Pawan Kalyan Official Instagram Account(Tollywood Celebrity News) : చాలామంది నటీనటులు ఎంతమంది ఫ్యాన్స్‌ను సంపాదించుకున్నా వారితో రెగ్యులర్‌గా టచ్‌లో ఉండడం కోసం సోషల్ మీడియాను ఆశ్రయించడానికి ఇష్టపడరు. ఇప్పటికే ప్రతీ సినీ పరిశ్రమలో క్రేజ్ ఉన్నా కూడా సోషల్ మీడియాలో మెయింటేయిన్ చేయని హీరోలు కొందరు ఉంటారు. అందులో పవన్ కళ్యాణ్ కూడా ఒకరు. కానీ తాజాగా పవన్.. ఇన్‌స్ట్రాగ్రామ్‌లోకి గ్రాండ్‌గా ఎంట్రీ ఇచ్చారు. దీంతో ఫ్యాన్స్ అంతా చకచకా ఫాలో బటన్ కొట్టేస్తున్నారు.
వపన్ కళ్యాణ్.. సినిమాల్లో ఎంత ఎనర్జీతో కనిపిస్తారో.. రాజకీయాల్లో కూడా అంతే యాక్టివ్‌గా ఉంటారు. పవర్ స్టార్‌కు సంబంధించిన సినీ, రాజకీయ విషయాల గురించి ఆయన టీమ్ ఎప్పటికప్పుడు అప్డేట్ చేస్తూ ఉన్నా కూడా తన పేరు మీద కొన్నిరోజుల క్రితం వరకు ఎలాంటి సోషల్ మీడియా అకౌంట్స్ లేవు. కొన్నాళ్ల క్రితమే ట్విటర్‌లోకి అడుగుపెట్టారు పవన్ కళ్యాణ్. అప్పటివరకు తన భావాలను, ఫ్యాన్స్‌తో పంచుకోవాలి అనుకుంటున్న విషయాలను ఎక్కువగా ఫేస్‌బుక్‌లోనే పంచుకునేవారు. ఇప్పుడు ఇన్‌స్టాగ్రామ్ అకౌంట్ కూడా ఓపెన్ చేసి అందరినీ ఆశ్చర్యపరిచారు.
తమ అభిమాన హీరో పవన్ కళ్యాణ్ ఇన్‌స్టాగ్రామ్‌లోకి అడుగుపెట్టారని తెలిసిన ఫ్యాన్స్ అంతా తనకు గ్రాండ్‌గా వెల్‌కమ్ పలికారు. అకౌంట్ క్రియేట్ చేసిన నిమిషంలోనే 1 వేయి ఫాలోవర్స్‌ను సంపాదించుకున్నాడు పవన్. ఆ తర్వాత సెకను సెకనుకు తన ఫాలోవర్స్ కౌంట్ పెరుగుతూనే ఉంది. ఇక ఈ స్పీడ్‌తో కొనసాగితే.. ఒక్కరోజులోనే మిలియన్ ఫాలోవర్స్‌ను దక్కించుకునే అవకాశం ఉందని నెటిజన్లు భావిస్తున్నారు.
ప్రస్తుతం సినిమాలకంటే ఎక్కువగా రాజకీయాల్లో బిజీగా ఉన్న పవన్.. తన ఇన్‌స్టాగ్రామ్‌ను ఎక్కువగా రాజకీయ విషయాలు పంచుకోవడానికే ఉపయోగిస్తాడని అందరూ అనుకుంటున్నారు. అంతే కాకుండా తన ఇన్‌స్టాగ్రామ్ బయో కూడా రాజకీయానికి సంబంధించిందే పెట్టాడు. ‘ఎలుగెత్తు, ఎదురించు, ఎన్నుకో’ అనే బయోతో పవన్ కళ్యాణ్ అధికారిక ఇన్‌స్టాగ్రామ్ అకౌంట్.. ఫ్యాన్స్‌ను పలకరించనుంది. ట్విటర్‌లో ఉన్న ప్రొఫైల్ పిక్చర్‌తోనే ఇన్‌స్టాగ్రామ్‌ను కూడా ఓపెన్ చేశాడు పవన్.
Share
Deep Sea Mining : సముద్ర గర్భంలో మైనింగ్.. వాటికోసమే..
BJP: బండి పాయే.. రెడ్డి వచ్చే.. బీజేపీ వ్యూహం ఇదేనా?
