Robot Attack: సాంకేతికత ఎంత వేగంగా దూసుకుపోతుందో.. అంతే స్థాయిలో వింత పరిణామాలు కూడా వెలుగుచూస్తున్నాయి. నిన్నమొన్నటి వరకు చైనా, జపాన్ దేశాల్లో రోబోలు మనుషులపై దాడులు చేశాయనే వార్తలు విన్నాం. కానీ, తాజాగా ఇండోనేషియాలో జరిగిన ఒక షాకింగ్ ఘటన ఇప్పుడు ప్రపంచవ్యాప్తంగా నెటిజన్లను ముక్కున వేలేసుకునేలా చేస్తోంది. ఒక హ్యూమనాయిడ్ రోబో అకస్మాత్తుగా రౌడీలా మారి, అక్కడున్న మనుషులపై విరుచుకుపడటం తీవ్ర కలకలం రేపింది.
ప్రొఫెషనల్ ఫైటర్లా కిక్స్..
సాధారణంగా ఫ్యాక్టరీల్లోనో, హోటళ్లలోనో సాయం చేయడానికి వాడే రోబోలు.. ఒక్కసారిగా మార్షల్ ఆర్ట్స్ నేర్చుకున్న ఫైటర్లా మారిపోతే ఎలా ఉంటుందో ఈ ఘటన నిరూపించింది. ఇండోనేషియాలో ప్రదర్శనకు ఉంచిన ఓ హ్యూమనాయిడ్ రోబోలో సాంకేతిక లోపం తలెత్తిందో ఏమో కానీ, ఒక్కసారిగా దానికి పూనకం వచ్చినట్లు ప్రవర్తించింది. చుట్టుపక్కల ఉన్న మనుషులను టార్గెట్ చేస్తూ ప్రొఫెషనల్ ఫైటర్లా గాల్లోకి లేస్తూ కిక్స్ (తన్నులు) ఇవ్వడం ప్రారంభించింది. ఈ ఊహించని దాడితో అక్కడున్న వారు ప్రాణభయంతో పరుగులు తీశారు. ఈ క్రమంలో కొందరికి తీవ్ర గాయాలైనట్లు సమాచారం.
వైరల్ అవుతున్న ‘బ్రూస్ లీ’ పోజ్!
ఈ ఘటనలో అందరినీ అత్యంత ఆశ్చర్యపరిచిన అంశం ఏమిటంటే.. ఆ రోబో దాడి చేసిన తీరు మాత్రమే కాదు, దాడి ముగిసిన తర్వాత అది ప్రవర్తించిన విధానం. అక్కడున్న వారిని గాయపరిచిన అనంతరం, ఆ రోబో నెమ్మదించి లెజెండరీ మార్షల్ ఆర్ట్స్ స్టార్ ‘బ్రూస్ లీ’ తరహాలో ఒక ఐకానిక్ ఫైటింగ్ పోజ్ ఇచ్చి అలాగే నిలబడిపోయింది. సినిమా క్లైమాక్స్ సీన్ను తలపించేలా ఉన్న ఈ విజువల్స్ ప్రస్తుతం సోషల్ మీడియాలో విపరీతంగా ట్రెండ్ అవుతున్నాయి. “ఇది రోబోనా లేక దీని వెనుక ఎవరైనా ప్రాంక్ చేస్తున్నారా?” అంటూ నెటిజన్లు కామెంట్ల వర్షం కురిపిస్తున్నారు.
టెక్నాలజీతో ముప్పేనా?
ఈ వింత ఘటనపై అటు టెక్ నిపుణులు, ఇటు నెటిజన్లు రకరకాలుగా స్పందిస్తున్నారు. రోబో యొక్క ప్రోగ్రామింగ్లో తలెత్తిన లోపం లేదా AI సిస్టమ్ తప్పుగా రెస్పాండ్ అవ్వడం వల్లే ఇలా జరిగి ఉంటుందని ప్రాథమికంగా భావిస్తున్నారు. అయితే, సైన్స్ ఫిక్షన్ సినిమాల్లో చూపించినట్లు భవిష్యత్తులో రోబోలు మనుషులపై తిరగబడతాయేమో అనే భయాలను ఈ ఘటన నిజం చేస్తోంది. ఏది ఏమైనా, హాలీవుడ్ యాక్షన్ సినిమా రేంజ్లో జరిగిన ఈ రోబో దాడి ఉదంతం ఇప్పుడు ఇంటర్నెట్ను షేక్ చేస్తోంది.
Share
టీనేజ్ నుంచే డేటింగ్ పిచ్చి... మనసుకు హత్తుకునే ఇంగ్షీషు మూవీ స్ట్రీమింగ్ తెలుగులో
మంత్రగత్తె కావాలని కలలుగనే అమాయకపు అమ్మాయి... కట్ చేస్తే కేక పెట్టించే సీన్లు
