Indian Rupee Value: ఈ దేశాల్లో మన కరెన్సీ చాలా ఖరీదు, ఒక్క రూపాయి విలువ అక్కడ ఎంత అంటే?

ప్రపంచ వ్యాప్తంగా ఉన్న ప్రతి దేశానికి సొంత కరెన్సీ ఉంటుంది. ఈ కరెన్సీ విలువ ఆయా దేశాల్లోని కరెన్సీ వ్యాల్యూతో పోల్చితే ఎక్కవ, లేదంటే తక్కువగా ఉంటుంది. ప్రస్తుతం ప్రపంచంలో అత్యంత విలువైన కరెన్సీగా కువైట్ దినార్ కొనసాగుతోంది. ఒక కువైట్ దినార్ విలువ భారత కరెన్సీలో సుమారు రూ. 282. అమెరికా డాలర్, చైనా యువాన్ విలువ కూడా భిన్నంగా ఉంటుంది. అయితే, భారత కరెన్సీ వ్యాల్యూ ఎక్కువగా ఉన్న దేశాలు చాలా ఉన్నాయి. ఇంతకీ అవేంటి? అక్కడ మన రూపీ వ్యాల్యూ ఎంత ఉంటుంది? అనే విషయాలను ఇప్పుడు తెలుసుకునే ప్రయత్నం చేద్దాం..

మన కరెన్సీ విలువ ఎక్కువగా ఉన్న దేశాలు

⦿ సియెర్రా లియోన్

ఈ పశ్చిమ ఆఫ్రికా దేశం ప్రస్తుతం ఆర్థిక ఇబ్బందుల్లో కొనసాగుతోంది. మన రూపాయి విలువ ఈ దేశంలో సుమారు 238 లియోన్లుగా ఉంటుంది.

⦿ ఇండోనేషియా

ఇండోనేషియా కరెన్సీని రుపియా అని పిలుస్తారు. ఇండియన్ రూపీతో పోల్చితే అక్కడి కరెన్సీ విలువ 193 రుపియాగా ఉంటుంది. ఇక ఇండోనేషియాలో ఎన్నో పర్యాటక ప్రాంతాలు ఉంటాయి. ప్రపంచంలోనే అతిపెద్ద హిందూ దేవాలయాలు ఈ దేశంలో ఉంటాయి. భారతీయులు ఎంతో ఇష్టపడే దేశాల్లో ఇండోనేషియా ఒకటి.

⦿ వియత్నాం

వియత్నాం కరెన్సీని డాంగ్ అని పిలుస్తారు. ఒక్క ఇండియన్ రుపీ విలువ అక్కడ సుమారు 303 డాంగ్‌ తో సమానం. ప్రపంచంలో ఇండియన్ రుపీకి ఎక్కువ విలువ ఉన్న దేశం ఇదే కావడం విశేషం.

⦿ లావోస్

ఇక లావోస్ కరెన్సీని కిప్ అని పిలుస్తారు. ఇక్కడ భారతీయ రూపాయి విలువ సుమారు రూ. 265గా ఉంటుంది. భారత రూపాయి విలువ ఎక్కువగా ఉన్న రెండో దేశం లావోస్.

⦿ పరాగ్వే

పరాగ్వే కరెన్సీని గురానీ అని పిలుస్తారు. ఇక్కడ భారత రూపాయి విలువ సుమారు 90 గురానీకి సమానంగా ఉంటుంది.

⦿ కంబోడియా

కంబోడియా కరెన్సీని రియాల్ అని పిలుస్తారు. ఇక్కడ భారతీయ రూపాయి విలువ సుమారు 49 రియాల్ కి సమానం.

⦿ శ్రీలంక

ఇక మన పొరుగు దేశం శ్రీలంకతో పోల్చితే మన రూపాయి విలువ ఎక్కువ. శ్రీలంకలోనూ కరెన్సీని రూపాయిగానే పిలుస్తారు. అక్కడ ఇండియన్ రూపీ విలువ సుమారు 3 రూపాయలుగా ఉంటుంది.

⦿ జపాన్

ఇక అభివృద్ధి చెందిన దేశం జపాన్ కరెన్సీ విలువ భారత రూపాయి కంటే తక్కువ. జపాన్ కరెన్సీని యెన్ గా పిలుస్తారు. 1 భారత రూపాయి విలువ 1.69 జపనీస్ యెన్‌ కి సమానం.

సో, ఇండియన్స్ ఈ దేశాల్లో తక్కువ ఖర్చుతో హ్యాపీగా జాలీగా ఎంజాయ్ చేసే అవకాశం ఉంటుంది. ఇకపై మీరు విదేశీ టూర్లు ప్లాన్ చేస్తే, ఈ దేశాలను పరిగణలోకి తీసుకోవడం మంచిది.