Tungabhadra Levels: సాధారణంగా తుంగభద్ర జలాశయం జులైలో నిండుకుండలా ఉండాలి. కానీ ఎల్నినో ప్రభావంతో వర్షాలు ఆశించిన స్థాయిలో లేవు. నీటి నిల్వలు రోజురోజుకూ పడిపోతున్నాయి. తుంగభద్ర జలాశయం నీటి నిల్వసామర్థ్యం 105 టీఎంసీలు. కానీ ప్రస్తుతం జలాశయంలో 24 టీఎంసీల నీరు మాత్రమే ఉంది.
తుంగభద్ర జలాశయంపైనే కర్నూలు జిల్లాలో లక్షలాది ఎకరాలకు సాగునీరు, వందలాది గ్రామాలకు తాగునీరు అందుతుంది. కానీ, ఇప్పుడు ఆ జీవనది వెలవెలబోతోంది. అరకొర వర్షాలు పడ్డా ఆ వరద కేవలం డ్యాం లోపలి అవసరాలకే సరిపోతోంది. కుడి, ఎడమ కాలువలకు నీటి విడుదల నిలిచిపోవడంతో ఆయకట్టు రైతాంగం దిక్కుతోచని స్థితిలో పడిపోయింది. వ్యవసాయ పనులకు శ్రీకారం చుట్టాలనుకున్న రైతులకు.. తుంగభద్ర ప్రస్తుత పరిస్థితి తీవ్ర నిరాశను మిగులుస్తోంది.
సాగునీటి సంగతి పక్కన పెడితే.. రాయలసీమలోని ప్రధాన నగరాలు, గ్రామాలకు డ్రింకింగ్ వాటర్ సమస్య ఏర్పడే ఛాన్స్ లేకపోలేదు. డ్యాంలో ఉన్న కొద్దిపాటి నీటిని కేవలం తాగునీటి అవసరాలకే రిజర్వ్ చేయాల్సిన పరిస్థితి ఏర్పడింది. ఇటు కర్ణాటక, అటు ఆంధ్రప్రదేశ్ అధికారులు అప్రమత్తమై ప్రత్యామ్నాయాలపై దృష్టి పెట్టకపోతే.. రాబోయే రోజుల్లో తాగునీటి సమస్య తీవ్రంగా ఏర్పడవచ్చు. ప్రకృతి కరుణించి ఎగువన భారీ వర్షాలు కురిస్తేనే తుంగభద్రకు పూర్వవైభవం వస్తుంది.. లేకపోతే నీటి కష్టాలు తప్పేలా లేవు.
Storey By: Appa Rao Big Tv
Also read: రూ.1,500 లోపే బెస్ట్ స్మార్ట్వాచ్.. బోట్ ఎక్స్టెండ్ ఫీచర్లు చూస్తే ఫిదా అవ్వాల్సిందే!
Share
పోసాని భార్యను రోజూ బ్రతిమిలాడిన త్రివిక్రమ్.. ఆ రోజూల్లో 'గురూజీ' పడ్డ కష్టాలు ఇవే!
పదే పదే టీమిండియా మ్యాచ్ లకు ధోని హాజరు కావడం వెనుక కారణం ఏంటి?
