తెలంగాణ యంగ్ క్రికెటర్లకు భారీ గుడ్ న్యూస్..?

Under 16 Cricket: స్వేచ్చ బ్యూరో: తెలంగాణ క్రికెట్ అసోసియేషన్ (టీసీఏ) ఆధ్వర్యంలో ఈనెల 11వ తేదీ నుంచి అండర్-16 రాష్ట్ర స్థాయి క్రికెట్ లీగ్ ఫేజ్-1 పోటీలు ప్రారంభం కానున్నట్టు టీసీఏ ప్రధాన కార్యదర్శి ధారం గురువా రెడ్డి తెలిపారు. రంగారెడ్డి జిల్లా ఎన్కేపల్లి వన్ ఛాంపియన్ గ్రౌండ్స్‌ లో పరిమిత ఓవర్ల విధానంలో ఈ పోటీలు నిర్వహించనున్నారు.

ధారం గురువా రెడ్డి..

రాష్ట్రంలోని 32 జిల్లాల్లో ఉన్న ప్రతిభావంతులైన యువ క్రికెటర్లను గుర్తించి, వారికి తగిన అవకాశాలు కల్పించడమే టీసీఏ ప్రధాన లక్ష్యమని ధారం గురువా రెడ్డి పేర్కొన్నారు. ఫేజ్-1 పోటీల్లో మొత్తం 16 జిల్లాల జట్లు పాల్గొననున్నాయన్నారు. వీటిని గ్రూప్-ఏ, గ్రూప్-బి, గ్రూప్-సి, గ్రూప్-డి అనే నాలుగు గ్రూపులుగా విభజించినట్టు తెలిపారు. తొలి దశ పోటీలను రెండు విడతలుగా నిర్వహించనున్నట్టు చెప్పారు.

మూడు విడతలు..

మొదటి విడత నవంబర్ 11 నుంచి 13 వరకు గ్రూప్-ఏ, గ్రూప్-బి జట్ల మధ్య పోటీలు ఉంటాయన్నారు. రెండవ విడత నవంబర్ 17 నుంచి 19 వరకు గ్రూప్-సి, గ్రూప్-డి జట్ల మధ్య పోటీలు జరుగుతాయన్నారు. ఈ రెండు విడతల్లో ప్రతిరోజూ మ్యాచ్‌ లు నిర్వహించనున్నట్టు తెలిపారు. టోర్నమెంట్ రెండవ దశ (ఫేజ్-2) పోటీలు డిసెంబర్ మొదటి వారంలో ప్రారంభం కానున్నాయని వెల్లడించారు.

Also Read: పరిషత్ ఎన్నికల్లో వైసీపీకి ఊహించని షాక్.. ఇద్దరు మాజీ ఎంపీల ఓటమి, ఎక్కడెక్కడ?