Thammidikunta Lake: రంగారెడ్డి జిల్లా శేరిలింగంప‌ల్లి మండ‌లం మాధాపూర్‌లోని శిల్పారామం ఎదురుగా కబ్జాల కోరల్లో చిక్కుకుని బక్క చిక్కిన తమ్మిడికుంట చెరువుకు హైడ్రా ప్రాణం పోసింది. రూ.20 కోట్ల వ్యయంతో హైడ్రా ఎంతో ముందు చూపుతో పున‌రుద్ధ‌రించిన ఈ చెరువును ముఖ్య‌మంత్రి రేవంత్ రెడ్డి బుధవారం సాయంత్రం తన చేదుల మీదుగా ప్రారంభించి, ప్రజలకు అంకితమిచ్చేందుకు హైడ్రా ఏర్పాట్లు చేసింది. హైడ్రా మొద‌టి విడ‌త చేప‌ట్టిన 6 చెరువుల్లో తమ్మిడికుంట ఒకటి.
పాత‌బ‌స్తీలోని బమ్ రుకున్ ఉద్ దౌలా చెరువు, అంబ‌ర్‌పేట‌లోని బ‌తుక‌మ్మ‌కుంట, కూక‌ట్‌ప‌ల్లి న‌ల్ల చెరువును ఇప్ప‌టికే ముఖ్య‌మంత్రి ప్రారంభించిన సంగతి తెల్సిందే. తాజాగా హైడ్రా ఎంతో అందంగా, ఆకర్షనీయంగా, ఆహ్లాదకరంగా తీర్చిదిద్దిన త‌మ్మిడికుంటను ముఖ్య‌మంత్రి బుధవారం ప్రజలకు అందుబాటులోకి తీసుకువస్తున్నందున, పరిసర ప్రాంతాలు హర్షం వ్యక్తం చేస్తున్నారు. హైడ్రా పునరుద్దరించిన మరో రెండు చెరువులు మాధాపూర్‌లోని సున్నం చెరువుతో పాటు ఉప్ప‌ల్‌లోని న‌ల్ల చెరువును కూడా సీఎం ప్రారంభించనున్నారు.
Also Read: ఏసీబీకి రెడ్ హ్యండెడ్‌గా చిక్కిన మున్సిపల్ కమిషనర్!
ఆక్రమణల చెర నుంచి బయటపడి ఓ చెరువు మళ్లీ తన పూర్వ వైభవాన్ని సంతరించుకోవడంతో పాటు వర్షం కురిసినపుడు ఈ చెరువు చుట్టున్న పలు ప్రాంతాలు వరద ముంపునకు గురవుతున్న విషయాన్ని గుర్తించిన హైడ్రా వరద నీరు ఈ చెరువులోకి వెళ్లేలా ఇన్ లెట్లను ఏర్పాటు చేయటంతో పలు ప్రాంతాలకు వరద ముప్పు తప్పింది. దాదాపు 30 ఎక‌రాలున్న ఈ చెరువు ఆక్ర‌మ‌ణ‌ల‌కు గురై కేవ‌లం 14 ఎకరాలకు ప‌రిమిత‌మైనట్లు హైడ్రా గుర్తించింది. ఎన్ క‌న్వెన్ష‌న్‌తో పాటు చెరువు చుట్టూ ఆక్రమణలు తొల‌గించ‌డంతో 16 ఎక‌రాల విస్తీర్ణం పెరిగింది. ఇలా ఈ చెరువును హైడ్రా రెండింతలు అంటే ఏకంగా 30 ఎకరాలకు విస్త‌రించింది.
15 అడుగుల లోతున వందల వేల లారీల పూడికను హైడ్రా తొలగించింది. ఎల్ నినో ప్రభావం ఉన్నా, ఇటీవల కురిసిన ఒకటి రెండు వర్షాలకు చేరిన నీరు పెద్దమొత్తంలో భూమి లోకి ఇంకిపోయి భూగర్భ జలాలను పెంచిది. భూమి ధర గ‌జానికి రూ. ల‌క్ష నుంచి రూ. 2 ల‌క్ష‌లు ప‌లుకుతున్న పైర్ లోకేషన్ అయిన మాదాపూర్ ప్రాంతంలో 15 ఎక‌రాలు అంటే సుమారు రూ.12 వందల కోట్ల రూపాయల‌కు పైగా విలువైన ఆస్తిని హైడ్రా కాపాడి, ప్రజల ఖాతాలోకి చేర్చింది. అంతేగాక, మున్ముందు ఎలాంటి ఆక్రమణలు, కబ్జాలు రాకుండా పటిష్టపు చర్యలను కూడా చేపట్టింది. చెరువులను కాపాడటం హైడ్రా విధి అయితే, హైడ్రా చర్యలకు సమాంతరంగా పర్యావరణ పరిరక్షణ కూడా జరగటం పట్ల స్థానికులు ఆనందాన్ని వ్యక్తం చేస్తున్నారు.
Also read: ఇజ్రాయెల్‌లో రసవత్తర సమరం.. ప్రధానిగా నెతన్యాహు పనైపోయినట్లేనా..?
Share
ప్రీతి జింటా మీరు హాయిగా పడుకోండి..శ్రేయస్ వల్ల కానీ, తొలి టైటిల్ హార్దిక్ పాండ్యా తెచ్చి చూపిస్తాడు
కోట్లు విలువైన కొత్త ఇంట్లోకి అడుగుపెట్టిన శ్రీముఖి!
