విదేశాలకు వెళ్లాలంటే వీసా ఉండాలి. ఎక్కువ డబ్బులు ఖర్చుఅవుతాయనే టెన్షన్ అవసరం లేదు. తక్కువ ఖర్చుతో వీసా లేకుండానే వెళ్లే దేశాలు కొన్ని ఉన్నాయి. వాటిలో బెస్ట్ ప్లేసెస్ గురించి ఇప్పుడు తెలుసుకునే ప్రయత్నం చేద్దాం..
బడ్జెట్ ఫ్రెండ్లీ వీసా ఫ్రీ డెస్టినేషన్స్
⦿ ఫిలిప్పీన్స్
అద్భుతమైన బీచ్‌లు, దట్టమైన అడవులు, ఉత్సాహభరితమైన వాతావరణం పర్యాటకులను ఎంతగానో ఆకట్టుకుంటాయి. బడ్జెట్ ఫ్రెండ్లీ వీసా ఫ్రీ వెకేషన్ కు వెళ్లాలి అనుకునే వారికి ఇదో స్వర్గధామంగా చెప్పుకోవచ్చు. భారతీయ పాస్‌పోర్ట్ హోల్డర్లు 14 రోజుల వరకు వీసా లేకుండా ఈ దేశంలోకి వెళ్లే అవకాశం ఉంటుంది. ఇక్కడ వసతి, రవాణా, ఫుడ్ ఖర్చులు చాలా తక్కువగా ఉంటాయి. ముఖ్యంగా సెబు, పలావన్ వంటి దీవులలో పర్యాటన జీవితంలో మర్చిపోలేని అనుభూతిని అందిస్తుంది.
⦿ థాయిలాండ్
ఇండియన్ టూరిస్టులు ఎక్కువగా ఇష్టపడే దేశం థాయిలాండ్. సందడిగా ఉండే నగరాలు, ఉష్ణమండల బీచ్‌లు, సాంస్కృతిక వారసత్వం పర్యాటకులను ఆకట్టుకుంటుంది. భారతీయులు 30 రోజులు వీసా లేకుండా ప్రయాణించవచ్చు. స్ట్రీట్ ఫుడ్, బడ్జెట్ హాస్టళ్లు వెకేషన్ ను సరసమైనవిగా మార్చుతాయి. చియాంగ్ మై, క్రాబీ వంటి గమ్యస్థానాలు ఆహా అనిపిస్తాయి.
⦿ భూటాన్
భూటాన్ లో ప్రశాంతమైన ప్రకృతి దృశ్యాలు పర్యాటకులను అమితంగా ఆకట్టుకుంటాయి. హిమాలయాలలో ప్రశాంతమైన కొండలు, లోయలు కనువిందు చేస్తాయి. చెల్లుబాటు అయ్యే పాస్‌ పోర్ట్ లేదంటే ఓటర్ ID కార్డును ఉపయోగించి భారతీయ పౌరులు వీసా లేకుండా భూటాన్‌లోకి ప్రవేశించవచ్చు. స్థానిక గెస్ట్‌హౌస్‌లు, బస్సులతో బడ్జెట్ ప్రయాణం చేసే అవకాశం ఉంటుంది. వీసా ఫీజులు లేకపోవడం ఖర్చులను మరింతగా తగ్గిస్తుంది.
⦿ నేపాల్
నేపాల్ ట్రెక్కర్లకు, ప్రకృతి ప్రేమికులకు స్వర్గధామం. అద్భుతమైన పర్వత దృశ్యాలు, ఆధ్యాత్మిక వారసత్వ ప్రదేశాలను చూసి ఎంజాయ్ చెయ్యొచ్చు. భారతీయ పౌరులు చెల్లుబాటు అయ్యే IDతో అపరిమిత ప్రవేశాన్ని ఆనందించే అవకాశం ఉంటుంది. నేపాల్ అత్యంత అందుబాటులో ఉన్న అంతర్జాతీయ పర్యటనలలో ఒకటిగా చెప్పుకోవచ్చు. నేపాల్‌లో భోజనం, బస, ప్రయాణం చాలా చౌకగా ఉంటాయి. ముఖ్యంగా పోఖారా, ఖాట్మండు వంటి ప్రదేశాలు ఆకట్టుకుంటాయి.
⦿ శ్రీలంక
తమిళనాడు నుంచి చిన్న విమానంలో శ్రీలంకకు వెళ్లొచ్చు. ఆ దేశంలోని సహజమైన బీచ్‌లు, పురాతన శిథిలాలు, పచ్చని తేయాకు తోటలు ఆకట్టుకుంటాయి. భారతీయ ప్రయాణీకులకు 30 రోజుల వరకు వీసా-రహిత యాక్సెస్ లభిస్తుంది. ఇది బడ్జెట్ ట్రిప్‌ కు అనువైనది. ప్రత్యేకించి ప్రజా రవాణాను ఉపయోగిస్తే మరింత చౌకగా వెకేషన్ ఎంజాయ్ చెయ్యొచ్చు.
Read Also: తిరుగుతూ డబ్బులు సంపాదించే ఉపాయం.. ట్రావెలింగ్‌తో లక్షల్లో ఆదాయం !
⦿ మాల్దీవులు
భారతీయులు ఎక్కువగా వెళ్లే వెకేషన్ డెస్టినేషన్ మాల్దీవులు. అత్యంత సరసమైన ప్రయాణాల్లో ఇది ఒకటి. భారతీయ పాస్‌పోర్ట్ హోల్డర్లు ఉచితంగా 30-రోజుల వీసాను పొందే అవకాశం ఉంటుంది. ఆకస్మిక ప్రయాణాన్ని సులభతరం చేస్తుంది. బడ్జెట్ గెస్ట్‌ హౌస్‌ లు, పబ్లిక్ ఫెర్రీలు అందరినీ ఆకట్టుకుంటాయి.
Read Also: చెర్రీలతో బయల్దేరిన పార్శిల్ రైలు, ఇండియన్ రైల్వేలో సరికొత్త అధ్యాయం !
Share
Hero Simbu: శింబుతో ప్రేమలో పడ్డ టాలీవుడ్ హీరోయిన్..క్లారిటీ ఇచ్చిన పవన్ బ్యూటీ!
Jagan Tweet: చంద్రబాబు గారూ.. ఇది మీకు మాత్రమే సాధ్యం - జగన్ వెటకారం
