Ganesh Chaturthi Golden Modaks| వినాయక చవితి వచ్చిందంటే ఇళ్లలో పూజలు, వీధుల్లో భారీ మండపాలు, రంగురంగుల అలంకరణలు కనిపిస్తాయి. ఈ పండుగలో రకరకాల స్వీట్లు కూడా ప్రత్యేక ఆకర్షణగా నిలుస్తాయి. ఈ పండుగ స్పెషల్ స్వీట్ గణపయ్యకు ఇష్టమైన మోదక్. లడ్డూలు, మోదక్లు వంటి నైవేద్యాలతో భక్తులు ఆ శ్రీ గణేశుడిని పూజిస్తారు. అయితే, నాశిక్లోని ఓ స్వీట్ షాప్ ఇప్పుడు తయారు చేసిన మోదక్ మాత్రం అందరి దృష్టిని ఆకర్షిస్తోంది. దానికి కారణం అక్కడ లభించే స్పెషల్ మోదక్స్. ప్రతీ సంవత్సరం ఈ షాపులో బంగారు మోదక్స్ తయారు చేస్తారు. అయితే ఈ సారి వాటి ధర చూసి అందరూ నోరెళ్ల బెడుతున్నారు.
నాశిక్లోని విద్యా వికాస్ సర్కిల్ వద్ద సాగర్ స్వీట్స్ ఉంది. ఈ ఏడాది గణేశోత్సవం సందర్భంగా ఆ షాప్లో గోల్డెన్ మోదక్ అందుబాటులో ఉన్నాయి. ఈ మోదక్పై తినదగిన బంగారు పూతను ఉపయోగించారు. దీంతో మోదక్ ఎంతో ఆకర్షణీయంగా, లగ్జరీ ఫుడ్ ఐటెమ్గా కనిపిస్తోంది. సోషల్ మీడియాలో ఈ ఖరీదైన మోదక్కు సంబంధించిన ఫొటోలు, వీడియోలు వైరల్ అవుతున్నాయి.
ఈ సారి కిలో గోల్డెన్ మోదక్ ధర ఏకంగా రూ.27,000గా ఉంది. సాధారణ మోదక్లతో పోలిస్తే ఇది చాలా ఎక్కువ ధర.
సాగర్ స్వీట్స్ గతంలో కూడా గోల్డెన్ మోదక్లను విక్రయించింది. 2021లో కిలో గోల్డెన్ మోదక్ ధర రూ.12,000గా ఉండేది. గత ఏడాది ఇదే మోదక్ను రూ.20,000కు విక్రయించారు. అయితే, ఈ ఏడాది ధర రూ.27,000కు చేరింది. అంటే 2021తో పోలిస్తే ప్రస్తుతం గోల్డెన్ మోదక్ ధర రెట్టింపు కంటే ఎక్కువైంది. గతంలో ఈ స్వీట్ షాప్ సిల్వర్ మోదక్ను కూడా తయారు చేసినట్లు సమాచారం.
దానిపై తినదగిన వెండి పూతను ఉపయోగిస్తారు.
Also Read: వయసు పెరిగినా శరీరంలో చరుకుదనం తగ్గదు.. డాక్టర్ సూచించిన ఈ 6 అలవాట్లు పాటిస్తే
గణేశోత్సవం సమయంలో మార్కెట్లలో అనేక రకాల మోదక్లు అందుబాటులో ఉంటాయి. అయితే సంప్రదాయ ఉకడిచే మోదక్కు ప్రత్యేకమైన ఆదరణ ఉంటుంది. ఉకడిచే మోదక్ను సాధారణంగా బియ్యప్పిండి పిండితో తయారు చేస్తారు. లోపల కొబ్బరి, బెల్లంతో తయారు చేసిన తీపి పూర్ణాన్ని ఫిల్లింగ్ చేస్తారు. యాలకులు, జాజికాయ వంటి సుగంధ ద్రవ్యాలు దాని రుచిని మరింత పెంచుతాయి.
పిండిని చిన్న గిన్నెలా చేసి, అందులో పూర్ణాన్ని నింపుతారు. తర్వాత అంచులను చేతితో మడిచి మోదక్కు ప్రత్యేక ఆకారాన్ని ఇస్తారు. చివరగా వాటిని ఆవిరిపై ఉడికిస్తారు.
గోల్డెన్ మోదక్ సంప్రదాయ స్వీట్కు విలాసవంతమైన రూపాన్ని తీసుకొచ్చింది. దానిపై ఉన్న బంగారు పూత ఈ మోదక్ను ప్రత్యేకంగా నిలబెడుతోంది. అయితే రూ.27,000 ధర కారణంగా ఇది అందరికీ అందుబాటులో ఉండే స్వీట్ కాదు. చాలామంది మాత్రం పండుగలో ఇంట్లో తయారు చేసే సంప్రదాయ మోదక్నే ఇష్టపడతారు.
మరి మీకూ గోల్డెన్ మోదక్ కావాలంటే నాశిక్ స్వీట్ షాపులో మాత్రమే లభిస్తున్నాయి. అక్కడికి వెళ్లాల్సిందే.
Also Read: మీరు ఇంట్లోనే RO వాటర్ తాగుతున్నారా? అది విషపూరితం కావొచ్చు.. ఈ 3 సంకేతాలు గుర్తించండి
Share
పాకిస్తాన్ ప్లేయర్స్ బేవార్స్ గాళ్ళు...తిండి కోసం కొట్టుకు చస్తారు
ఏలియన్స్ దాడి నుండి భూమిని కాపాడే ఏజెంట్లు... మైండ్ బ్లోయింగ్ సై-ఫై హై-టెక్ యాక్షన్ అడ్వెంచర్
