Strange Rules: మురికి కార్లు రోడ్డు మీదికి వస్తే ఫైన్, ఇదెక్కడి వింత రూల్ అండీ బాబూ!

Dubai Rules: దుబాయ్ మోడ్రన్ కంట్రీగా ఎదుగుతున్నా, నిబంధనల విషయంలో చాలా కఠినంగా ఉంటుంది. దుబాయ్ లో ప్రస్తుతం అమల్లో ఉన్న కీలక నిబంధనల గురించి ఇప్పుడు తెలుసుకునే ప్రయత్నం చేద్దాం. ఒకవేళ మీరు దుబాయ్ కి వెళ్తే ఈ పనులు అస్సలు చేయకూడదు. కాదంటే, కటకటాల్లోకి వెళ్లకతప్పదు.

దుబాయ్ లో చేయకూడని పనులు

⦿ పబ్లిక్ గా ప్రేమాయణం వద్దు: బహిరంగంగా ప్రేమించుకోవడం దుబాయ్ లో నేరం. చేతులు పట్టుకోవడం, బహిరంగంగా ముద్దులు పెట్టుకోవడం, హగ్గులు చేసుకోవడం చట్టవిరుద్ధం. ఇలా చేస్తూ పట్టుబడితే జరిమానా విధించడంతో పాటు జైలు శిక్ష పడే అవకాశం ఉంటుంది.

⦿ అబద్ధం చెప్పొద్దు, తిట్లు తీడకూడదు: బహిరంగంగా లేదంటే ఆన్‌ లైన్‌ లో అసభ్యమైన భాష, భయపెట్టే వ్యాఖ్యలు చేయడం సీరియస్ గా వ్యవహరిస్తారు. ఇలాంటి పనులు చేస్తే జరిమానా లేదంటే జైలు శిక్ష విధించే అవకాశం ఉంటుంది. కొన్నిసార్లు దేశ బహిష్కరణ కూడా విధించే అవకాశం ఉంటుంది.

⦿ రంజాన్‌ మాసంలో బహిరంగంగా తినకూడదు: ఉపవాస సమయంలో బహిరంగంగా తినడం, తాగడం, ధూమపానం చేయడం నిషిద్ధం. నిబంధలను ఉల్లంఘిస్తే కఠిన చర్యలు తప్పవు.

⦿ కార్లు పరిశుభ్రంగా ఉండాలి: మురికిగా ఉన్న కార్లను రోడ్డు మీదికి తీసుకురాకూడదు. దుమ్ముతో నిండిపోయిన కారు రోడ్డు మీదకి వస్త జరిమానాలు పడే అవకాశం ఉంటుంది. అపరిశుభ్రమైన కార్లు నగర పరిశుభ్రతను ప్రభావితం చేస్తాయి కాబట్టి, ఈ నిర్ణయం తీసుకున్నారు.

⦿ మత్తుపదార్థాలు తీసుకోకూడదు: దుబాయ్ లో మత్తుపదార్థాలను కలిగి ఉండటం, వాడటం తీవ్ర నేరం. జైలు శిక్ష విధిస్తారు.

⦿ అసభ్యంగా సైగలు చేయడం: దుబాయ్ లో అసభ్యంగా సైగలు చేయడం నేరం. మధ్య వేలు చూపించడం, అవమానకరమైన హావభావాలు నేరంగా పరిగణిస్తారు. కఠిన శిక్షలు విధిస్తారు.

⦿ బహిరంగంగా మద్యం సేవించకూడదు: దుబాయ్ లో బహిరంగ ప్రదేశాల్లో మద్యం సేవించడం నేరం. ఇలా చేస్తే అరెస్ట్ చేయడంతో పాటు జరిమానాలు విధిస్తారు. కొన్నిసార్లు దేశ బహిష్కరణ కూడా విధిస్తారు.

⦿ అనుమతి లేకుండా ఫోటోలు తీయరాదు: ప్రజలను, ముఖ్యంగా మహిళలను, ప్రభుత్వ ప్రాంగణాలను అనుమతి లేకుండా ఫోటోలు తీయడం చట్టవిరుద్ధం. కఠిన శిక్షలు విధించే అవకాశం ఉంటుంది.

⦿ పెళ్లి చేసుకోకుండా కలిసి జీవించడం: పెళ్లి చేసుకోకుండా కలిసి జీవించడం కూడా నిషేధం. గతంలో కఠినంగా వ్యవహరించే వారు. ఇప్పుడు కొంచెం సడలించారు. సాంస్కృతిక, చట్టపరంగా ఇంకా సున్నితమైన విషయంగా పరిగణిస్తారు.

⦿ మతం, సంస్కృతిని అగౌరవ పరచకూడదు: మతం, సంప్రదాయాలు గౌరవించాలి. వీటి గురించి కించపరిచేలా మాట్లాడితే కఠిన చర్యలు తీసుకుంటారు.

Read Also: యుద్ధ సమయంలో సంపన్నులు తలదాచుకొనే దేశాలివే.. ఈ ప్రాంతాలు అంత సేఫా?

Share

• 
• 
• 
• 
• 
•