Bullet Train Track Change Explained: భారతీయ తొలి బుల్లెట్ రైలు.. 320 కిలోమీటర్ల వేగంతో పరుగులు తీసినా, కుదుపు లేకుండా పట్టాలు మారనుంది. ఇందుకోసం సరికొత్త టెక్నాలజీని ఉపయోగిస్తున్నారు. ముంబైలోని బాంద్రా-కుర్లా కాంప్లెక్స్ (BKC) నుంచి అహ్మదాబాద్లోని సబర్మతి వరకు ఉన్న ఉన్న ముంబై-అహ్మదాబాద్ బుల్లెట్ రైలు కారిడార్ డిసెంబర్ 2029 నాటికి పూర్తి కానుంది.
ఇండియన్ ఫస్ట్ బుల్లెట్ రైలు రెడీ అవుతోంది. ముంబై-అహ్మదాబాద్ కారిడార్ ఇండియన్ రైల్వే నెట్వర్క్ సరికొత్త టెక్నాలజీలను అందుబాటులోకి తీసుకొస్తుంది. ఈ రైలు గంటకు 320 కిలోమీటర్ల వేగాన్ని అందుకుంటుంది. 508 కిలోమీటర్ల ఈ కారిడార్ను నిర్మిస్తున్న నేషనల్ హై స్పీడ్ రైల్ కార్పొరేషన్ లిమిటెడ్ (NHSRCL), ట్రాక్ వాలును కాపాడుతూనే రైళ్లు సున్నితంగా పట్టాలు మార్చడానికి వీలుగా కాంటెడ్ టర్న్ అవుట్ లను ఉపయోగిస్తోంది. రైలు ఎక్కువ వేగంతో పట్టాలు మార్చేటప్పుడు ఏర్పడే కంపనాలు, అసౌకర్యాన్ని తగ్గించడానికి ఈ సాంకేతికత రూపొందించబడింది.
సాంప్రదాయ రైల్వే నెట్ వర్క్ లలో, ఒక ట్రాక్ మరొక ట్రాక్గా విడిపోయే చోట, వంపు తిరిగిన ట్రాక్ విభాగంలో ఉపయోగించేంత బ్యాంకింగ్ సాధారణంగా ఉండదు. ఒక రైలు అటువంటి టర్నౌట్ గుండా వెళ్ళినప్పుడు, చక్రాలు ట్రాక్ ఆకస్మిక మార్పును ఎదుర్కొంటాయి. ఒక్కసారిగా రైలు కుదుపులకు గురై ప్రయాణీకులు అసౌకర్యానికి గురవుతారు. ఈ నేపథ్యంలో సాంప్రదాయ రైళ్లు కొన్ని ట్రాక్ మార్పులను దాటేటప్పుడు వేగాన్ని తగ్గించాల్సి ఉంటుంది. కానీ ముంబై-అహ్మదాబాద్ బుల్లెట్ రైలు ట్రాక్ లాంటి హైస్పీడ్ రైలు కారిడార్ కోసం, సరికొత్త టెక్నాలజీని ఉపయోగిస్తారు.
క్యాంటెడ్ టర్నౌట్ అనేది ట్రాక్ స్విచింగ్ సెగ్మెంట్ గుండా వెళ్ళేటప్పుడు ట్రాక్ క్యాంట్, బ్యాంకింగ్ను అలాగే ఉంచుతుంది. సాధారణ వంపులో, లోపలి రైలుతో పోలిస్తే బయటి రైలు ఎత్తుగా ఉంటుంది. ఒక రైలు వంపు చుట్టూ ప్రయాణించినప్పుడు బయటకు వచ్చే బలాన్ని ఎదుర్కోవడానికి ఈ బ్యాంకింగ్ సాయపడుతుంది. క్యాంటెడ్ టర్నౌట్ తో, రైలు సరైన క్యాంట్ ను నిలుపుకుంటూనే ట్రాక్ల మధ్య మార్పును దాటగలిగేలా ట్రాక్ జ్యామెట్రీని రూపొందిస్తారు. ఇది రైలు, దాని చక్రాలపై పనిచేసే బలాలలో ఆకస్మిక మార్పులను తగ్గించడంలో సాయపడుతుంది. ప్రయాణికులకు ట్రాక్ మారినప్పుడు ఎలాంటి ఇబ్బంది కనిపించదు. ఇక ముంబైలోని బాంద్రా-కుర్లా కాంప్లెక్స్ (BKC) నుండి అహ్మదాబాద్లోని సబర్మతి వరకు ఉన్న ముంబై-అహ్మదాబాద్ కారిడార్ డిసెంబర్ 2029 నాటికి పూర్తవుతుందని తెలుస్తోంది.
Read Also: పట్టాలపై నీడలు.. స్టేషన్లో వింత శబ్దాలు.. దేశంలోని హాంటెడ్ రైల్వే స్టేషన్లు ఇవే!
Share
Gundeninda Gudigantalu : సీరియల్ లవర్స్ కు బ్యాడ్ న్యూస్.. ప్రభా అవుట్..
ధోని సిక్సులు చూసి... ముషార్రఫ్ కూడా ప్యాంట్ తడిపేసుకున్నాడు
