా తెలుస్తోంది. పలువురు రిటైర్డ్ ఉద్యోగుల జీవితకాల పొదుపులకూ ఈ ఇద్దరు ఎసరు పెట్టారని తెలిసింది. మోసం చేసిన గణేష్ కిరణ్ ఆచూకీ తెలియకపోవడం.. వారి ఫోన్లు స్విచ్ఛాఫ్ వస్తుండడంతో బాధితులు పోలీసులకు ఫిర్యాదు చేశారు.
Share
సాలరీ రూ.46,000.. ఎస్బిఐ జూనియర్ అసోసియేట్ జాబ్స్.. త్వరగా అప్లై చేసేయండి
Podarillu Today Episode : గుండెలు పగిలేలా ఏడ్చిన కన్నా.. సెంటిమెంట్ సీన్ హైలెట్.. నారాయణ మాటకు షాక్..
