Uday Krishna Reddy: తోటి మహిళా ట్రెయినీపై లైంగిక దాడికి పాల్పడ్డాడన్నా ఆరోపణలపై అరెస్ట్ అయిన ట్రెయినీ ఐపీఎస్ అధికారి ఉదయ్ కృష్ణారెడ్డికి ఉప్పరపల్లి కోర్టు బెయిల్ మంజూరు చేసింది. 67 రోజులపాటు ఉదయ్ కృష్ణారెడ్డి జైల్లో ఉన్నాడు. న్యాయస్థానం మంగళవారం అతనికి 25 వేల చొప్పున రెండు పూచీకత్తులతో బెయిల్ మంజూరు చేసింది. ప్రతి ఆదివారం పోలీసుల ఎదుట హాజరుకావాలని కోర్టు ఆదేశించింది.
సర్దార్ వల్లబ్ భాయ్ పటేల్ జాతీయ పోలీసు అకాడమీలో వేధింపులకు పాల్పడ్డాడని మహిళా ట్రైనీ ఐపీఎస్ అధికారి ఫిర్యాదు మేరకు పోలీసులు కేసు నమోదు చేశారు. ఈ ఫిర్యాదు ఆధారంగా జులై 18వ తేదీన అత్తాపూర్ పోలీసులు కేసు నమోదు చేశారు. అనంతరం ఉదయ్ కృష్ణారెడ్డిని అరెస్ట్ చేసి ఉప్పరపల్లి కోర్టులో హాజరుపరిచారు. ఈ కేసు విచారణ తర్వాత న్యాయస్థానం అతనికి జ్యుడీషియల్ రిమాండ్ విధించింది. అప్పటినుంచి ఉదయ్ కృష్ణారెడ్డి చర్లపల్లి జైల్లోనే రిమాండ్ ఖైదీగా ఉంటున్నాడు.
Also read: ద్వారకా తిరుమలలో మహిళా ఉద్యోగిపై.. సీఎం చంద్రబాబు ప్రశంసల జల్లు!
Share
ప్రభాస్తో శ్రీవిష్ణు ఫొటో.. అసలు మ్యాటర్ ఏంటంటే!
ఢిల్లీలో హైటెన్షన్.. రాహుల్ గాంధీ అరెస్ట్!
