Houthi Attack: సౌదీ అరేబియా రాజధాని రియాద్పై హౌతీల క్షిపణి దాడి.. మిడిల్ ఈస్ట్లో కలకలం రేపుతోంది. రియాద్తో పాటు మరికొన్ని ప్రాంతాలపై క్షిపణులు, డ్రోన్లతో దాడులు చేసినట్లు హౌతీలు ప్రకటించారు. సౌదీ వైమానిక రక్షణ వ్యవస్థ రియాద్ వైపు వచ్చిన బాలిస్టిక్ మిసైల్ను అడ్డుకున్నట్లు సౌదీ అధికారులు తెలిపారు. దాడుల నేపథ్యంలో రియాద్లో ఎయిర్ రైడ్ అలర్ట్లు జారీ అయ్యాయి. విమానాశ్రయం సమీపంలో భారీ పొగ కనిపించడంతో ఆందోళన నెలకొంది. అయితే ఇప్పటివరకు ప్రాణనష్టం లేదా భారీ నష్టం జరిగినట్లు అధికారికంగా వెల్లడించలేదు.
అమెరికా సెక్యూరిటీ అలర్ట్!
హౌతీల దాడులతో అమెరికా సైతం అప్రమత్తమైంది. మధ్యప్రాచ్యంలోని పలు దేశాల్లో ఉన్న అమెరికా ఎంబసీలు తమ పౌరులకు సెక్యూరిటీ అలర్ట్ జారీ చేశాయి. పరిస్థితులు వేగంగా మరింత తీవ్రరూపం దాల్చే అవకాశం ఉందని హెచ్చరించాయి. విమానాల రద్దు, ఎయిర్స్పేస్ మూసివేత, ప్రయాణాల్లో అంతరాయాలు తలెత్తే అవకాశం ఉందని సూచించాయి. సౌదీ అరేబియాపై క్షిపణులు, డ్రోన్ల దాడుల ముప్పు కొనసాగుతున్న నేపథ్యంలో.. అమెరికా ఇప్పటికే సౌదీకి సంబంధించి ప్రయాణ హెచ్చరికలను కొనసాగిస్తోంది. హౌతీల నుంచి మరోసారి దాడులు జరిగే ప్రమాదం ఉందని అమెరికా విదేశాంగ శాఖ తన ట్రావెల్ అడ్వైజరీలో పేర్కొంది. మరోవైపు.. పాకిస్థాన్ ద్వారా అమెరికా నుంచి ఎలాంటి అధికారిక సందేశం లేదా ప్రతిపాదన తమకు అందలేదని ఇరాన్ చెబుతోంది. మధ్యవర్తిత్వానికి పాకిస్థాన్ ప్రయత్నాలు జరుగుతున్నాయన్న వార్తల మధ్య ఇరాన్ ప్రకటన ప్రాధాన్యం సంతరించుకుంది.
ఇరాన్కు US మెసేజ్ రాలేదా?
రియాద్పై హౌతీల దాడులు.. అమెరికా సెక్యూరిటీ అలర్ట్.. ఇరాన్కు అమెరికా నుంచి సందేశం అందలేదన్న ప్రకటన.. ఇవన్నీ కలిపి మిడిల్ ఈస్ట్లో పరిస్థితులు మరింత సంక్లిష్టంగా మారుతున్నాయన్న సంకేతాలిస్తున్నాయి. సౌదీపై దాడులు కొనసాగితే గల్ఫ్ ప్రాంత భద్రతతో పాటు విమాన రాకపోకలు, ఇంధన సరఫరా, అంతర్జాతీయ వాణిజ్యంపైనా ప్రభావం పడే అవకాశం ఉండటంతో ప్రపంచ దేశాలు ఈ పరిణామాలను నిశితంగా గమనిస్తున్నాయి.
Also Read: హైదరాబాద్ టెక్కీ ఆత్మహత్య వెనుక.. అనాథలైన కవలలు, గొడవలే అసలు కారణమా?
Share
ఒరేయ్ వైభవ్ ఇదేం తిండిరా... కుంభకర్ణుడిలా తింటే ఎలా రా నాయనా ?
Gundeninda GudiGantalu Today episode: ప్రభా దెబ్బకు రోహిణి ఫ్యూజుల్ అవుట్.. మీనా మాటతో షాక్.. అయ్యో పాపం మీనా..
