Bigg boss 10:ఒకవైపు కంటెస్టెంట్స్ మధ్య నామినేషన్ పోరు నువ్వా నేనా అన్నట్టు సాగుతుంటే.. మరొకవైపు నరేష్ ఈ నామినేషన్ హీట్ ను తగ్గించి, తన మాటలతో రిలీఫ్ కలిగించారని తాజా ప్రోమో చూస్తే తెలుస్తోంది. ఇక బిగ్ బాస్ ఇంట్లో ఆరవ వారం నామినేషన్ సెగ బాగా పెరిగేలా ఉంది. ఈ క్రమంలోనే రోహిత్, వంశీని నామినేట్ చేశాడు. ముఖేష్ అమన్ ని నామినేట్ చేశాడు . శాలిని దెబ్జానీ ని సోమవారం నాటి ఎపిసోడ్ లో నామినేట్ చేసింది. ఇక మంగళవారం నాటి ఎపిసోడ్ లో వర్షినినీ నామినేట్ చేసిందని ప్రోమోను బట్టి తెలుస్తోంది..ఇకపోతే శాలిని చేసిన రెండు నామినేషన్ లో వర్షిని నామినేషన్ ను నీతూ ఆమోదించినట్లుగా అనిపిస్తోంది.
ఇదంతా కాస్త పక్కన పెడితే తాజాగా విడుదల చేసిన ప్రోమోలో నరేష్ చేసిన కామెడీ కాస్త రిలీఫ్ గా అనిపించింది. ప్రోమో మొదలవగానే.. మీకు ఏ ప్లేస్ బాగా నచ్చింది అని నీతూ ని నరేష్ అడుగుతాడు. నాకు కిచెన్ నచ్చిందని నీతూ చెబుతుంది. నరేష్ మాత్రం నాకు బాత్రూం నచ్చిందని చెబుతాడు. నీ ఫేవరెట్ ప్లేస్ ఏంటి? అని శ్వేతాని అడుగుతాడు. నీ హార్ట్ అని శ్వేత అంటే. అందులో నువ్వు పట్టావేమో అని నరేష్ కామెడీ చేశాడు. ఇక తర్వాత శ్వేతతో అక్కడ ఉన్న కొంగలను చూపిస్తూ.. ఇవి మా ఇంట్లో కొంగలు..ఎప్పుడూ చక్కగా ఉండవు.
ఇది అబ్బాయి, ఇది అమ్మాయి.. నువ్వు నాకు నచ్చలేదు అని చెప్పడంతో ఆ కొంగ చిన్న బోయింది అని నరేష్ చెబుతుంటే.. ముఖేష్, వర్షిని, దెబ్జానీ ట్రాక్ చూపిస్తూ ఉంటాడు ఎడిటర్. వీళ్ళిద్దరూ ప్రేమించుకుంటున్నారు.. నన్నెవరూ పట్టించుకోవట్లేదని ఈ కొంగ ఫీలవుతోంది. కొంగ కొంగ వీడో పెద్ద దొంగ అంటూ అమన్ ను చూసి కామెంట్ చేశాడు నరేష్.. అలా నామినేషన్ హీట్ మధ్య నరేష్ చేసిన కామెడీ కాస్త రిలీఫ్ గా అనిపించింది.
నామినేషన్స్ విషయానికి వస్తే వర్షిని – శాలిని వాగ్వాదాన్ని చూపించారు. నువ్వు డ్రాగర్స్ కోసం దారుణంగా తోసేసావు.. నీకు మానవత్వం లేదు.. మళ్ళీ నువ్వు మానవత్వం గురించి మాట్లాడుతావు అని శాలిని అంటుంది ఇక వర్షిని మాట్లాడుతూ ఒక్క అమ్మాయి మీద నలుగురు పడ్డారు నేను వెళ్లి కాపాడాను. అక్కడ వెళ్లకపోతే నాకు మానవత్వం లేనట్టు నా టీం లోని అమ్మాయిని కాపాడుకునే బాధ్యత నాకు ఉంటుంది అంటూ వర్షిని అంటుంది. నన్ను చాలా రూడ్ గా తోసేశారు అని శాలిని అంటే . శాలిని చాలా ట్రిక్స్ ప్లే చేస్తుంది అని వర్షిని అంటుంది. నేను ఎక్కడ ట్రిక్స్ ప్లే చేశాను చెప్పు అని శాలిని అడుగుతుంది.
also read:నామినేషన్స్ లో పెద్ద గొడవ.. ఈ వారం వారికి రెడ్ కార్డ్ తప్పదా?
ఇక వర్షిని శాలిని మధ్యలోకి మొదట రోహిత్ వచ్చాడు. వీళ్లు ఎందుకు వచ్చారు? అసలేం మాట్లాడుతున్నారు ? టాపిక్ ఏంటి ? అన్నది ప్రోమోలో మాత్రం ఏం అర్థం కాలేదు. పైగా మధ్యలో త్రిగుణ్ కూడా ఎంట్రీ ఇవ్వడం గమనార్హం. ఈ గొడవ గురించి పూర్తి క్లారిటీ రావాలి అంటే ఎపిసోడ్ వరకు ఎదురు చూడాల్సిందే. మొత్తానికైతే శాలిని , రోహిత్ ట్రాక్ కి మరోసారి నెగిటివ్ఇమేజ్ వచ్చేసిందని చెప్పాలి.
Share
రూ.20,000 ఉంటే.. సొంతూళ్లలోనే దర్జాగా చేసుకునే వ్యాపారాలు.. ఇక సిటీ ఊసే అక్కర్లేదు!
ఆ ఒక్క‌డు లేక‌పోతే, జింబాబ్వే చేతిలోనూ టీమిండియా ఘోరంగా ఓడిపోతుంది
