Circadian Rhythm Fasting: ఈ రోజుల్లో బరువు తగ్గడానికి, ఫిట్గా ఉండటానికి ఇంటర్మిట్టెంట్ ఫాస్టింగ్, కేటో డైట్ అంటూ రకరకాల పద్ధతులు వాడుకలోకి వచ్చాయి. అయితే వాటన్నింటికంటే వేగంగా, అత్యంత సహజంగా బాడీని రీసెట్ చేసే సరికొత్త హెల్త్ ట్రెండ్ ‘సర్కేడియన్ ఫాస్టింగ్’ . సాధారణ డైట్లలా ఇది గడియారం టైమ్ను బట్టి కాకుండా.. సూర్యుడి గమనాన్ని బట్టి నడుస్తుంది! రాత్రి ఆలస్యంగా తినే అలవాటుకు చెక్ పెట్టి సూర్యాస్తమయం లోపే తింటే కలిగే ఆశ్చర్యకరమైన ప్రయోజనాలేంటో ఇప్పుడు వివరంగా తెలుసుకుందాం.
మన శరీరంలో ప్రతి కణానికి ఒక ‘బయోలాజికల్ క్లాక్’ (జీవ గడియారం) ఉంటుంది. దీనినే సార్కాడియన్ రిథమ్ అంటారు. సూర్యకాంతి ఉన్నంతసేపు మన జీర్ణక్రియ , ఎంజైమ్ల ఉత్పత్తి చాలా వేగంగా ఉంటాయి. సూర్యుడు అస్తమించగానే శరీరం జీర్ణ వ్యవస్థను స్లో చేసి, కణాల మరమ్మత్తు మోడ్లోకి వెళ్తుంది. అందుకే సూర్యుడు ఉన్నప్పుడే ఆహారం తీసుకోవాలి, చీకటి పడ్డాక జీర్ణ వ్యవస్థకు విశ్రాంతి ఇవ్వాలి అనేదే ఈ డైట్ ముఖ్య సూత్రం.
ఆటోఫేజీ యాక్టివేషన్: రాత్రి 7 గంటలకు భోజనం ముగించి, మరుసటి రోజు ఉదయం 7 వరకు ఏమీ తినకుండా ఉంటే (12 గంటల గ్యాప్) శరీరంలో ఆటోఫేజీ అనే అద్భుత ప్రక్రియ మొదలవుతుంది. ఇందులో బాడీలోని పాత, దెబ్బతిన్న కణాలను శరీరం దాన్నంతట అదే తినివేసి సరికొత్త కణాలను ఉత్పత్తి చేస్తుంది. ఇది క్యాన్సర్ వంటి వ్యాధులు రాకుండా నిరోధిస్తుంది.
ఇన్సులిన్ నిరోధకతకు చెక్: రాత్రిపూట హెవీగా తింటే ఇన్సులిన్ స్థాయిలు ఆకాశాన్ని తాకుతాయి. రాత్రి వేళ ఇన్సులిన్ సరిగ్గా పనిచేయకపోవడం వల్ల ఆ ఆహారమంతా నేరుగా కొవ్వుగా మారుతుంది. సర్కేడియన్ ఫాస్టింగ్ వల్ల బ్లడ్ షుగర్ లెవెల్స్ కంట్రోల్లో ఉండి టైప్-2 డయాబెటిస్ ముప్పు తప్పుతుంది.
కడుపు ఉబ్బరం, అసిడిటీ మాయం: చాలా మందికి రాత్రి తిని వెంటనే పడుకోవడం వల్ల గ్యాస్, యాసిడ్ రీఫ్లక్స్ (గుండెల్లో మంట) అవుతుంటుంది. రాత్రి 7 గంటలలోపే తినడం వల్ల పడుకునే సమయానికి జీర్ణక్రియ పూర్తయి, కడుపు తేలికగా ఉంటుంది.
గాఢమైన నిద్ర, హ్యాపీ మైండ్: జీర్ణ వ్యవస్థ పనిచేయనప్పుడు మెదడు ‘మెలటోనిన్’ అనే నిద్ర హార్మోన్ను పుష్కలంగా విడుదల చేస్తుంది. దీనివల్ల రాత్రివేళ గాఢమైన నిద్ర పడుతుంది, ఉదయం లేవగానే మైండ్ చాలా ఫెష్గా, ఎనర్జిటిక్గా ఉంటుంది.
ఎలా ప్రారంభించాలి?
ఈ ఫాస్టింగ్ చేయడానికి మీరు రూపాయి కూడా ఖర్చు చేయాల్సిన అవసరం లేదు (ధర: రూ. 0). ఎలాంటి ప్రత్యేకమైన ప్రోటీన్ పౌడర్లు లేదా సప్లిమెంట్లు కొనక్కర్లేదు.
ఈటింగ్ విండో: సూర్యోదయం నుంచి సూర్యాస్తమయం వరకు (సుమారు 12 గంటల సమయం) ఆహారం తీసుకోవచ్చు.
ఫాస్టింగ్ విండో: సూర్యాస్తమయం నుంచి మరుసటి రోజు ఉదయం సూర్యోదయం వరకు (12 గంటలు) ఏమీ తినకూడదు.
ఉదయం: సూర్యోదయం తర్వాత (ఉదయం 7 నుంచి 8 గంటల మధ్య) ఆరోగ్యకరమైన టిఫిన్ చేయండి.
మధ్యాహ్నం: మధ్యాహ్నం 1 నుంచి 2 గంటల మధ్య సమతుల్య భోజనం తీసుకోండి.
Also Read: ఇంట్లో వాడే.. నూనె మీ గుండెను దెబ్బతీస్తోందా?
రాత్రి: సూర్యాస్తమయ సమయానికి అంటే సాయంత్రం 6:30 నుంచి 7 గంటల లోపు తేలికపాటి డిన్నర్ ముగించండి.
రాత్రి 7 తర్వాత: కేవలం మంచి నీరు మాత్రమే తాగాలి.
శరీర స్వభావానికి విరుద్ధంగా అర్ధరాత్రిళ్లు తినే అలవాటే సగం రోగాలకు మూలం. సర్కేడియన్ ఫాస్టింగ్ అనేది ఏదో.. తాత్కాలిక డైట్ ప్లాన్ కాదు, అదొక ఆరోగ్యకరమైన లైఫ్ స్టైల్ . ఈ రోజు నుంచే సూర్యుడి సమయంతో పాటు మీ భోజన సమయాన్ని మార్చుకుని, సహజంగానే బరువు తగ్గి దీర్ఘాయుష్షును సొంతం చేసుకోండి.
Share
జియో గుడ్ న్యూస్.. రూ. 999 కే 5TB గూగుల్ క్లౌడ్ స్టోరేజ్.. 196 GB డేటా, ఫ్రీ కాల్స్!
'అమరన్' డైరెక్టర్తో ధనుష్ ఊచకోత.. 'ఓం' టైటిల్ టీజర్ చూశారా?
