incense stick and mosquito coil smoke cancer risk| మన ఇళ్లలో అగరబత్తులు, దోమల కాయిల్స్ ఉపయోగించడం చాలా సాధారణం. పూజలు, పండుగలు, ఇతర ఆధ్యాత్మిక కార్యక్రమాల్లో అగరబత్తులను ఎక్కువగా వెలిగిస్తుంటారు. దోమల బెడద పెరిగిన సమయంలో చాలామంది దోమల కాయిల్స్ను ఉపయోగిస్తారు. అయితే ఈ రెండింటి నుంచి వెలువడే పొగను పీల్చడం ఆరోగ్యానికి హానికరమా? ముఖ్యంగా ఈ పొగ.. క్యాన్సర్ ప్రమాదాన్ని పెంచుతుందా అనే సందేహం చాలామందికి ఉంటుంది. దీని గురించి వేదాంత హాస్పిటల్కు చెందిన మెడికల్ అనాకాలజిస్ట్ (క్యాన్సర్ నిపుణులు) డాక్టర్ చింతన్ షా స్పష్టతనిచ్చారు.
అగరబత్తి కాలినప్పుడు కేవలం సువాసన మాత్రమే గాల్లోకి వెళ్లదు. దహనం సమయంలో సూక్ష్మ కణాలు, వివిధ రసాయన పదార్థాలు కూడా విడుదలవుతాయి. వీటిలో కొన్ని వోలటైల్ ఆర్గానిక్ కాంపౌండ్స్, పాలీసైక్లిక్ అరోమాటిక్ హైడ్రోకార్బన్స్ ఉంటాయి.
సూక్ష్మ కణాలు కొంతసేపు గాల్లో తేలుతూ ఉంటాయి. అప్పుడు సమీపంలో ఉన్నవారు వాటిని శ్వాస ద్వారా లోపలికి తీసుకునే అవకాశం ఉంటుంది. ఎక్కువసేపు అగరబత్తి వెలిగిస్తే పొగకు గురయ్యే స్థాయి పెరగవచ్చు.
దోమలను దూరంగా ఉంచేందుకు కాయిల్స్ నెమ్మదిగా కాలుతూ రసాయనాలను విడుదల చేస్తాయి. అయితే ఈ ప్రక్రియలో పొగ, సూక్ష్మ కణాలు కూడా ఉత్పత్తి అవుతాయి. గది పరిమాణం, గాలి ప్రసరణ, కాయిల్ రకం, ఉపయోగించే పరిమాణం వంటి అంశాలు ప్రభావం చూపుతాయి.
చిన్న గదిలో కాయిల్ వెలిగిస్తే పొగ ఎక్కువగా పేరుకునే అవకాశం ఉంటుంది. అదే గదిలో ఎక్కువసేపు ఉంటే పొగకు గురయ్యే సమయం కూడా పెరుగుతుంది.
అప్పుడప్పుడు ఉపయోగించడం వల్ల క్యాన్సర్ వస్తుందని చెప్పడానికి ప్రస్తుతం తగిన ఆధారాలు లేవు. క్యాన్సర్కు ఒక్క కారణం ఉండదు. జన్యుపరమైన అంశాలు, పొగాకు, మద్యం, ఊబకాయం, కొన్ని ఇన్ఫెక్షన్లు, పర్యావరణ ప్రభావాలు వంటి అంశాలు ప్రమాదాన్ని ప్రభావితం చేయవచ్చు. కొన్ని అధ్యయనాలు అగరబత్తి పొగను తరచుగా పీల్చడంపై ఆందోళనలు వ్యక్తం చేశాయి. దోమల కాయిల్ పొగ శ్వాసకోశంపై ప్రభావం చూపవచ్చని కూడా కొన్ని పరిశోధనలు సూచించాయి. అయితే ఈ పరిశోధనలు నేరుగా క్యాన్సర్కు కారణమని నిరూపించలేదు.
గదిలో సరైన గాలి ప్రసరణ లేకపోతే పొగ ఎక్కువసేపు ఉండవచ్చు. కిటికీలు, తలుపులు మూసి ఉంటే సూక్ష్మ కణాలు మరింతగా పేరుకునే అవకాశం ఉంటుంది. అందువల్ల గదిలో గాలి ప్రసరణ ఉండేలా చూసుకోవడం మంచిది.
Also Read: సబ్బు, డిటర్జెంట్తో చేతుల్లో దురద, మంట వస్తుందా? ఈ జాగ్రత్తలు పాటించండి
అగరబత్తులను గాలి ప్రసరణ ఉన్న ప్రదేశంలో వెలిగించడం మంచిది. ఒకేసారి ఎక్కువ అగరబత్తులను వెలిగించకుండా ఉండాలి. అవసరానికి మించి ఎక్కువసేపు వాటిని మండనివ్వకండి. నిద్రించే గదుల్లో దోమల కాయిల్స్ ఉపయోగించకుండా ఉండటం మంచిది. దోమతెరలు లేదా విద్యుత్ ఆధారిత దోమల నివారణ పద్ధతులను ప్రత్యామ్నాయంగా ఉపయోగించవచ్చు. పొగ తక్కువగా విడుదల చేసే ఉత్పత్తులు అందుబాటులో ఉంటే వాటిని బాగా పరిశీలించండి.
ఇంట్లో పొగను తగ్గించడం ద్వారా ఇండోర్ గాలి నాణ్యతను మెరుగుపరచవచ్చు. శ్వాస సంబంధిత సమస్యలు కొనసాగితే వైద్య నిపుణులను సంప్రదించడం మంచిది.
Also Read: జిమ్లో వర్కౌట్ చేస్తున్నారా? కండరాలు నిజంగా పెరుగుతున్నట్లు సూచించే 5 సంకేతాలివే
Share
కేరెన్స్, క్లావిస్ కు CNG పవర్.. ధరలు ఎంతో తెలుసా?
మహాభారతం 'భీముడు' పై కేస్ ఫైల్.. అసలేం జరిగిందంటే?
