Automatic Cars Under 10 Lakh: దేశంలో ఆటోమేటిక్ కార్లకు డిమాండ్ రోజురోజుకు పెరుగుతోంది. ముఖ్యంగా నగరాల్లో ట్రాఫిక్ ఎక్కువగా ఉండటంతో, గేర్ మార్చాల్సిన అవసరం లేకుండా సౌకర్యంగా డ్రైవ్ చేయడానికి చాలా మంది ఆటోమేటిక్ కార్లనే ఎంచుకుంటున్నారు. గతంలో ఈ ఫీచర్ ఖరీదైన కార్లలో మాత్రమే ఉండేది. కానీ ఇప్పుడు రూ.10 లక్షల లోపు కూడా మంచి ఆటోమేటిక్ కార్లు అందుబాటులో ఉన్నాయి. వాటిలో టాప్ మోడల్స్ గురించి ఇప్పుడు చూద్దాం..
అత్యంత తక్కువ ధరలో లభించే ఆటోమేటిక్ కారు మారుతి సుజుకి ఎస్-ప్రెస్సో VXi (O) AGS. దీని ఎక్స్ షోరూమ్ ధర రూ.4.75 లక్షలు. 1.0 లీటర్ పెట్రోల్ ఇంజిన్, 5-స్పీడ్ AMT గేర్బాక్స్తో వస్తుంది.
రెండో స్థానంలో మారుతి వాగన్ ఆర్ VXi AGS ఉంది. దీని ధర రూ.5.97 లక్షలు. 1.0 లీటర్, 1.2 లీటర్ పెట్రోల్ ఇంజిన్లతో ఆటోమేటిక్ గేర్బాక్స్ లభిస్తుంది.
టాటా టియాగో ప్యూర్ AMT ధర రూ.6 లక్షలు. ఈ కారు పెట్రోల్తో పాటు CNG ఆటోమేటిక్ ఆప్షన్లో కూడా లభిస్తుంది. 7 అంగుళాల టచ్స్క్రీన్, ఆండ్రాయిడ్ ఆటో, ఆపిల్ కార్ప్లే, డ్యూయల్ ఎయిర్బ్యాగ్స్ లాంటి ఫీచర్లు ఇందులో ఉన్నాయి.
మారుతి స్విఫ్ట్ VXi AGS ధర రూ.7.08 లక్షలు. కొత్త 1.2 లీటర్ పెట్రోల్ ఇంజిన్తో వచ్చే ఈ కారు మంచి మైలేజ్తో పాటు డ్రైవింగ్ ఎక్స్ పీరియెన్స్ ను అందిస్తుంది. 9 అంగుళాల టచ్స్క్రీన్, క్రూయిజ్ కంట్రోల్, కీలెస్ ఎంట్రీ వంటి ఫీచర్లు ఇందులో ఉన్నాయి.
ప్రీమియం హ్యాచ్బ్యాక్ కోరుకునేవారికి హ్యుందాయ్ i20 Magna IVT మంచి ఆప్షన్. దీని ధర రూ.8.13 లక్షలు. ఇందులో CVT ఆటోమేటిక్ ట్రాన్స్ మిషన్ ఉండటం వల్ల AMTతో పోలిస్తే మరింత స్మూత్ డ్రైవింగ్ అనుభవం లభిస్తుంది.
ఏడు సీట్ల ఫ్యామిలీ కారు కావాలంటే రెనాల్ట్ ట్రైబర్ ఎమోషన్ AMTను చూడవచ్చు. దీని ధర రూ.8.48 లక్షలు. 1.0 లీటర్ పెట్రోల్ ఇంజిన్, 5-స్పీడ్ AMT గేర్ బాక్స్ తో వస్తుంది. చిన్న కుటుంబాలకు ఇది సరసమైన MPV.
సెడాన్ ప్రియులకు హోండా అమేజ్ V CVT మంచి ఎంపిక. రూ.8.70 లక్షల ధరతో లభించే ఈ కారు 1.2 లీటర్ పెట్రోల్ ఇంజిన్తో పాటు 7-స్టెప్ CVT గేర్బాక్స్ను అందిస్తుంది. సిటీ డ్రైవింగ్ లో ఇది చాలా సౌకర్యంగా ఉంటుంది.
SUV కొనాలనుకునే వారికి టాటా నెక్సాన్ Smart+ AMT బెస్ట్. దీని ధర రూ.8.90 లక్షలు. 1.2 లీటర్ టర్బో పెట్రోల్ ఇంజిన్, 6-స్పీడ్ AMTతో వస్తుంది. భద్రత, ఫీచర్ల పరంగా కూడా నెక్సాన్ మంచి గుర్తింపు పొందింది.
టాటా ఆల్ట్రోజ్ Pure AMT ధర రూ.7.70 లక్షలు. ఈ ప్రీమియం హ్యాచ్ బ్యాక్ లో 1.2 లీటర్ పెట్రోల్ ఇంజిన్, 5-స్పీడ్ AMT గేర్బాక్స్ ఉన్నాయి. హై వేరియంట్లలో DCT ఆటోమేటిక్ ఆప్షన్ కూడా అందుబాటులో ఉంటుంది.
ఈ లిస్టులో మహీంద్రా XUV 3XO MX2 Pro AT చివరిది. దీని ఎక్స్ షోరూమ్ ధర రూ.9.99 లక్షలు. 1.2 లీటర్ టర్బో పెట్రోల్ ఇంజిన్ తో పాటు 6-స్పీడ్ టార్క్ కన్వర్టర్ ఆటోమేటిక్ గేర్ బాక్స్ ను అందిస్తుంది.
Read Also: టాటా నెక్సాన్ కామో ఎడిషన్ లాంచ్.. వారెవ్వా.. ఏం ఫీచర్లు గురూ!
Share
డెలివరీ యాప్స్ కొత్త దందా.. మరీ ఇంత మోసమా.. రెడ్ హ్యాండెడ్గా దొరికేశారు!
నిరంతర అధ్యయనం.. పత్రికల కోసం రోజుకు 3 గంటలు.. అలవాటు వదలని కేసీఆర్!
