Barley Water: బార్లీ వాటర్ తాగితే.. అద్భుతమైన ప్రయోజనాలు, అస్సలు ఊహించి ఉండరు

Barley Water: బార్లీ వాటర్ సహజమైన, ఆరోగ్యకరమైన డ్రింక్. ఇది ఆరోగ్యానికి అనేక రకాలుగా మేలు చేస్తుంది. ఇది శరీరాన్ని లోపలి నుండి బలోపేతం చేయడంతో పాటు చర్మాన్ని మెరుస్తూ, ఆరోగ్యంగా ఉంచేందుకు ఉపయోగపడుతుంది. జీర్ణక్రియను మెరుగుపరచడంలో సహాయపడుతుంది. దీనిని ప్రతి రోజు తీసుకోవడం వల్ల శరీరం నుండి వ్యర్థ పదార్థాలు తొలగిపోతాయి. అంతే కాకుండా అనేక వ్యాధుల నుండి కూడా రక్షిస్తుంది. బార్లీ నీరు తాగడం వల్ల కలిగే ప్రయోజనాలను గురించిన పూర్తి వివరాలను ఇప్పుడు తెలుసుకుందాం.

బార్లీ నీటి ఆరోగ్య ప్రయోజనాలు:

సూపర్ డ్రింక్:

బార్లీ నీటిని చాలా సంవత్సరాలుగా సాంప్రదాయ ఆయుర్వేద డ్రింక్‌గా ఉపయోగిస్తున్నారు. ఇందులో మొత్తం ఆరోగ్యానికి ప్రయోజనకరంగా ఉండే పోషకాలు ఉన్నాయి. అంతే కాకుండా విటమిన్ బి కాంప్లెక్స్, డైటరీ ఫైబర్, ఐరన్, కాల్షియం, మెగ్నీషియం, జింక్, సెలీనియం వంటి ఖనిజాలు పుష్కలంగా ఉన్నాయి. దీనిని రోజువారీ ఆహారంలో చేర్చుకుంటే.. ఇది శరీరాన్ని లోపలి నుండి బలపరుస్తుంది. అంతే కాకుండా అనేక వ్యాధుల నుండి రక్షణ కల్పిస్తుంది.

గుండెకు అద్భుతమైనది:
బార్లీ నీరు గుండెను ఆరోగ్యంగా ఉంచడంలో సహాయపడుతుంది. ఇది శరీరంలో చెడు కొలెస్ట్రాల్ (LDL) ను తగ్గించడంలో , మంచి కొలెస్ట్రాల్ స్థాయిని పెంచడంలో సహాయపడుతుంది. దీనిలో ఉండే సహజ అంశాలు కొలెస్ట్రాల్‌ను సమతుల్యంగా ఉంచడంలో అంతే కాకుండా రక్తపోటును నియంత్రించడంలో సహాయపడతాయి. ఇది గుండెపోటు, స్ట్రోక్ వంటి వ్యాధుల ప్రమాదాన్ని తగ్గిస్తుంది.

రక్తంలో చక్కెరను నియంత్రిస్తుంది:
ఈ డ్రింక్ డయాబెటిస్ రోగులకు ఒక వరం లాంటిది. ఇందులో ఉండే ఫైబర్, ఇతర అంశాలు రక్తంలో చక్కెర అకస్మాత్తుగా పెరగకుండా నిరోధిస్తాయి. ఇది శరీరంలో ఇన్సులిన్ సరిగ్గా పనిచేయడానికి సహాయపడుతుంది. అంతే కాకుండా చక్కెర స్థాయిని అదుపులో ఉంచుతుంది. ముఖ్యంగా భోజనం తర్వాత దీనిని తీసుకోవడం వల్ల రక్తంలో చక్కెరలో హెచ్చుతగ్గులు తగ్గుతాయి.

బరువు తగ్గడంలో సహాయపడుతుంది:
బరువు తగ్గాలనుకునే వారికి ఇది చాలా బాగా ఉపయోగపడుతుంది. దీనిలో ఉండే కరిగే ఫైబర్ ఎక్కువసేపు కడుపు నిండుగా ఉంచుతుంది. అంతే కాకువడా ఇది తరచుగా తినాలనే కోరికను కూడా తగ్గిస్తుంది. దీంతో పాటు.. ఇది జీవక్రియను కూడా సక్రియం చేస్తుంది. అంతే కాకుండా కొవ్వును కరిగించడంలో సహాయపడుతుంది.

కిడ్నీ ఆరోగ్యం:
బార్లీ నీరు కిడ్నీ లను శుభ్రపరచడంలో సహాయపడే సహజ డీటాక్స్ పానీయంగా పనిచేస్తుంది. ఇందులో మూత్రవిసర్జన లక్షణాలు పుష్కలంగా ఉన్నాయి. ఇది శరీరం నుండి అదనపు ఉప్పు, నీరు,వ్యర్థ పదార్థాలను బయటకు పంపడంలో సహాయపడుతుంది. అంతే కాకుండా మూత్రపిండాల్లో రాళ్ళు వంటి సమస్యల నుండి ఉపశమనం పొందడంలో కూడా ఇది సహాయపడుతుంది.

చర్మానికి సహజమైన మెరుపు:
బార్లీ నీటిలో లభించే యాంటీఆక్సిడెంట్లు, ముఖ్యమైన ఖనిజాలు చర్మానికి పోషణను అందిస్తాయి. ఇది నిర్జలీకరణాన్ని నివారిస్తుంది. అంతే కాకుండా చర్మాన్ని లోపలి నుండి తేమగా ఉంచుతుంది. క్రమం తప్పకుండా దీనిని తీసుకోవడం వల్ల చర్మ రంగు మెరుగుపడుతుంది. అంతే కాకుండా చర్మం ఆరోగ్యంగా, యవ్వనంగా కనిపిస్తుంది.

Also Read: ఉదయాన్నే ఇలా చేస్తే.. మీ అందం రెట్టింపు

బార్లీ నీటిని ఎలా తయారు చేయాలి ?
-1 కప్పు బార్లీని నీటిలో 4-5 గంటలు నానబెట్టండి.
– తర్వాత దీనిని 10 నిమిషాల పాటు నీటిలో మరిగించి, వడకట్టి తాగండి.
-దీనికి నిమ్మకాయ లేదా తేనె కలపడం ద్వారా దాని రుచిని మరింత పెంచుకోవచ్చు.