TikTok Star Murder: పాకిస్తాన్‌కు చెందిన ప్రముఖ టిక్‌టాక్ స్టార్ షమ్సు బీబీ (Shamsu Bibi) దారుణ హత్యకు గురయ్యారు. ట్యాక్సిలా ప్రాంతంలో మోటార్‌సైకిల్‌పై వచ్చిన గుర్తుతెలియని దుండగులు ఆమెపైకి కాల్పులు జరపడంతో ఆమె అక్కడికక్కడే ప్రాణాలు కోల్పోయారు. ఆగస్టు 14న జరిగిన ఈ విషాదకర ఘటన ఆలస్యంగా వెలుగుచూసింది.
హత్య జరిగిన రోజు కషిష్ అనే వ్యక్తి తన కుమార్తెకు ఫోన్ చేసి ఇంటి బయటకు రమ్మని పిలిచాడని షమ్సు బీబీ తండ్రి ఫజల్ సాహిబ్‌జాదా తెలిపారు. ఆ తర్వాత షమ్సు బీబీ తన 15 ఏళ్ల చెల్లెలు అసిమా, సోదరుడు నైమతుల్లాతో కలిసి కారులో బయలుదేరినట్లు స్పష్టం చేశారు. వారు ఒక పెట్రోల్ బంక్ సమీపానికి చేరుకోగానే.. 30 నుంచి 35 ఏళ్ల వయస్సున్న ఇద్దరు వ్యక్తులు బైక్‌పై వచ్చి కారుపైకి ఒక్కసారిగా కాల్పులు జరిపారు. ఈ ఘటనలో బుల్లెట్లు షమ్సు బీబీ మెడలోకి దూసుకెళ్లడంతో ఆమె అక్కడికక్కడే మృతి చెందారు. మరోవైపు ఆమె చెల్లెలు అసిమా తీవ్రంగా గాయపడింది.
BREAKING: Famous Pakistani TikToker Shamsu Bibi, widely known as Ayesha Gilamana, has been shot dead by unidentified motorcycle gunmen near the Taxila Bypass.
Her 15-year-old sister was critically injured in the subsequent crash and shifted to PIMS. Police have registered an FIR… pic.twitter.com/8XRxoAM2Q4
— Hamariweb.com (@hamariweb) August 16, 2026
షమ్సు బీబీ గత 3-4 ఏళ్లుగా టిక్‌టాక్ వీడియోలు చేస్తోందని ఆమె తండ్రి ఫజల్ సాహిబ్‌జాదా పేర్కొన్నారు. ఆమె సోదరుడు రహమతుల్లా చెప్పిన వివరాల ప్రకారం.. ఆమె ఖాతాకు 1 మిలియన్ (10 లక్షలు) కంటే ఎక్కువ మంది ఫాలోవర్లు ఉన్నారు. 30 నుంచి 35 మిలియన్ల మంది ఆమె పోస్టులను లైక్స్ చేశారు. అయితే ఈ దారుణ హత్య అనంతరం కుటుంబ సభ్యులు ఆమె సామాజిక మాధ్యమ ఖాతాను డీయాక్టివేట్ చేశారు.
Also Read: బీజేపి కొత్త కార్యవర్గం.. జాతీయ ఉపాధ్యక్షురాలిగా పురంధేశ్వరి.. స్మృతి ఇరానీకి కీలక పదవి!
షమ్సు బీబీకి కౌసర్, జావేద్ అనే వ్యక్తులతో ఆర్థిక లావాదేవీలు ఉన్నాయని కుటుంబ సభ్యులు ఆరోపిస్తున్నారు. వారి వద్ద ఉన్న తన డబ్బును తిరిగి ఇవ్వాలని నిలదీయడంతో షమ్సుకి బెదిరింపులు మెుదలయ్యాయని పేర్కొన్నారు. దీనిపై ఆమె గతంలోనే ఇస్లామాబాద్‌లో పోలీసులకు ఫిర్యాదు కూడా చేశారని తెలియజేశారు. తన కుమార్తె డబ్బును కాజేసే ఉద్దేశంతోనే సదరు వ్యక్తులు ఈ దారుణానికి ఒడిగట్టి ఉంటారని తండ్రి అనుమానం వ్యక్తం చేస్తున్నారు. ఈ క్రైమ్‌లో కషిష్ అనే వ్యక్తి పాత్ర కూడా ఉందనే ఆరోపణలు ఉన్నాయి. ప్రస్తుతం పోలీసులు కేసు నమోదు చేసి దర్యాప్తు జరుపుతున్నారు.
Also Read: Vi బంపరాఫర్.. రూ.160 లోపే బెస్ట్ కాంబో ప్యాక్స్.. ఫ్రీ కాల్స్, డేటా ఆఫర్లు!
Share
కోట్లాది మంది చూసిన ఈ రెండు సిరీస్‌లకు నెట్‌ఫ్లిక్స్ గుడ్‌బై... లాస్ట్ ఛాన్స్ భయ్యా
ఇన్‌స్టాలో పోస్ట్‌లను ముందుగానే షెడ్యూల్ చేయడం ఎలా? సింపుల్ ట్రిక్స్!
