ఈ రోజుల్లో చాలా మంది పిల్లలు చిప్స్, బర్గర్లు, పిజ్జాలు వంటి జంక్ ఫుడ్ తినడానికి ఎక్కువగా ఇష్టపడుతున్నారు. ఇవి రుచిగా ఉన్నప్పటికీ, తరచుగా తింటే ఆరోగ్యంపై ప్రతికూల ప్రభావం చూపే అవకాశం ఉంటుంది. అందుకే పిల్లలకు రుచికరంగా ఉండే, పోషకాలు కూడా అందించే ఇంటి వంటలు ఇవ్వడం చాలా ముఖ్యం. ఇంట్లో తయారుచేసే ఆరోగ్యకరమైన స్నాక్స్ పిల్లల శరీరానికి అవసరమైన పోషకాలను అందించడంతో పాటు మంచి ఆహారపు అలవాట్లను కూడా పెంచుతాయి. ప్రతి సాయంత్రం పిల్లలు ఆసక్తిగా అడిగే ఐదు సులభమైన స్నాక్స్ ఇవి.
చాలా మంది పిల్లలు కూరగాయలు తినడానికి ఇష్టపడరు. అలాంటి సమయంలో సుజీ దోశ మంచి ఎంపిక అవుతుంది. సుజీలో పెరుగు, కొద్దిగా నీరు కలిపి గట్టిగా పిండి తయారు చేయాలి. అందులో క్యారెట్, టమాటా, ఉల్లిపాయ, క్యాప్సికం వంటి సన్నగా తరిగిన కూరగాయలు కలపాలి. తరువాత కొద్దిగా నెయ్యి లేదా వెన్నతో పెనంపై రెండు వైపులా కాల్చాలి. ఈ చిల్లా బయటకు కరకరలాడుతూ లోపల మెత్తగా ఉంటుంది. టమాటో కెచప్ లేదా పుదీనా చట్నీతో పిల్లలు ఎంతో ఇష్టంగా తింటారు.
చిప్స్‌కు బదులుగా మఖానా చాట్ ఇవ్వడం మంచి అలవాటు. మఖానాలో కాల్షియం, ప్రోటీన్ వంటి ముఖ్యమైన పోషకాలు ఉంటాయి. కొద్దిగా నెయ్యిలో మఖానాలను క్రిస్పీ వచ్చే వరకు వేయించాలి. తరువాత ఉప్పు, పసుపు, చాట్ మసాలా కలపాలి. సన్నగా తరిగిన దోసకాయ, టమాటా, కొద్దిగా నిమ్మరసం కలిపితే రుచికరమైన చాట్ సిద్ధమవుతుంది. ఇది పిల్లలకు ఆరోగ్యకరమైన, రుచికరమైన స్నాక్‌గా ఉంటుంది.
స్వీట్స్ ఇష్టపడే పిల్లలకు ఈ పాన్‌కేక్ మంచి ప్రత్యామ్నాయం. ముందుగా ఓట్స్‌ను పౌడర్‌గా చేసుకోవాలి. పండిన అరటిపండును మెత్తగా చేసి ఓట్స్‌తో కలపాలి. అందులో పాలు, కొద్దిగా తేనె వేసి పిండిలా తయారు చేయాలి. నాన్‌స్టిక్ పెనంపై చిన్న పాన్‌కేక్‌లుగా కాల్చాలి. ఇవి సహజమైన తీపితో పాటు ఎక్కువసేపు ఎనర్జీనిస్తాయి.
ఫ్రెంచ్ ఫ్రైస్‌కు బదులుగా ఇంట్లో చేసిన పొటాటో వెజెస్ మంచి ఎంపిక. ఆలుగడ్డలను పొడవుగా కోసి వాటిపై ఆలివ్ ఆయిల్, ఉప్పు, మిరియాల పొడి, ఒరేగానో చల్లాలి. తరువాత ఓవెన్‌లో బేక్ చేయాలి లేదా మూతపెట్టి పెనంపై కాల్చాలి. ఇవి బయటకు కరకరలాడుతూ లోపల మెత్తగా ఉంటాయి. పిల్లలు ఈ స్నాక్‌ను ఎంతో ఇష్టపడతారు.
సాయంత్రం స్వల్ప ఆకలి తీర్చేందుకు ఇది అద్భుతమైన స్నాక్. ఒక గ్లాస్‌లో మందంగా ఉండే పెరుగు పొర వేయాలి. తరువాత మామిడి, అరటి, యాపిల్ లేదా స్ట్రాబెర్రీ ముక్కలు వేయాలి. పైగా బాదం, జీడిపప్పు, కిస్మిస్ చల్లాలి. కావాలంటే కొద్దిగా తేనె కలపవచ్చు. రంగురంగుల పొరలతో ఇది ఐస్‌క్రీమ్‌లా కనిపిస్తుంది. అందువల్ల పిల్లలు ఎంతో ఆసక్తిగా తింటారు.
Also Read: పిల్లలను రోజూ స్కూల్ కోసం రెడీ చేయడం మరింత ఈజీ.. ఉదయం వేళ హడావుడిని తగ్గించే టిప్స్ ఇవిగో
పిల్లలకు ప్రతిరోజూ ఒకే సమయంలో ఆరోగ్యకరమైన స్నాక్స్ ఇవ్వాలి. ఇంట్లో తాజా పండ్లను అందుబాటులో ఉంచాలి. ప్యాకెట్ స్నాక్స్‌ను తక్కువగా కొనాలి. స్నాక్స్ తయారీలో పిల్లలను కూడా భాగస్వాములను చేయాలి. అందంగా డెకరేట్ చేసి ఈ ఫుడ్స్ వడ్డిస్తే వారు మరింత ఇష్టంగా తింటారు. చిన్న మార్పులు కూడా పెద్ద ఆరోగ్య ప్రయోజనాలు అందిస్తాయి.
ఆరోగ్యకరమైన ఆహారం రుచికంరగా చేస్తే పిల్లలు తినడానికి కూడా ఇష్టపడతారు. ఇంట్లో తయారుచేసే ఈ స్నాక్స్.. జంక్ ఫుడ్‌కు మంచి ప్రత్యామ్నాయం. ఇవి పిల్లలకు పోషకాలు, శక్తి, మంచి ఆహారపు అలవాట్లను అందిస్తాయి. ఈ వంటకాలను వారానికి కొన్ని రోజులు తయారు చేస్తే పిల్లలు ఆరోగ్యంగా పెరుగుతారు.
Share
ఓర్నాయనో.. ఒక్క ఛార్జ్తో వంద గంటలా ?బడ్జెట్లో టాప్ 5 నెక్ బ్యాండ్స్ ఇవే!
One Rupee Marriage: విచిత్రమైన పెళ్లి.. కేవలం ఒక్క రూపాయి, ఇంతకీ ఎక్కడో తెలుసా?
