Japan Airport Sinking| అద్భుత రూపకల్పనతో నిర్మాణం చేసిన ఓ అంతర్జాతీయ ఎయిర్ పోర్ట్.. పలు ప్రతిష్టాత్మక అవార్డులు గెలుచుకుంది. అలాంటి ఆ అద్భుత విమానాశ్రయం ప్రకృతి ధాటికి కనుమరుగవుతోంది. జపాన్‌లోని కాన్సాయ్ అంతర్జాతీయ విమానాశ్రయం (KIX) తన అద్భుతమైన నిర్మాణం, సమర్థత, సిబ్బంది సేవల కోసం అంతర్జాతీయ అవార్డులను గెలుచుకుంది. గత సంవత్సరం.. ప్రయాణికుల ఒక్క లగేజ్ కూడా తప్పిపోకుండా సేవల అందించినందుకు కాన్సాయ్ ఎయిర్ పోర్ట్.. ప్రపంచంలోనే అత్యుత్తమ సామాను డెలివరీ విమానాశ్రయంగా గుర్తింపు పొందింది. అయితే, ఈ విమానాశ్రయం ఒక పెద్ద సమస్యలో చిక్కుకుంది. క్రమంగా ఈ ఎయిర్ పోర్ట్ ఉంది: ఇది క్రమంగా సముద్రంలోకి జారుతోంది.
జపాన్ దేశంలోని ఒసాకా బేలో మానవ నిర్మితమైన ఒక ద్వీపం ఉంది. ఆ ఐల్యాండ్ (ద్వీపం)పై అద్భుత రీతిలో కాన్సాయ్ అంతర్జాతీయ ఎయిర్‌పోర్ట్‌ని నిర్మించారు. జపాన్‌లో అతిపెద్ద నిర్మాణ ప్రాజెక్టుల్లో ఈ విమానాశ్రయం ఒకటి. రెండు ద్వీపాలతో నిర్మితమైన ఈ విమానాశ్రయం.. మొదటి ద్వీపం 510 హెక్టార్లు, రెండవ ద్వీపం 1,055 హెక్టార్ల విస్తీర్ణంలో ఉంది. సమీపంలోని ఒసాకా అంతర్జాతీయ విమానాశ్రయంలో రద్దీని తగ్గించేందుకు 1994లో ఇక్కడ తొలి విమాన సేవలను ప్రారంభించారు. 2024లో ఈ విమానాశ్రయం 25 దేశాల్లోని 91 నగరాలకు సంబంధించిన 30.6 మిలియన్ ప్రయాణికులకు సేవలు అందించింది.
అయితే, విమానాశ్రయం ఉన్న మానవ నిర్మిత ద్వీపం కింద ఉన్న మట్టి పొరల్లోకి ఊహించిన దానికంటే ఎక్కువగా నీటిలో మునుగుతోంది. కాన్సాయ్ విమానాశ్రయం (KIX) నిర్వాహకులైన కాన్సాయ్ ఎయిర్‌పోర్ట్స్ ప్రకారం.. మొదటి ద్వీపం 1994లో తెరిచినప్పటి నుండి 3.84 మీటర్లు (12.6 అడుగులు) నీటిలోకి జారింది. నిర్మాణం ప్రారంభమైనప్పటి నుండి ఇప్పటి వరకు మొత్తం 13.66 మీటర్లు (45 అంగుళాలు) జారిపోయింది. గత ఏడాది.. మొదటి ద్వీపంలో ఈ విమానాశ్రయం సగటున 6 సెంటీమీటర్లు (2.4 అంగుళాలు) మునిగినట్లు నమోదైంది.
రెండవ ద్వీపంలో పరిస్థితి కొంచెం తీవ్రంగా ఉంది. అక్కడ జారుడు 17.47 మీటర్లు (57.3 అడుగులు)గా ఉంది, గత ఏడాది సగటు జారుడు 21 సెంటీమీటర్లు (8.3 అంగుళాలు). ఈ ద్వీపాల చుట్టూ గోడలను ఎత్తు చేయడానికి 150 మిలియన్ డాలర్లకు పైగా ఖర్చు చేశారు. అయినప్పటికీ, కొందరు ఇంజనీర్లు రాబోయే 30 ఏళ్లలో విమానాశ్రయంలోని కొన్ని భాగాలు సముద్ర మట్టానికి చేరవచ్చని అంచనా వేస్తున్నారు.
విమానాశ్రయం 20 మీటర్ల మందంగా ఉన్న మట్టి పొరపై నిర్మించబడింది. ఇది స్పాంజ్‌లా పనిచేస్తుంది. 2.2 మిలియన్ నిలువు పైపు డ్రెయిన్‌లను ఏర్పాటు చేసినప్పటికీ, 200 మిలియన్ క్యూబిక్ మీటర్ల శిథిలాలు, 48,000 టెట్రాపాడ్‌ల బరువు మట్టిని ఊహించిన దానికంటే ఎక్కువగా కుదించింది.
2018 సెప్టెంబర్‌లో టైఫూన్ జెబీ తుఫాన్ వల్ల విమానాశ్రయం పూర్తిగా మునిగిపోయి, దీని ఇంజినీరింగ్‌లోని లోపాలు బయటపడ్డాయి. డిజాస్టర్ రెస్పాన్స్ (విపత్తు స్పందన) కేంద్రం, విద్యుత్ సబ్‌స్టేషన్ వంటి కీలక సౌకర్యాలు భూగర్భంలో ఉండటం వల్ల వరదల్లో మునిగాయి. 5,000 మంది ప్రయాణికులు 24 గంటలపాటు విద్యుత్ లేకుండా చిక్కుకున్నారు.
Also Read: చేతులకు బేడీలతో టీ విక్రయిస్తున్న యువకుడు.. భార్యా బాధితుడి నిరసన
విమానాశ్రయం నిర్వాహకులు.. ఎయిర్ పోట్ సముద్రంలోని జారే స్పీడ్ క్రమంగా తగ్గుతోందని, పునాదులను నిరంతరం పర్యవేక్షిస్తున్నామని చెబుతున్నారు. మీజీ విశ్వవిద్యాలయంలోని ప్రొఫెసర్ హిరూ ఇచికావా మాట్లాడుతూ.. జారుడు ప్రమాదకరమైన స్థాయిలో లేదని, ఈ ప్రాజెక్టు వల్ల ఇతర ద్వీప నిర్మాణాలకు ఉదాహరణగా నిలిచిందని అన్నారు. ఒసాకాలో రెండవ విమానాశ్రయం నిర్మించడానికి భూమిపై స్థలం లేకపోవడంతో సముద్రంలో నిర్మించారని.. అంతేకాకుండా రాత్రి విమానాల శబ్దం వల్ల సమీప నివాసితులకు ఇబ్బంది కలగకుండా చూశారని వివరించారు. అయితే, విపత్తు సౌకర్యాలను భూగర్భంలో ఏర్పాటు చేయడం లోపమని ఒప్పుకున్నారు. ప్రస్తుతం జారుడు సంవత్సరానికి 10 సెంటీమీటర్ల కంటే తక్కువగా ఉందని, ఇది నిర్వహించదగినదని, ఖర్చు పెట్టడం ద్వారా ఈ సమస్యను పరిష్కరించవచ్చని అన్నారు.
Share
Mannara Chopra : మన్నారా చోప్రా ఇంట తీవ్ర విషాదం..ఆయన మరణం తీరని లోటు..
OTT Movie : నాన్ వెజ్ కోసం భర్తనే వదిలేయడానికి సిద్ధమయ్యే భార్య... క్లైమాక్స్ ట్విస్ట్ మామూలుగా ఉండదు మావా
