పెట్టుబడిలో భారీ నష్టం వస్తే తిరిగి కోలుకోవడానికి ఏం చేయాలి? రికవరీ కోసం ఇలా ప్లాన్ చేయండి

How To Recover From Investment Loss| పెట్టుబడిలో నష్టం రావడం సాధారణమే. కానీ నష్టం 50 శాతానికి చేరితే పరిస్థితి పూర్తిగా మారుతుంది. ఎందుకంటే కోల్పోయిన మొత్తాన్ని తిరిగి పొందేందుకు అదే స్థాయి రాబడి సరిపోదు. ఉదాహరణకు.. రూ.1 లక్ష పెట్టుబడిలో 50 శాతం నష్టం అంటే రూ.50,000 అవుతుంది. ఇప్పుడు రూ.50,000పై 50 శాతం లాభం వచ్చినా మొత్తం రూ.75,000 మాత్రమే అవుతుంది. అందుకే మళ్లీ అసలు మొత్తానికి (రూ.1 లక్ష) చేరాలంటే 100 శాతం లాభం అవసరం. అంటే రూ.50,000 పెట్బుబడిపై రూ.50,000 లాభం కావాలి.

నష్టం పెరిగే కొద్దీ రికవరీకి అవసరమైన లాభం పెరుగుతుంది

పెట్టుబడి 10 శాతం పడిపోతే తిరిగి రావడానికి 11.11శాతం లాభం కావాలి. 20 శాతం నష్టానికి 25శాతం లాభం అవసరం. 30శాతం నష్టానికి 42.86శాతం, 40శాతం నష్టానికి 66.67శాతం లాభం కావాలి. 50శాతం నష్టానికి ఏకంగా 100శాతం లాభం అవసరం. 60శాతం నష్టానికి 150శాతం, 70శాతం నష్టానికి 233.33శాతం లాభం అవసరమవుతుంది.

భారీ నష్టంతో మీ ఆర్థిక లక్ష్యాలపై ప్రభావం

ఐదేళ్ల తర్వాత పిల్లల చదువుకు రూ.10 లక్షలు అవసరమని అనుకుందాం. ఏడాదికి 8శాతం రాబడి వస్తే ఈ మొత్తం సుమారు రూ.14.69 లక్షలకు పెరగవచ్చు. కానీ పెట్టుబడిలో 50శాతం నష్టం వస్తే రూ.5 లక్షలు మాత్రమే మిగులుతాయి. 5 ఏళ్లలో తిరిగి రూ.10 లక్షలు చేరాలంటే సుమారు 14.87శాతం వార్షిక రాబడి అవసరం. రూ.14.69 లక్షల లక్ష్యాన్ని చేరాలంటే సుమారు 24.1శాతం రాబడి కావాలి.

డబ్బు తిరిగి రావడం వల్ల కోల్పోయిన కంపౌండింగ్ తిరిగి రాదు

రూ.1 లక్ష అసలు పెట్టుబడిలో 50 శాతం నష్టం అంటే రూ.50,000కు పడిపోతే, ఆ తర్వాత ఏడాదికి 10శాతం రాబడి వస్తే తిరిగి రూ.1 లక్ష చేరడానికి సుమారు 7.3 సంవత్సరాలు పడుతుంది. అదే సమయంలో మొదటి రూ.1 లక్ష కొనసాగి ఉంటే దాదాపు రూ.2 లక్షలకు చేరుకునే అవకాశం ఉండేది. అంటే నష్టం కేవలం డబ్బులోనే కాదు, సమయం, కంపౌండింగ్‌లో కూడా ఉంటుంది.

నష్టం వచ్చినప్పుడు పెట్టుబడి ఎందుకు పడిపోయిందో తెలుసుకోవాలి

ఒక షేర్ 50శాతం పడిపోయినా మొత్తం పోర్ట్‌ఫోలియో అంతే స్థాయిలో నష్టపోవాల్సిన అవసరం లేదు. ఉదాహరణకు ఆ షేర్ పోర్ట్‌ఫోలియోలో 10శాతం ఉంటే మొత్తం ప్రభావం సుమారు 5శాతం ఉంటుంది. అదే 80శాతం ఉంటే ప్రభావం 40శాతం వరకు ఉండవచ్చు.

Also Read: నెలకు రూ.10 లక్షల వరకు జీతం.. ప్రపంచమంతా తిరిగిరావొచ్చు.. ఇంటర్మీడియట్ ఉంటే చాలు

తక్కువ ధర చూసి వెంటనే మరింత పెట్టుబడి పెట్టకూడదు

ధర తగ్గిందని మాత్రమే షేర్లలో పెట్టుబడి ఆకర్షణీయంగా మారదు. వ్యాపారం బలంగా ఉందా, సమస్య తాత్కాలికమా, లేక ప్రాథమిక పరిస్థితులు మారిపోయాయా అనేది పరిశీలించాలి. ప్రస్తుతం చేతిలో ఉన్న మొత్తంతో ఇదే పెట్టుబడిని మళ్లీ కొనుగోలు చేస్తారా అని ప్రశ్నించుకోవడం ఉపయోగకరం.

Also Read: నెలకు లక్ష జీతం ఉన్నా ఈ వరుడు వద్దు.. పెళ్లి మధ్యలో వధువు నిరాకరణ!

పెట్టుబడి పరిమాణాన్ని నియంత్రించడం ద్వారా భవిష్యత్ నష్టాన్ని తగ్గించవచ్చు

ఒక పెట్టుబడికి పోర్ట్‌ఫోలియోలో 6శాతం కేటాయిస్తే, అది 50శాతం పడిపోయినప్పుడు మొత్తం పోర్ట్‌ఫోలియోపై ప్రభావం సుమారు 3శాతం ఉంటుంది. అయితే ధర మరింత పడిపోవచ్చనే ప్రమాదం ఉంటుంది. అందుకే నష్టం వచ్చిన తర్వాత కాకుండా పెట్టుబడి చేసే ముందే రిస్క్‌ను కంట్రోల్ చేయడం ముఖ్యం.

Join WhatsApp Channel

Share

• 
• 
• 
• 
• 
•